講到邊到睇富士山最近最靚最好玩？相信唔少去過河口湖嘅朋友都一定會誠意推介富士五湖之一嘅河口湖^^
平時去河口湖已經又有風景睇又有水上活動玩，而家去仲有得睇紅葉祭㖭～
由於紅葉祭嘅關係，一大早已經有好多小食同農產品攤檔等住大家去幫襯，好熱鬧！
小食攤有祭典必備團子、蕃薯條、草餅等等，而依檔源自京都錦市場嘅栗子店老闆就非常nice地係咁請我地試食栗子！
新鮮出爐嘅炒栗子又甜又大粒，食到個人暖笠笠^^
沿住啲攤檔行就會去到河口湖邊，見前嘅富士山真係好大好近好壯觀！
加上湖邊嘅小樹林紅葉飄飄，可以一邊睇住富士山，一邊睇紅葉真係好享受^^
而家11月，山梨大約4點半5點就開始日落～
由而家到11月23號紅葉祭嘅時候，每日4點半日落時份河口湖紅葉迴廊就會亮燈，一抬頭望上天空，就會見到大堆又紅又燈嘅紅葉包住自己，好浪漫啊～
交通小貼士：
好多人都以為去山梨好遠，其實由東京新宿搭高速巴士去河口湖站1個鐘頭45分鐘就到，車費都係1750yen，都幾方便抵玩㗎～
不過提提大家記得早啲check定班次，紅葉旺季好搶手㗎（笑）
唔記得預約都唔緊要，大家可以去新宿高速巴士總站直接買飛（喺新宿JR站南口一出就會見到），不過如果客滿就要等下一班啦＞＜
想成班親友去日本旅遊玩得舒適又方便？交通安排就交畀「五稜」啦！
「五稜」提供日本本地包車服務，根據旅客人數及行李數量等，提供13座、24座及53座等唔同大小嘅車輛，無論係家庭旅遊定公司團體都適合！
唔識日文都唔洗怕，「五稜」有中英日三語的Whatsapp/LINE helpdesk服務，仲可以安排領隊陪同周圍玩㖭！另外仲有各類門票、餐廳、溫泉旅館、酒店預約等服務，一站式服務夠晒貼心方便啊！
想跟住Like Japan呢次山梨之旅望住富士山浸溫泉？或者想一班人包車去滑雪？「五稜」司機經驗豐富，確保大家有一趟輕鬆、安全同安心嘅旅程～
GORYO 五稜
網頁：http://www.goryo.co.jp/chinese/
Facebook：https://www.facebook.com/goryobusandtravel/
河口湖紅葉祭
日期：即日至23日
時間：下午4時30分至10時
地址：山梨県南都留郡富士河口湖畔河口梨川周辺
河口湖紅葉迴廊
地址：山梨県南都留郡富士河口湖町河口
About Post Author
