手信推介:Q彈軟滑 開運七彩啫喱肥皂

手信推介:Q彈軟滑 開運七彩啫喱肥皂

今日Mika又帶大家嚟到千葉嘅成田表參道搵當地名物啦~
雖然日常生活之中,一早已經清楚明白日本人對乾淨嘅堅持,之但係將肥皂當成「聖物」咁「供奉」嘅「さぼんさま」(Sabonsama)開運啫哩肥皂專門店仍然係再一次令Mika大開眼界!
手信推介:Q彈軟滑 開運七彩啫喱肥皂
 
由於依間鋪頭超受歡迎,人頭湧湧,離遠淨係見到牆上面嘅超夢幻發光籐袋,諗都諗唔到原來係賣肥皂!
手信推介:Q彈軟滑 開運七彩啫喱肥皂
 
肥皂有好多種唔同顏色,每一隻顏色都有自己獨特嘅氛香同寓意㗎!
 
手信推介:Q彈軟滑 開運七彩啫喱肥皂
 
例如琥珀(橙色)嘅代表神明係不動明王,可以增強整體運情,有金木犀嘅香味;
江戶紫嘅代表神明係觀音娘娘,可以保家庭安全,有淡淡嘅鈴蘭香味;
蒲公英(淡黃色)嘅代表神明係虛空藏菩薩,可以滿願成就,有好清爽嘅柚子+蜜桔嘅味道;
紅乃赤嘅代表神明係愛染明王,有提先戀愛運嘅神奇功效,有香而不俗嘅玫瑰味,係Mika最鍾意嘅味道!手信推介:Q彈軟滑 開運七彩啫喱肥皂
 
店面有好多洗手盆比你試洗~一拎上手,終於都知道點解依個波波肫皂咁受歡迎!
原來佢係非常之咁軟綿綿,滑劣劣,既Q彈又動L,彈彈吓咁,手感好到加零一!
當然佢唔係純粹為咗好揸先將肥皂設計成一個啫哩波波,而係因為好多肥皂用用下就會變成一pat扁撻撻嘅風乾漿糊,仲要痴實晒係肥皂碟,一抆出嚟仲分分鐘斷埋㖭!依個啫哩波波就唔會有啲咁嘅事情發生啦!實在係好聞好睇又好用~
手信推介:Q彈軟滑 開運七彩啫喱肥皂
 
依舊金箔肥皂就係「さぼんさま」嘅鎮店之寶~唔知真係以為可以食啊!
另外,「さぼんさま」嘅肥皂全部都係可用嚟洗面㗎!一舊肥皂就可以洗晒面同身體,趴肥池啦!
手信推介:Q彈軟滑 開運七彩啫喱肥皂
 
大家試均晒咁多隻味,洗完手之後……
手信推介:Q彈軟滑 開運七彩啫喱肥皂
 
仲可以飲住免費嘅冰涼麥茶休息~
手信推介:Q彈軟滑 開運七彩啫喱肥皂
 
順便望埋鋪頭入面仲有咩好嘢~
(冇錯佢地將啲肥皂放到女似貢品咁!超誇張(笑))
手信推介:Q彈軟滑 開運七彩啫喱肥皂
 
鋪頭入面有好多種唔同種類嘅禮盒裝~
送禮/做手信送依個肥皂一啲都唔失禮,仲好高級㖭!
手信推介:Q彈軟滑 開運七彩啫喱肥皂
 
有興趣嘅朋友,可以上官網到了解更多詳情~~~
手信推介:Q彈軟滑 開運七彩啫喱肥皂
 
下次再帶大家就圍去啦~拜拜~