名古屋之旅:高質日式巴士一日遊 白川鄉+飛驒高山(下)

名古屋之旅:高質日式巴士一日遊 白川鄉+飛驒高山(下)

上集同大家介紹咗我參加KLOOK嘅高質日式巴士一日遊,去咗岐阜縣嘅飛驒高山,今日介紹埋下半部份,就係去白川鄉嘅環節啦!

名古屋之旅:高質日式巴士一日遊 白川鄉+飛驒高山(下)

如果未睇上集嘅朋友,可以參考返KLOOK嘅行程,超級啱晒我呢啲唔夠時間plan行程嘅忙人,唔駛煩交通同行程時間安排,非常方便!詳情可以參考返呢個網址呀:https://www.likejapan.com/klookbustour

名古屋之旅:高質日式巴士一日遊 白川鄉+飛驒高山(下)

遊完高山之後,其實個tour就包一個高級酒店自助午餐,有中西日式美食、嘢飲都包埋,所以大家喺高山其實都唔使食太飽,唔係唔抵呀XD 食完飯酒店隔離有個物產館,想買手信嘅朋友可以喺嗰度行下睇下,大概一個鐘內就要出車前往白川鄉架啦。

期待咗好耐嘅白川鄉,因為成日聽人講呢度直頭好似瑞士啲山區小鎮咁,係童話般嘅景色,三月尾嚟仲未溶雪(仲要個日真係有少少飄雪),係真係開心嘅!

名古屋之旅:高質日式巴士一日遊 白川鄉+飛驒高山(下)

喺白川鄉逗留個半鐘左右,原本行落到以為自己夠時間,但原來真係會忍唔住慢慢行慢慢影相(加上我地拍片),所以建議如果想上觀景台嘅朋友真係一開波即刻衝去觀景台先,因為距離落巴士位置都要行20~30分鐘架!

名古屋之旅:高質日式巴士一日遊 白川鄉+飛驒高山(下)
(Like Japan另一位編輯阿FA就有上過觀景台,感謝阿FA提供照片~~)

我哋無去觀景台,但就賺咗時間慢慢睇村內嘅景色,首先落巴士行入村嘅時候會經過呢條相逢橋,景色真係好靚~

名古屋之旅:高質日式巴士一日遊 白川鄉+飛驒高山(下)

入到村就係自由活動,冬天去嘅好處就係可以隨便玩雪!不過記得唔好亂咁入侵民居XD

所謂白川鄉嘅合掌造其實係世界文化遺產嚟,因為茅草造嘅屋頂形狀似雙手合十,因而稱為合掌造。其中參加巴士團嘅遊客一人包一張可以參觀三間合掌造入面其中一間嘅門票,留意返佢哋有機會休息,但如果有一間休息到一定會有第二間係開嘅。

我就選擇咗入最大間嘅和田家,屋入面嘅詳細景色同情況可以參考返以上遊記片段啊~以下照片為阿FA提供照片XD 為合掌造內部物品同茅草屋頂內部照片

名古屋之旅:高質日式巴士一日遊 白川鄉+飛驒高山(下)

名古屋之旅:高質日式巴士一日遊 白川鄉+飛驒高山(下)

名古屋之旅:高質日式巴士一日遊 白川鄉+飛驒高山(下)

呢度仲有好多其他民居係賣手信,甚至係餐廳或cafe,不過時間短促就冇乜機會周圍睇。都有幾多讀者喺LikeJapan問過白川鄉嘅民宿推介,相信如果真係好想慢慢體驗嘅朋友咁樣玩又會開心啲嘅,但行程較趕嘅我就無機會做到呢樣嘢啦~唯有下次啦!

名古屋之旅:高質日式巴士一日遊 白川鄉+飛驒高山(下)

喺呢度最多只會逗留到5點,所以係唔會見到夜間點燈後嘅合掌造嘅!最後回程到名古屋時都會經過休息站,可以買手信。

返到名古屋嘅市區就啱啱好7點!返黎個程,kawaii嘅導遊姐姐仲親自喺巴士上送上熱咖啡同朱古力(而唔係叫你畀貼士),咁窩心嘅服務令我呢個香港人真係唔係好慣XD

行程介紹就到呢度嘞,不過我哋去完名古屋之後仲自駕遊去咗南知多同常滑,之後再同大家分享啦!

其實除咗我介紹嘅呢個巴士遊,日本甚至世界各地嘅景點門票Klook都有得訂購,好似我今次去名古屋最大原因係去LEGOLAND®,就訂番「日本樂高®樂園一日護照」!

如果大家想買JR Pass,Klook都有㗎,詳情可以上佢地網站睇:

www.likejapan.com/klookjrpass

名古屋之旅:高質日式巴士一日遊 白川鄉+飛驒高山(下)