重溫那些松隆子演過的經典角色

重溫那些松隆子演過的經典角色

今日(6月10日)是日本實力派女演員松隆子的生日,一齊祝佢生日快樂!上一季松隆子主演嘅《四重奏》裡表現亮眼,更為佢嘅演員生涯再添了日劇界嘅「最佳女主角」獎項。講起松隆子,相信由70後至90後都會聽過或者看過佢演嘅日劇同電影作品,今日就盤點下佢最經典嘅角色啦!

 

1)1996年 《悠長假期》奧澤涼子

重溫那些松隆子演過的經典角色

一套《悠長假期》唔單止紅咗男女主角木村拓哉、山口智子、同埋主題曲「LA LA LA LOVE SONG」,就連松隆子所飾演男主角瀨名秀俊嘅學妹奧澤涼子都吸引唔少觀眾嘅注意。當年真係屬於清純文靜系美女!

 

2)1997年 《同一屋簷下2》望月實希

重溫那些松隆子演過的經典角色

重溫那些松隆子演過的經典角色

第一輯 《同一屋簷下》獲得空前成功,第二季加入松隆子、森田剛,繼續叫好叫座!同一班當紅年輕演員一齊並列,成為青春偶像。

 

3)1997年 《戀愛世紀》上杉理子

重溫那些松隆子演過的經典角色

重溫那些松隆子演過的經典角色

再次同木村拓哉合作,不過今次係一齊主演。同 《悠長假期》嘅奧澤涼子唔同,《戀愛世紀》嘅上杉理子非常活潑,表情同感情豐富,加上係一個對感情非常認真嘅女仔,所以受到觀眾喜愛。呢套劇亦成為電視台日劇收視之冠!

4)2001年 《HERO》雨宮舞子

重溫那些松隆子演過的經典角色

呢套戲唔單止打破咗日劇嘅收視紀錄,仲令松隆子同木村成為日本最經典嘅螢幕情侶!呢套喺香港都叫好叫座嘅日劇,相信唔使我多介紹喇?

重溫那些松隆子演過的經典角色

13年後開拍第二季雖然由北川景子頂上成為女主角,不過雨宮舞子都有出現客串下,都叫做滿足咗忠實fans嘅願望~

5)2010年 《告白》森口悠子

重溫那些松隆子演過的經典角色

改編自湊佳苗同名小說,《告白》曾經代表日本角逐2011年第83屆奧斯卡金像獎外語片獎,當年亦獲得第30屆香港電影金像獎最佳亞洲電影獎。

重溫那些松隆子演過的經典角色

松隆子飾演老師森口悠子向班上同學復仇,陰森得嚟卻令人心痛,不慍不火卻又能帶出角色最想向世人表達嘅訊息,無論電影故事定係松隆子嘅演出都為觀眾帶來衝擊。

6)2017年 《四重奏》卷真紀

重溫那些松隆子演過的經典角色

最近期嘅作品《四重奏》係一套看似輕鬆但又有點懸疑,同時亦有喜劇成分嘅作品,有大量空間畀四位主角發揮。勁細聲講嘢嘅卷真紀,無論係佢嘅身世定係其丈夫失蹤嘅故事,松隆子精彩演繹到令觀眾留下深刻印象。

重溫那些松隆子演過的經典角色

松隆子演過嘅經典角色又豈止呢6個?仲有電影《櫻之桃與蒲公英》、《東京小屋》,甚至係配音嘅《魔雪奇緣》(日文版Let it Go 好好聽!)等等,時隔5年再出演電視劇飾演《四重奏》嘅卷真紀引起話題,希望唔駛再過幾耐又可以睇到松隆子嘅影視作品啦!

(如果,係同木村大神再次合作,就更好啦~)