如果你有留意日系潮流，就一定有聽過BEAMS；就算冇聽過，我都肯肯定大家有見過依個圓形入面有座富士山嘅logo。上個月BEAMS係新宿開咗間7層嘅BEAMS JAPAN旗艦店，入面有齊銘茶、銘果、男裝、女裝、雜貨、展覽、餐廳等等等等，真係唔買都睇吓，唔睇都食吓先得啊！
係門口已經見到一排好型嘅浮世繪滑板，佢地真係好擅長將傳統嘅元素加入時尚玩物！
首先睇下一樓「日本的銘品與咖啡」（我知其實我唔譯大家都一樣睇得明www）
一入到門口有就見到件搞怪T恤，不過都係隔離個款pattern啱我心水多啲～
好多BB啊……點解我會覺得好恐怖www
左邊依啲「便利貼mon cleaner」好趣致啊！不過我就算買咗應該抹一次就唔會再抹哈哈～
香港睇完醫生會用白色膠袋仔裝藥，日本就係用依啲紙袋。不過依啲就緊係唔係真係藥，而係「好聽嘅說話糖」～有咩好聽嘅對白揀呢？包括「大丈夫」（冇事嘅～）同「おつかれさま」（辛苦晒！），一日2次，每次1粒，食足7日就開心晒！
依個茶壺嘅質地好特別！雖然價錢有啲令人高擧唔起，但係睇吓都開心！
嚟到2樓「日本的洋服」～淨係睇依件都已經覺得好吸引！好型啊！
乒乓波枱上面放咗平日都著到嘅低調T恤同袋～
不過我都係對依啲傳統得嚟又有型嘅花花恤衫更有興趣！
點呀有冇見到啱心水嘅款式？
依件…與其話似日本風不如話似夏威夷恤衫！
係到連放衫嘅櫃都設計得好有心思！
3樓「日本的品味」～
我見都係賣衫就好心急地上咗4樓，大家有興趣可以慢慢睇～
點解我咁心急要上嚟睇「日本流行文化」？因為依層所有嘢都有好潮有型，完全癲覆咗我對日本傳統文化嘅印象！
舊式錄音機～價值不菲，不過好多都已經被人mark咗將會出售！我覺得買唔買都好，window shopping已經好滿足～
你地快啲望吓！佢地將啲精品放係架貨車到display，真係名副其實嘅貨車www
記得細個?陣有段時間好鍾意骷髏頭，慢慢變成鍾意Hello Kitty同Twin Stars……有冇鍾意骷髏頭嘅朋友喺到？
有人覺得木芥子（こけし）冇手冇腳好恐怖（一定係恐怖片嘅錯！），但係我覺得好得意，好想買晒佢地一家大細返屋企！
連碗碗碟碟嘅設計都特別過人！
好搞笑啊！！！！！到底點樣搵到咁多cult書！
我最鐘意嘅一個corner！係咪好有格調呢！
冇錯，你冇睇錯，依個杯要30000yen仲未計稅……窮JJ開下眼界好啦www
估吓三個形依個係咩嚟？係用嚟放茶包㗎（應該係）！飲茶本身已經係生活態度，加埋依個皮袋仔真係不得了…
嚟到我最鍾意嘅5樓「日本的工藝與藝廊」！
從啱啱嘅新世紀文化樓層上到嚟依到，成個感覺唔同晒！好似去咗傳統手工藝人嘅收藏室咁～
依啲傳統日式花紋真係無論日本人定外國人都一樣咁鍾意！
和紙小物，濕咗水都咁煙韌！細細份又唔會霸晒個gip嘅位，very nice！
和紙的無限可能（雖然有啲樣衰衰wwww）
好大隻鯛車！我忽然諗起中秋節玩個啲金魚燈籠……
依層另外仲有個迷你展覽廳，今面會舉行唔同類型嘅展覽，都幾受歡迎㗎！
點解我又有雪櫃，人地又有雪櫃，人地?個可以變成展品，而我?個就係霉菌展覽櫃……
都係唔講啲衰嘢啦！總結嚟講，新宿依間BEAMS JAPAN非常之大，貨品有平有貴，而且咩野類型都有，唔想買野嘅朋友嚟依到當睇下展覽又得，總之唔會令你失望啦～～～～～～
営業時間：
11:00～20:00（1F-5F）
8:30～22:30（1F 猿田彦珈琲）
11:30～23:00 ラストオーダー22:00（B1F・日光金谷ホテル クラフトグリル）
8:30～22:30（1F 猿田彦珈琲）
11:30～23:00 ラストオーダー22:00（B1F・日光金谷ホテル クラフトグリル）
About Post Author
