【廣島蠔60分鐘放題】5狂食廣島蠔!好玩又好食!

【廣島蠔60分鐘放題】$155狂食廣島蠔!好玩又好食!

一場嚟到廣島,冇理由唔試下啲廣島蠔㗎…如果唔係點同鄉親父老、叔伯兄弟交待呢?

只不過單單幾隻廣島蠔又點能夠滿足到我…所以今次去嘅係【燒蠔放題】!係咪聽到都覺得興奮呢!唔好以為廣島蠔加上放題就一定好貴,食足60分鐘都只係2300円,即係港幣$155左右咋!係咪平到笑出嚟?

喂喂喂…擔心平嘢就一定冇好嘢?放心喇…島田水產係一間已經超過三百年歷史嘅老字號,由江戶時期到依家,一直販賣廣島蠔,質量仲頂呱呱添,分別有新鮮生蠔同新鮮燒蠔兩種,諗好食咩之後,就可以坐係牡蠣小屋入面慢慢食。生蠔係逐隻計,15個2750円(約港幣$185),20個 3500円 (約港幣236)、30個 5000円(約港幣$337);而燒蠔放題就係2300円(約港幣$155),如果女仔食量唔多,或者純粹想試下味嘅朋友,可以揀買一公斤燒蠔(大約10個)  1100 円 (約港幣 $ 74),不過記得留意6月至9月係休漁期,計劃出發嘅朋友要注意喇!​

店鋪名稱:島田水產
地址:廣島縣廿日市市宮島口西1丁目2-6  
前往方法:「宮島口駅」步行約10分鐘
開放時間:10:00 – 19:00
暫停時間:16:00 – 17:00
休漁期:6月至9月

島田水產靠近海邊,隔個海就係宮島,仲有位可以泊車添
島田水產燒蠔任食
燒蠔放題60分鐘2300円(約港幣$155),另外提提你,燒蠔係會收租爐嘅費用,一個爐係400円,可以幾個朋友share
島田水產燒蠔任食
怕食唔哂或者唔想食咁多嘅話,可以揀買一公斤燒蠔(大約10個)  1100 円 (約港幣 $ 74)
島田水產燒蠔任食
光顧嘅主要係本地人,較少海外旅客
島田水產燒蠔任食
島田水產燒蠔任食
食完可以再攞!任攞唔嬲!
島田水產燒蠔任食
店員笑得好甜啊,仲教我點樣燒蠔添
島田水產燒蠔任食
隻隻蠔都咁肥美,係咪睇到吞口水呢
島田水產燒蠔任食
燒蠔都幾好玩,好似玩緊日本燒肉遊戲咁,要小心唔好比佢燶
島田水產燒蠔任食
好似燒得唔錯
島田水產燒蠔任食
點知講完冇耐…即刻燶咗….哈哈
島田水產燒蠔任食
【燒蠔放題】會跟一個飯同湯,就算未燒好啲蠔都有嘢食住先
島田水產燒蠔任食
不過燒蠔嘅時候要小心,因為如果燒得太耐,隻蠔會「Pop」一聲爆出嚟,全間牡蠣小屋都「Pop 」聲四起,我都唔小心彈到隻眼,好彩最後「武士」!(擔心嘅朋友可以考慮下戴護目鏡…哈哈)
島田水產燒蠔任食
同埋留意返,燒蠔放題提供嘅蠔係唔可以生食㗎!千祈唔好做傻事啊!
島田水產燒蠔任食
雖然唔可以生食,但可以加芝士食,冇咁單調!
島田水產燒蠔任食
戰績!食左30-40隻,有網友同我講佢試過60分鐘內食60隻!有冇人挑機?
島田水產燒蠔任食
想食生蠔嘅朋友可以入去揀下
島田水產
價錢好抵(平均$12隻左右,愈多愈平),食到幾隻先返香港喇!
島田水產

送禮物時間
今次帶咗啲【即開即食蠔】比你哋,鍾意食蠔嘅朋友,快啲跟住下面步驟做喇!
廣島蠔
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時,點選左方的「分享博客文章」以獲得分享連結
4. 會員可透過各大社交平台及討論區分享連結網址,LikeJapan會統計每條連結的點擊次數,會員也可於博客頁面左方查閱點擊排行榜。
5. 截止時間內的分享連結點擊次數愈多,獲獎機會愈大。如有會員的分享點擊數目相同,將根據系統紀錄最快達到該點擊次數的參加者得獎。
詳細玩法亦可參考此頁
*如有任何爭議,LikeJapan將保留最終決定權。