【吃貨試食】香港都有正宗長崎Champon麵?

【吃貨試食】香港都有正宗長崎Champon麵?

 

上次去完東京果間Ringer Hut,仲係好掛住佢嘅Champon麵!所以番黎香港即刻去佢香港分店再食過!香港仲有芝士火鍋㗎!
 
【吃貨試食】香港都有正宗長崎Champon麵?
 
煙三文魚海鮮冷麵 $65
首先試下夏日限定嘅-煙三文魚海鮮冷麵!相信好多人夏天都鍾意食涼爽嘅野食,呢個冷麵仲有煙三文魚同魷魚,就咁聽就幾吸引,即刻試下好唔好食啦!
 
【吃貨試食】香港都有正宗長崎Champon麵?
【吃貨試食】香港都有正宗長崎Champon麵?
▲好多蔬菜啊,凍冰冰同酸嘅野食喺夏天對我黎講特別開胃,我自己幾喜歡呢個冷麵㗎。
 

【吃貨試食】香港都有正宗長崎Champon麵?
▲佢配咗個柚子醬汁,酸酸甜甜,可以倒落冷麵度。
 
【吃貨試食】香港都有正宗長崎Champon麵?
▲食後感:其實一開始冇乜期待㗎,因為我自己鍾意食冷烏冬,覺得麵嘅話會唔會冇乜口感,點知又唔會喎!冷麵好彈牙,有厚實感,同個柚子醬好match。魷魚就新鮮爽口,有驚喜。夏天食真係一流,好開胃。

 
長崎雙倍野菜Champon麵 $59
 
【吃貨試食】香港都有正宗長崎Champon麵?
▲上次試過日本嘅長崎雙倍野菜Champon麵,今次番黎香港再介紹俾朋友試下先!
 
【吃貨試食】香港都有正宗長崎Champon麵?
▲睇落同日本無咩分別,係d蝦大粒d,蔬菜份量一樣好多!
 
食後感:蔬菜就點都唔及日本咁甜㗎啦,但一樣好新鮮,不錯!Champon麵同樣好彈牙,湯底唔會好濃,清清甜甜。

 
幸福芝士盛鍋 $69
 
【吃貨試食】香港都有正宗長崎Champon麵?
▲呢度嘅芝士火鍋係香港限定㗎,芝士控一定唔好錯過,連我呢個唔算忠實fans都好鍾意!叫火鍋仲可以半價揀杯野飲,有好多特飲揀,日本嘅選擇就少好多,我就揀咗杯巨峰梳打。
 
【吃貨試食】香港都有正宗長崎Champon麵?
▲排得好靚嘅火鍋,聽店員講佢地每一個火鍋都會排到靚靚先俾客人㗎!火鍋入面有蔬菜、蟹柳、芝心獅子狗等,個套餐仲有肥牛同Champon麵㗎!一個人食呢份就啱晒啦!
 
食後感:芝士湯底奶味較重,蔬菜剩係浸喺湯度已經好入味!個人好鍾意佢嘅芝心獅士狗,流心好好味啊!
===============
Ringer Hut Hong Kong
地址:九龍灣淘大商場G232-237號
營業時間:11:00~23:00 ※Last order 22:30