名古屋之旅:高質日式巴士一日遊 白川鄉+飛驒高山(上)

名古屋之旅:高質日式巴士一日遊 白川鄉+飛驒高山(上)

之前小編同大家直擊LEGOLAND® JAPAN開幕時有日空檔,梗係好好把握時間遊埋名古屋周邊啦!如果你哋同我一樣走去問身邊去過嘅朋友一定10個有8個都會叫你去埋岐阜縣嘅飛驒高山同白川鄉。

名古屋之旅:高質日式巴士一日遊 白川鄉+飛驒高山(上)

不過好似我咁又忙時間唔多唔想太花時間plan同跟時間表行動嘅話,真係非常推薦你好似我一樣join呢個高質日式巴士一日遊!今次我就係透過Klook預約嘅,詳情可以參考返呢個網址呀:https://www.likejapan.com/klookbustour

名古屋之旅:高質日式巴士一日遊 白川鄉+飛驒高山(上)

只要朝早按時間抵達位於名古屋嘅名鐵巴士站,上咗巴士之後基本上乜都唔駛煩亦唔駛諗!不過提提大家一定要預定多啲時間,因為巴士站好大,由地鐵站行上嚟都用咗我十幾分鐘,而日本人係好準時出車架!上車前要先到位於四樓嘅counter簽到拎返個襟章牌仔同座位資料,上車跟住坐就得架啦~

每團隨團都會有個日本導遊姐姐(記唔記得結衣BB都有喺《逃恥》扮過呀?就係個啲呀!),就算唔識日文都唔驚,因為一定會有一個識英文嘅Staff跟住,佢仲會好細心翻譯晒所有重要資訊(例如上車落車集合時間)畀大家知,一定唔會有問題~

名古屋之旅:高質日式巴士一日遊 白川鄉+飛驒高山(上)

車上有WIFI,每個座位都有得插USB充電,真係隨便玩FB、IG、甚至睇YouTube都唔驚啦~

名古屋之旅:高質日式巴士一日遊 白川鄉+飛驒高山(上)

大概坐咗50分鐘會先到一個休息站,小編去個陣係三月下旬,仍然有好~多~雪~睇!

名古屋之旅:高質日式巴士一日遊 白川鄉+飛驒高山(上)

小編個團有個香港嚟嘅小朋友,見佢都玩得好興奮呀!去完廁所睇完雪又上返車繼續前進啦!就嚟到第一個目的地「高山」之前,導遊姐姐會派發一張高山散步地圖,上面清楚寫曬所有佢哋推介嘅景點、美食、餐廳、cafe、特色小店嘅地點,咁大家落車前就可以先mark自己有興趣嘅店舖,跟住嚟行就得,節省落車後搵嚟搵去嘅時間!(大概可以喺度玩90分鐘)

名古屋之旅:高質日式巴士一日遊 白川鄉+飛驒高山(上)

咁就同大家介紹返上面短片我介紹嘅特產先啦!(真心推大家睇片呀!今次條片剪得好靚好用心:D)

1)必推:飛驒名物 飛驒牛肉壽司!こって牛

名古屋之旅:高質日式巴士一日遊 白川鄉+飛驒高山(上)

一入到嚟高山古街,必食嘅小編一定推呢間!雖然唔係特別平,但真心食過翻尋味,值門票價!呢度有四種set嘅飛驒牛壽司可以揀,我就揀咗好似最抵,可以一次過食三款(竹炭鹽、薑醬油、飛驒牛軍艦)嘅set,價值900Yen!詳細食評就睇以上條片啦!我只可以話,唔怪之得呢間係最多人排嘅飛驒牛壽司,食完之後真係感動到有啲啲想喊TvT~

名古屋之旅:高質日式巴士一日遊 白川鄉+飛驒高山(上)

地址:岐阜県高山市上三之町34
電話:0577-37-7733
營業時間:10:00~17:00

2)飛驒高山和菓子:新鮮水果大福 JAPANESE SWEETS ARTIST SHINYA

名古屋之旅:高質日式巴士一日遊 白川鄉+飛驒高山(上)

日本水果鮮甜好食就各位都知,真係估唔到呢到有得食包住新鮮水果嘅大福!呢度menu都幾豐富,而且主打嘅水果大福亦會跟住時令季節轉換,小編嚟個陣就係士多啤梨大福嘅季節,而夏天就會有芒果大福等等。我就試咗櫻花味水果大福(250yen),一咬啲汁真係多到彈晒出來,超級鮮甜!不過只可以keep兩日,如果想買嚟做手信就要睇番日期啦~

地址:〒506-0846 岐阜県高山市上三之町29
電話:0577-57-8160
營業時間:10AM-4PM
定休日:每逢星期三休息

3)又係飛驒牛之:炭燒飛驒霜降牛串燒 じゅげむ

名古屋之旅:高質日式巴士一日遊 白川鄉+飛驒高山(上)

一路向前直行就會見到呢間買手信但旁邊有賣串燒嘅店舖!不過大家記得唔好重蹈我覆轍,因為唔係直接畀錢呀叔,係要去隔離部機買咗食券先架(慣咗香港手勢)!同之前食肉壽司好唔同,呢個炭燒飛驒霜降牛串燒(500Yen)真係食到入口即溶嘅感覺,而且多油多汁,加上阿叔落嘅黑椒鹽份量啱啱好,真係好吊到牛肉嘅香味出嚟!如果唔係陣間bus tour其實跟一個酒店buffet,我真係會買多一串買多嚟食呀!

地址:岐阜県高山市上三之町72
電話:0577-34-5858
營業時間:9AM-5PM

 

名古屋之旅:高質日式巴士一日遊 白川鄉+飛驒高山(上)
連呢度既7-11都好特別XD

美食同美酒呢度仲有好多,等大家有機會嚟慢慢發掘啦!

名古屋之旅:高質日式巴士一日遊 白川鄉+飛驒高山(上)

另外呢度買手信最興買猴寶寶,詳細可以參考返上面條遊記片段~

大家記得係度影多啲靚相啦!天氣好嘅時候行呢度真係好似返咗京都咁,好有feel!

名古屋之旅:高質日式巴士一日遊 白川鄉+飛驒高山(上)

下次會再同大家介紹埋下篇:白川鄉!

當然大家去日本都唔止玩LEGOLAND® JAPAN,日本甚至世界各地嘅景點門票Klook都有得訂購,好似我今次去名古屋最大原因係去LEGOLAND®,就訂番「日本樂高®樂園一日護照」!

如果大家想買JR Pass,Klook都有㗎,詳情可以上佢地網站睇:

www.likejapan.com/klookjrpass

名古屋之旅:高質日式巴士一日遊 白川鄉+飛驒高山(上)

最尾醒多個優惠俾大家,去旅行當然要買旅遊保險,而家喺中國平安保險網上投保時輸入優惠編號「 likejapan 」,即時有50%折扣優惠

名古屋之旅:高質日式巴士一日遊 白川鄉+飛驒高山(上)

當去東京5日,最平做到$82蚊咋,買優裕計劃仲送多2張戲飛!詳情可以去呢度睇睇:

https://www.likejapan.com/pingan50

優惠截止日期去到2017年4月30日,會去旅行記得快D用埋佢!