提起大阪，相信好多人第一時間都會諗起心齋橋，可以瘋狂SHOPPING～其實大阪除左係SHOPPING好去處之外，仲有好多景點地方值得一去架！
以下我就要同大家介紹」大阪周遊卡」，佢係一張非常超值又好用嘅大阪撘車PASS！只需要一個價錢就可以1日／2日內任撘大阪地鐵同埋免費遊覽超過30個景點設施＋多間設施商店的折扣優惠！我覺得呢張PASS非常適合初次遊覽大阪同想了解大阪更多嘅朋友！跟住落黎我就會詳細講解～
★大阪周遊卡分1日卷同2日券，價錢如下
★購買地點：
1.最熱門嘅購買地點相信就係關西機場，我曾經買過2次都係喺機場嘅Tourist Information Center買，呢個係過晒海關一入境嘅同一層，南北閘口嘅中間，好易搵到！
▼入左境記得第一時間去買，如果唔係就好多人
▼咁除左機場有得買之外，出返去心齋橋，難波，梅田等地方都可以買到！
其他購買地點詳情：https://www.osaka-info.jp/osp/cht/buy/buy.html
▼2DAY PASS嘅樣子就係咁樣
▼買嘅時候仲會送埋一本小冊子包含優惠券～
▼小冊子非常實用，內含所有相關資訊，包括周遊卡的免費設施及優惠設施
▼仲有唔同大阪區域嘅景點店舖推介，有埋地圖提供，非常清晰！絕對可以令大家加深了解大阪及掌握更多大阪資訊！
▼行程示範＋地鐵路線圖
★可利用乘車範圍：
1DAY PASS同2DAY PASS嘅可利用乘車範圍是有分別的，不過所有免費觀光設施嘅地鐵站2個PASS都有包括在內！詳細分別可按圖放大查看！
▼1DAY PASS：
▼2DAY PASS：
★免費觀光設施：
免費觀光設施多達30個，溫泉，摩天輪，博物館，展望台，美術館，觀光船，動物園，大阪名勝等等等等咩都有
詳細：https://www.osaka-info.jp/osp/cht/facility/free.php
▼小冊子清晰列每個免費設施的開放時間及原價費用，可以一目了然！
★折扣優惠商店及設施
除左免費觀光設施之外，仲有一啲優惠設施同商店，不過講真，免費觀光設施都去唔晒，都好少會去啲得少少優惠嘅設施
有折扣、優惠的設施詳細：https://www.osaka-info.jp/osp/cht/facility/discount.php
有折扣、優惠的商店詳細：https://www.osaka-info.jp/osp/cht/facility/tempo.php
▼小冊子清晰列出有折扣、優惠設施的開放時間及優惠內容，可以一目了然！
★使用方法：
好簡單，見到張咭會有一個BAR CODE，去到所有景點比職員DO一DO就OK～
★總結：
我會推介大家購買大阪周遊卡嘅2DAY PASS，因為可以見到1DAY同2DAY嘅分別只係700YEN，而好多免費觀光設施嘅原本價值都超過500YEN，所以買2DAY PASS比買1DAY超值好多，而且大部分免費觀光設施都好值得一去！
但由於可免費觀光嘅設施實在太多，大家買呢張PASS之前都要PLAN一PLAN究竟邊啲係最想去同最適合自己嘅行程，下幾編BLOG我將會分享一下我去過嘅免費觀光設施，話比大家邊啲景點我係非常推介，邊啲我係唔推介嘅！！繼續留意啦
About Post Author
