喜愛日本,喜愛日本清酒 — 香港新潟日本酒祭2016

喜愛日本,喜愛日本清酒 — 香港新潟日本酒祭2016

相信各位識飲識食嘅朋友近年都意識到香港多咗好多關於清酒嘅Promotion同活動,例如日式超市會搞啲期間清酒祭,仲有提供好多元化嘅清酒比大家揀。另外有啲餐廳會舉辦清酒Free Flow Party或者Food Paring等等,有Demand先會有Supply,呢一切都證明左清酒熱潮已經黎到香港喇!作為一個喜愛日本,同時喜愛日本清酒嘅年青人,當然想將日本清酒文化介紹比更多人識,因為飲酒最緊要係開心Share!
 
日前就我聯同Like Japan嘅Emily應邀參加左一個係香港嘅清酒盛會 — 由新潟縣酒造組合主辦嘅「香港新潟日本酒祭2016」。呢個香港日本酒嘅盛事喺The MIRA Hong Kong舉行,只要$400(早鳥優惠),相等於一餐飯嘅價錢就可以入場任試由新潟縣30個酒藏帶來嘅超過200款清酒,同時間可以同藏人交流清酒心得,無論係資深飲家或清酒初心者都盡興而歸。
 
喜愛日本,喜愛日本清酒 — 香港新潟日本酒祭2016
 
新潟縣以生產優質稻米而聞名,當中最出名嘅越光米「コシヒカリ」,相信有唔少朋友都聽過。雖然越光米係食用米,但其實新潟縣同時都有出產唔少釀酒米,好似雄町、菊水、五百萬石、山田錦等等,有好米自然有好酒,所以新潟縣嘅清酒絕對係日本數一數二 。另外新潟冬天比較寒冷,清酒經過低溫發酵,口感清爽細緻,形成新瀉淡麗風格。
 
每間酒造都精心挑選左3-4款唔同級數嘅清酒推介比大家試,我呢啲酒鬼當然好似去左天堂一樣咁「飲み放題」逐間逐款試啦,但對於好似Emily呢 D清酒初心者黎講都有唔少入門好選擇:
 
 
1. 久保田.萬寿 — 純米大吟醸(朝日酒造)
 
喜愛日本,喜愛日本清酒 — 香港新潟日本酒祭2016
 
識飲清酒無可能未聽過「久保田」呢個名,佢係新潟縣其中一個最大規模嘅酒造。
 
而「萬寿」(圖右一)就係久保田系列入面頂峰之作,以優質釀酒米「五百萬石」釀造,香氣清新味道平衡而且口感柔和。話說我當初都係因為飲過呢支「萬寿」之後就愛上左日本清酒。
 
 
2. 市島.純米ぷらちなスパークリング — 発泡性純米(市島酒造)
 
喜愛日本,喜愛日本清酒 — 香港新潟日本酒祭2016
 
Emily話最鍾意Sparkling Sake,因為易入口,同埋好鍾意個種清新微甜嘅感覺。呢支「市島 純米ぷらちなスパークリング」係樽內進行二次發酵,產生細緻幼滑嘅氣泡,輕微甜味而且口感清爽,啱晒女生們口味。
 
 
3. カワセミの旅 — 純米(越之華酒造)
 
喜愛日本,喜愛日本清酒 — 香港新潟日本酒祭2016

 
另一支極受女生們歡迎的清酒,皆因日本酒度逹負30度,味道十分甜美。而且呢支酒被法國知名巧克力師Jean-Paul Hevin推薦為最適合配朱古力嘅清酒。酒造代表仲即場比左D朱古力我地配酒,呢款酒果然令到朱古力嘅香氣係口入面提昇,好似食緊高級法式甜品咁,女生們實鍾意啦。
 
 
4. 綠川.大吟釀 (綠川酒造)
 
喜愛日本,喜愛日本清酒 — 香港新潟日本酒祭2016
 
如果大家都係好似我咁唔喜歡太甜,喜歡辛口少少又有深度嘅話,呢支「綠川.大吟釀」(圖右一)就啱晒你喇。「綠川.大吟釀」經過長時間工序同熟成,香氣味道豐富而平衡,餘韻帶些微木香。
 
 
喜愛日本,喜愛日本清酒 — 香港新潟日本酒祭2016
來自台灣的陳帥哥為我們介紹綠川的特色。
 
喜愛日本,喜愛日本清酒 — 香港新潟日本酒祭2016
除左清酒之外,仲有用梅酒比大家揀。
 
喜愛日本,喜愛日本清酒 — 香港新潟日本酒祭2016
另外,無親身嚟到現場參展嘅酒造提供嘅清酒都有成過百支比大家「自由斟」。
 
喜愛日本,喜愛日本清酒 — 香港新潟日本酒祭2016
除咗酒之外,大會仲提供精緻小食等大家邊飲邊食。
 
其實好酒太多不能盡錄,無論你本身對Sake有無認識都好,你總能夠係呢二百多款酒入面搵到啱你心水嘅酒,喜愛日本嘅你絶對值得黎體驗一下!最後要多謝咁多位遠道而來嘅酒造代表為我地帶嚟咁多好酒,同為我地詳盡介紹新潟清酒嘅特色!如果下年有機會再舉辦大家就唔好錯過呢個機會喇!
 
喜愛日本,喜愛日本清酒 — 香港新潟日本酒祭2016
 
以上,由酒友酒魅Drinklawei.Mike & 喜愛日本Like Japan.Emily為大家報導。