鬼太郎:漫畫 動畫 電影 景點 大全!

鬼太郎:漫畫 動畫 電影 景點 大全!

鬼太郎系列由有「妖怪博士」之稱嘅漫畫家水木茂在1959年開始面世至今。雖然水木先生已經離開左我地,但佢依部最為人熟悉嘅作品就留低左好多回憶俾大家。

漫畫原作
鬼太郎系列嘅作品本來係叫「墓場の鬼太郎」,後來先由水木先生係1967年將佢改為「ゲゲゲの鬼太郎」,並且一直延用至今。連載漫畫嘅劇情比較奇異,鬼太郎本來嘅角色定位係個會令人不寒而慄,令人遇上不幸事件嘅男仔。
​​​​鬼太郎
「ゲゲゲ」依個名其實係取自水木先生細個時候嘅綽號。因為佢個名「シゲル」(SHIGERU)好易讀成(GEGERU),所以「GEGEGE」就成為左佢嘅花名啦。小編就覺得依個音又似奸笑聲,又似鬼太郎著住木屐行果啲聲,改得好岩。

動畫作品
第一部:1968年推出第一部亦係唯一一部黑白動畫。
鬼太郎
第二部:1971年推出首部彩色動畫登場。劇情加入社會議題,並確立左鬼太郎嘅固定伙伴為:「鼠男、貓女、撒沙婆婆、子泣爺爺、塗壁、一反木棉」
鬼太郎
第三部:1985年推出,是鬼太郎收視最好嘅時期。鬼太郎嘅性格由依部開始變成熱血英雄,周旋係妖怪同人類解決麻煩。
第四部:1996年推出,風格又回歸原作嘅氣氛。
第五部:2007年推出,鬼太郎同伙伴們一齊住係一個叫「妖怪橫丁」嘅地方。 係歷代出現數量最多妖怪嘅版本。

真人版電影
鬼太郎嘅故事分別係2007同2008年製作成兩部真人版電影。男主角由日德美混血兒Wentz瑛士出演,女主角則分別為井上真央以及北乃綺。
鬼太郎電影

旅遊景點
日本盛行妖怪文化,所以有好多鬼太郎相關嘅景點同博物館。
水木茂道路
以鬼太郎為主題而興建嘅商店街,沿途有110隻以上嘅妖怪銅像。另外仲有妖怪神社,同「水木茂紀念館」,都好值得參觀。
水木茂道路
水木茂紀念館
地址:鳥取縣境港市本町ARCADE通
營業時間:自由參觀
交通:JR境線「境港」站徒歩約1分鍾即可抵達。

鬼太郎茶屋
位於東京近郊,小小嘅茶屋入面有得食有得玩。
鬼太郎茶屋
地址:〒182-0017東京都調布市深大寺元町5-12-8
営業時間:10am-5pm(達星期一休息)
交通:JR中央線「三鷹站」或「吉祥寺站」落車,係南口巴士站,搭巴士到《深大寺》
京王線「調布站」落車,搭巴士到《深大寺》

鬼太郎列車
鳥取JR境線,行走係結米子站同境港站之間嘅鬼太郎列車。一共有四架列車:「鬼太郎列車」、「鼠男列車」、「貓女列車」和「眼珠老爹列車」。
鬼太郎列車