![[不敗日記] 超靈！求戀愛一定要去既日本超靈神社！](https://www.likejapan.com/wp-content/uploads/2018/06/thumbnail/351_20180611145010.jpg){kind=small}
我話咗去日本一定要去東京大神宮求戀愛～
等我講下點解我咁想去先～
因為呢，好多J家飯追星追到一直唔拍拖唔結婚，但係人到某個歲數就想有返個家架啦～
咁佢地唯有周圍拜神求簽，希望真命天子快d出現！！！
的確，唔少J家飯去東京大神宮求完戀愛，都真係好快就有戀愛～～～
所以，我都唔執輸！言出必行！我3月1日夜晚到日本，第二朝我就即刻起身狗衝去喇！！！！！
交通都幾方便，因為東京大神宮係飯田橋站附近，行5分鐘左右就到～
我由池袋出發，坐車只係20分鐘就到喇～
車站出口就有地圖，教人點行去神社～～
不過，由於我係路痴，我唔小心去咗靖國神社……
真係「舒咪媽腥」，我唔係有心架（淚）
一去到門口，見到個名，我即刻閃人架喇……相都唔敢影一張呀……
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_cjbUPT83.jpg)
最後，我都係要開返個Google Map，之後到達目的地！！！
真係要提大家一句，一唔識路，企係原位先，開左個Google Map睇清楚先好繼續行。
入到廟，唔除帽都要除副超～禮貌好緊要～
你唔尊重個神，拜黎做咩？係咪？
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_HlWMpqyl.jpg)
有巴打同我講話呢到d巫女好靚，我唔覺lo！
仲等我咁期待去睇下有無真人火野麗！！！（怒）
入屋叫人，入廟拜神。
拜完神，講咗自己既願望，就梗係即刻求返支簽啦！
求戀愛既就要揀「恋みくじ」，只係100yen咋！
都一場黎到，無理由唔求簽架！？
聽講，呢隻簽好靈架！曾經有日本J家飯去求簽，話佢好快有戀愛，結果，不出4個月就拍拖喇！！！！！
所以，你睇我個樣，好期待會抽到「大吉」，但又好淆底會抽到「凶」～～
日本求簽係將簽桶係咁chok chok chok，就會掉支簽出黎～
我個時，心情超緊張，心跳加速，真係不得了～
我今年有無拖拍，有無得結婚，就睇呢支簽喇！！！！！
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_vEVSdfEv.jpg)
見唔見到？見唔見到？俾我抽到「大吉」！係「大吉」！
由於心情太激動，手震震，影得唔太好，「舒咪媽腥」～
支簽大約係話神會幫我實現願望，話同對方會感情堅固，得到幸福快樂～
不過，就叫我唔可以花心～～
睇對象果part，好鬼詳細，星座、血型、年齡差、生肖都有寫！！！
白羊座！？玉森裕太係白羊座架！！！唔通……（妄想中）
但係，支簽叫我留意身邊既人，就算未去到理想對象都好，都係唔錯既人選咁喎～
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_TKE4KuKs.jpg)
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_DyhnpmSS.jpg)
知道今年應該唔會有得結婚，心都灰埋……
諗住閃人…一個轉身！射個三分波！丫！唔係！係抬頭一望！
櫻花！！！係櫻花！！！！！
東京大神宮竟然有櫻花睇！我人生第一次睇櫻花，就獻咗俾佢～～
櫻花，我見過！我真係見過！
影相之前，我隊個鼻埋去嗅下櫻花係咩味～
但唔知係我鼻殘嗅唔到味定係呢棵櫻花真係無咩香味呢？
等我去睇多幾次櫻花，去嗅多幾次，再話俾大家聽～
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_E4JNHAco.jpg)
睇到櫻花，心情即刻靚哂～
俾我發現有呢舊野，許願木條！！！300yen，買個希望都好丫～對不？
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_pxTGtUJY.jpg)
雖然無人收錢，但請將300yen放入箱內～將自己個名、住址、願望寫上木條～
要做個誠實既人，神先會保佑你架嘛～
提供埋筆俾你，可以慢慢寫～仲有本簿仔俾你試墨～真係好細心～
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_jqxrjtLH.jpg)
寫好就放入去收集箱入面，第二朝神社職員就會拎起祈福～
隔離係我既契媽，佢都好努力寫緊願望，不過，佢表示唔願意出鏡～
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_st86N46g.jpg)
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_z0EQgUTb.jpg)
隔離有個位俾你掛御守，首先買呢隻御守，印有「戀愛成就」個邊就寫上自己個名，掛上去！
淨低另一邊就自己keep住，話咁樣做可以令神記得自己個名，一定保佑自己～
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_7R3ZzX6Q.jpg)
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_nSj5JIjr.jpg)
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_VzIjlt7Z.jpg)
發現原來仲有簽求架～ 有人形娃娃樣、花花樣、普通樣、英文版、血型既都有！！！
![[不敗日記] 超靈！求戀愛一定要去既日本超靈神社！](/2016/03/editors/296/20160304112108_KsO7TRrn.jpg)
由於呢個太可愛，我忍唔住手抽左個～
點知一打開就「末吉」……
架仔朋友Y君話過，同一間神社，以求第一支簽作準～
所以……呢支簽，無視無視～～～
留唔留意到我拎住左幾支箭呢？
係求戀愛幸福既情箭黎架，一橙一白為一對，只係1000yen咋！
所以，我除左買俾自己之外，都幫好姊妹買埋～
究竟，東京大神宮係咪咁靈呢？
我話俾你聽，真係超靈！！！！！
我係求完既當晚，識到個幾靚仔既架仔A君～
咁都未夠呀！琴晚呢，好日劇既情節發生左係我身上，真係超ドキドキ（心跳）呀！！！！！
真係不得了！不得了！唔敢想像之後會發展成點呀～
琴晚發生得太突然，我都唔知點做好，真係超面紅呀！
我會繼續係呢到同大家報告故事發展（心）
希望大家會keep住睇我既[不敗日記]啦～～
About Post Author
![[不敗日記] 超靈！求戀愛一定要去既日本超靈神社！](https://www.likejapan.com/wp-content/uploads/2018/09/1-1471327241-150x150.jpg){kind=avatar}