尋日日本電視台TBS就做咗一個節目叫「爆笑！明石家さんまのご長寿グランプリ2016」，係由名主持人明石家さんま主持以老人家為題嘅綜藝節目。今年嘅其中一段環節就搵咗啲老人家拍片寄語畀年輕嘅自己，結果呢個叫秋元秀夫嘅伯伯拍出來嘅影片就惹來好多觀眾討論，因為實在太！感！人！
故事係咁嘅，一開頭嘅時候76歲嘅秀夫伯伯先同18歲嘅自己打招呼。
以下為翻譯：
喂秀夫！係76歲嘅我吖！
你將會去嘗試考入好出名嘅東京都立大學同早稻田大學。
因為希望你會更加努力讀書，所以我係呢度講咗個結果先。
你會失敗兩次，結果最後入中央大學。加油呀～
睇到呢度之後，我都忍唔住同觀眾嘉賓一齊大笑咗出嚟，仲覺得個伯伯好搞鬼，點知洋蔥而家先開始。
之後喺秋元秀夫伯伯畀24歲時猶豫緊應唔應該求婚嘅自己嘅一番說話：
喂秀夫！係今年已經76歲嘅你吖！你好嗎？
你將會同 同你一齊返工，
塊面好細好可愛嘅Hana拍拖呀～
平時都唔係好受歡迎嘅你，
將會因為「同啲好似我咁嘅人一齊」嘅自卑心態而唔知結唔結婚好。
但哪怕你有一絲對結婚嘅諗法，就即刻好去馬喇。
點解我咁講？因為Hana，
兩年後就會因病去世。
你將會非常後悔，好傷心，永遠無法忘記。
所以，即使今年已經76歲，
你都係維持住單身一個人。
所以呀秀夫，代替我去訴說呢個心意啦。
「我人生中最愛嘅就係Hana，
而且，我最中意最喜歡嘅，都係Hana！」
咁樣同佢講啦。
咁樣同佢講啦。
Hana，我愛你呀～！
睇到呢度，小編眼睛已經入晒沙T________T
好多日本網民都話：
「希望秀夫同Hana可以來世係埋一齊啦！」
「因為唔知未來會發生咩事，所以最緊要都係要努力地活在當下！」
「希望秀夫同Hana可以來世係埋一齊啦！」
「因為唔知未來會發生咩事，所以最緊要都係要努力地活在當下！」
「哭了，我會珍惜現在的。」
伯伯嘅故事再一次告訴我哋，「最心痛是，愛得太遲」！
各位都唔好再浪費時間，要將心意好好傳達呀～！
各位都唔好再浪費時間，要將心意好好傳達呀～！
然後希望伯伯即使孤獨終老都會有個安樂嘅晚年啦。
無字幕原片：
資料來源：Twitter ＠im_seiso
About Post Author
