飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

話說之前去名古屋採訪LEGOLAND®嘅時候,我就諗除咗可以去白川鄉飛驒高山之外,附近仲有冇值得一遊同發掘嘅城市呢?然後就畀我發現咗同樣位於愛知縣嘅南部城市:知多市!

呢度係一個位於海邊(眺望伊勢灣)嘅小鎮,麻雀雖小五臟俱全,有各種特色嘅景點可以滿足唔同遊客嘅喜好同需要!今日首先同大家介紹我哋係知多自由行3日2夜逗留時寄居咗兩晚嘅超靚溫泉酒店:若松知多溫泉旅館啦!

飽覽伊勢灣景色旅館推介:若松知多溫泉旅館

今次介紹嘅若松知多溫泉旅館,原先係一間舊式日本溫泉旅館,經過內部重新設計同裝潢之後,搖身一變成為現代感滿滿嘅溫泉旅館!

飽覽伊勢灣景色旅館推介:若松知多溫泉旅館

你見到門口、內部走廊、屏風等都係非常傳統日式設計,但無論係大堂、房間甚至溫泉風呂嘅設計同設施都好有taste、現代化及高科技,住起上嚟非常舒適!

飽覽伊勢灣景色旅館推介:若松知多溫泉旅館

全間酒店只有18間房間,而全部都係面海㗎!旅館員工對每位顧客都非常體貼。例如,你一入門口佢哋就會收走你對鞋,而你亦會換上旅館入面專用嘅拖鞋。每次你出門佢哋都會記得你係著邊對鞋,再拎返啱你對鞋出嚟!佢哋送餐呀、幫手安排溫泉預約時都非常好服務,真心值得讚!

飽覽伊勢灣景色旅館推介:若松知多溫泉旅館

5層樓高嘅若松知多入面,除咗有基本嘅男女湯各一之外,仲有一個半露天私人風呂,同埋位於天台嘅露天私人風呂。

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

室內溫泉就係公家用,隨時可以浸嘅(留意返一樓同上半層嘅男女湯每日清潔完會對調,即係男湯可能某個時間後會變咗做女湯,所以大家入之前一定要望清楚唔好入錯呀XD)。

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

另外兩個私人風呂都要事先同旅館預約時段(check in 嘅時候已經可以預約),尤其如果想係天台個溫泉睇日出日落嘅話就更加搶手!每段入浴時間為45分鐘,情侶一齊浸又係、一家人一齊浸又係,浸前浸後都要去大堂交收鎖匙架~

飽覽伊勢灣景色旅館推介:若松知多溫泉旅館

我就真係好享受係房間休息嘅時間,因為實在太正啦!每間房都勁大之餘,仲有落地玻璃可以睇到沙灘同海景,而且仲有露台可以行出去吹風~

飽覽伊勢灣景色旅館推介:若松知多溫泉旅館

另外除咗張好舒服嘅tatami大床(若松布團)之外,間房嘅光暗、溫度、音響、甚至窗簾都可以用iPad Pro上面個app調節~見到無電視?唔洗驚,因為呢個iPad入面已經收藏左好多間「私人影院」Apps,淨係Amazon Prime Video都睇到我爽,勁多歐美電影、日劇日影同動漫揀(日本節目的話冇字幕)!

最後梗係唔少得介紹呢度嘅飲食啦!呢度附近都有菜館同餐廳(不過全部都係開車距離),而相信大家上網book嘅時候都可以揀包唔包早晚餐嘅。早餐除咗有傳統日式料理外,仲有一個係好特別嘅早鍋,晨早流流就可以喺房間享用,有專人送入嚟幫你set好曬!

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

另外晚餐一樣,除咗有喺房間內享用嘅便飯(便得嚟好好食)仲有傳統懷石料理!一般懷石料理都會係一碟碟上,不過為咗方便拍攝旅館就幫我哋一次過上晒,先知道真係好多好多道嘢食!有新鮮刺身、有燒牛肉、有龍蝦沙律又有即製嘅釜飯,真係好犀利~

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

飽覽伊勢灣景色旅館推介:若松知多溫泉旅館

由中部國際機場開車過嚟只需要25分鐘,而且附近有好多特色旅遊景點俾大家發掘,如果去中部旅行唔知可以去邊不妨下次試吓過嚟玩啦!而呢間旅館嘅設施、服務同裝潢佢嚟講,我覺得佢嘅性價比算係非常高,值得大家嚟試吓㗎!小編已經好掛住佢個無敵海景同溫泉了…

如果大家想了解更多若松知多溫泉旅館嘅資料,又或者想訂房,可以去佢地官方網站,中英日版都有:

中文:https://www.likejapan.com/wakamatsucn

英文:https://www.likejapan.com/wakamatsuen

日文:https://www.likejapan.com/wakamatsujap

想book房或者查詢房價可以㩒左上角「空室檢索」睇睇:

飽覽伊勢灣景色旅館推介:若松知多溫泉旅館

若松知多溫泉旅館
地址:〒470-3321 愛知県知多郡南知多町大字内海字浜岡部19-1

車位基本免費,不過6月-9月可能收取費用,請向酒店查詢。旅館也有會講中文的工作人員。
最近車站為內海站,旅館提供免費送迎服務,內海至若松知多班次從14:30~19:30,若松知多~內海班次從8:00~10:30。