[那些年,我們一起聽過的日文歌]粉雪

[那些年,我們一起聽過的日文歌]粉雪

[那些年,我們一起聽過的日文歌]
 
今晚,為大家介紹既歌係,レミオロメン(Remioromen)既<<粉雪>>。
 
相信好多人都睇過日劇《一公升的眼淚》,就算無睇過都應該打太鼓打過呢首歌。
當年係論壇一集一集DL黎睇,係一套超多洋蔥既日劇……
 
[那些年,我們一起聽過的日文歌]粉雪
想當年,澤尻英龍華仲未改名,仲係叫緊澤尻繪理香。
當時既佢扮演亞也呢個角色,真係清純到不得了。
 
[那些年,我們一起聽過的日文歌]粉雪
男主角係未變DV男既錦戶亮,係劇入面佢係個情深同學,麻生君。
雖然,最初係好毒舌好cool,但當亞也有事時,都會出現幫佢。
睇劇時,睇得出麻生君對亞也既不離不棄。
 
[那些年,我們一起聽過的日文歌]粉雪
有無人認得佢係邊個?未變XXL既L,松山研一。
當年睇劇果時,亞也一出事,佢走都走唔切!
真係想掟爆個mon!所謂既學長,原來係衰人黎!!!
 
[那些年,我們一起聽過的日文歌]粉雪
「雖然我很毒舌,但我卻很溫柔」錦戶亮完全演釋得淋灕盡至。
亞也好不幸地患上背髓小腦萎縮症,一下子由籃球健將變成靠輪椅代步既傷殘人士。
 
[那些年,我們一起聽過的日文歌]粉雪
即使再堅強樂觀,亞也都有落淚既時侯…
因為原本好簡單既事,都變成佢生活上既困難……
當時睇劇,真係要放個紙巾盒係大脾,不停抹淚~
 
[那些年,我們一起聽過的日文歌]粉雪
相信大家都會記得呢一幕…令人心痛既一幕…
每當聽《粉雪》時,就會諗起呢一幕……
 
[那些年,我們一起聽過的日文歌]粉雪
麻生君希望能夠同亞也有踏入教堂既一日…
而亞也自知俾唔到幸福麻生…只會成為包伏負累……
好唔容易終於一齊,但卻選擇分手……
 
[那些年,我們一起聽過的日文歌]粉雪
當亞也身體愈黎愈差時,家人強顏歡笑影相…
大家有幾耐無試過影全家幅呀?
趁而家仲係新年,未影既,快d去影張全家幅。
因為,一家人能夠齊齊整整係埋一齊並唔係理所當然。
 
[那些年,我們一起聽過的日文歌]粉雪
其實呢個係真人真事,亞也係離開之前,話未試過談戀愛就要走,好可惜。
於是,當電視台話想拍成日劇時,亞也媽媽要求劇組加插感情線,當係完成愛囡亞也既心願。
 
《粉雪》呢首歌,有幾句歌詞,我好中意。
 
「僕は君の全てなど知ってはいないだろう
或許我並不了解全部的妳
 
それでも一億人から君を見つけたよ
但我還是在一億人當中找到了妳
 
根拠はないけど本気で思ってるんだ
雖然沒有證據 可是我真的這麼相信
 
些細な言い合いもなくて同じ時間を生きてなどいけない
倘若連一點小小的爭執都沒有 又如何能一起走人生的路」
 
好好珍惜眼前人,別因為一時之氣,令自己失去最真摯既愛。
當人一死,就咩都返唔到轉頭。
今日唔知聽日事,別等到永遠失去,先黎後悔……
 

 
聽晚同樣時間23點59分有[那些年,我們一起聽過的日文歌] 為你介紹經典歌曲,歡迎留言點唱。