原宿夢幻系甜品!話題雪糕店「AnyWhere Door」

原宿夢幻系甜品!話題雪糕店「AnyWhere Door」

講到最近原宿嘅話題甜品店,就一定有呢間來自倫敦嘅「AnyWhere Door」,因為招牌cone shot玩法多多,用嚟放咖啡又得,茶又得,甚至係朱古力、牛奶、威士忌、雪糕等通通都得,大人氣嘅綿花糖雪糕更加係又靚又好食,成巧吸引充滿少女心嘅女士們買嚟影相呃like!

 

原宿夢幻系甜品!話題雪糕店「AnyWhere Door」

店內嘅裝潢以白色為主,簡潔清新,同綿花糖雪糕嘅形象非常之夾。由於店內不設座位,所以強烈建議大家過嚟食完雪糕先去行街,免得行攰咗入到嚟都冇地方可以坐低休息吓。

 

原宿夢幻系甜品!話題雪糕店「AnyWhere Door」

Cashier前面有個牌仔寫住如果喺line或instagram有follow佢地,就會有special disccount,大家識做啦!

 

原宿夢幻系甜品!話題雪糕店「AnyWhere Door」

cone shot由size、cone嘅種類、要咩toppings通通都可以自己揀,加¥50仲可以食埋自家製軟雪糕,貪心啲不妨加多幾款toppings,創造獨一無二嘅甜品!menu上有英文對照,唔識日文都唔使驚唔識揀。不過萬一真係唔知點揀都唔緊要,可以直接order「Cotton Candy Ice」,除咗要自選2款toppings之外,雪糕同綿花糖嘅味道都會幫你配好。

 

原宿夢幻系甜品!話題雪糕店「AnyWhere Door」

啲cone好colorful,一共有朱古力脆脆、綿花糖朱古力、焦糖果仁、花生餅乾、焦糖白朱古力5種味道,而toppings亦有芒果粒、紅莓粒、唔同味道嘅爆谷等8款選擇。

 

原宿夢幻系甜品!話題雪糕店「AnyWhere Door」

呢個就係冇加雪糕做topping嘅cone shot,個設計好明顯就係叫大家一定要加軟雪糕,所以唔好吝嗇¥50,加吧!

 

原宿夢幻系甜品!話題雪糕店「AnyWhere Door」

「Cotton Candy Ice」係AnyWhere Door嘅新作,最大特色係cone上面一大團嘅綿花糖!提提大家,由於綿花糖同雪糕都溶得極快,所以大家喺等餐嘅同時可以先搵定靚背景,等攞到雪糕就可以快快手影,影完即食,否則唔止綿花糖會開始縮水,仲會溶到一手都係。

 

原宿夢幻系甜品!話題雪糕店「AnyWhere Door」

除咗上面兩款,店內仲有多款甜品等住大家發掘,好似呢個半溶Tiramisu都係極品推介!

 

Anywhere Door 原宿店
地址:東京都渋谷区神宮前3-27-15 FLAG 1F
電話:03-6721-1995
營業時間:11:00~19:00
休息日:無
官網: anywheredoor.jp/index.html

 

資料來源:Retty