新生代女神有村架純，相信好多香港人都認識。但其實女神有位家姐，你又知唔知？唔好話你，其實係日本呢件事都係最近半年先引起話題。點解？因為…
姐姐的名字是新井ゆうこ（優子），同有村唔同姓。樣貌…相似乎就真係見仁見智同埋睇角度。
因此，真正引起話題都係因為有村架純生日當天姐姐po左呢張相上blog：
咁樣睇又真係有啲似喎！
點解兩姐妹會用唔同嘅姓係娛樂圈打滾呢？咁就要講返兩姊妹嘅歷史喇。有日本傳媒就報導兩姐妹原來中學嘅時候父母分離，兩姊妹就同媽媽三人相依為命，因此姐姐係讀高中嘅時候就已經努力打工幫補家用。
其實唔講唔知，雖然妹妹依家紅透亞洲仲被捧為女神，但其實姐姐係比妹妹早三年出道架！不過新井係藝名，有村先係真姓～
本身無公開兩姊妹嘅關係，無端端係妹妹走紅咗之後先公開，梗係引來猜測，網民就話佢以妹妹嘅名氣嚟炒。舊年上人氣綜藝節目嘅時候，姐姐就否定咗：「其實我一直都好努力，一路踏實地進行演藝活動，所以都好唔鍾意俾人話我係利用妹妹嘅人氣。」以對妹妹紅透半邊天嘅現狀，佢就話妹妹都非常努力，為咗工作會犧牲自己嘅睡眠時間，因此非常尊敬妹妹。
儘管對著網民勁mean嘲笑，笑醜樣笑臉長，但新井都仲係好積極面向人生，其實某程度上都幾值得學習。
不過睇番兩姊妹嘅相，其實兩姊妹真係唔係特別似樣。而妹妹係走清楚系路線，姐姐就走性感路線。新井其實所屬大阪嘅事務所，平時工作有影好多性感水着寫真。最近終於開始越來越多機會上東京工作，希望有朝一日可以見到佢同妹妹一齊工作嘅畫面啦。
其實講真，比起妹妹個股仙氣，姐姐係差啲嘅。好多毒舌網民都攻擊佢嘅外表。佢自己就話自己充滿上進心：「我知道自己唔係特別可愛亦都唔係特別靚，但反而因為咁我鍾意自己，亦都希望可以成為有內涵嘅人，俾到勇氣俾無自信嘅人，成為一個出色嘅女性。」
聽落好似香港小姐標準答案，不過都希望新井可以打破日本娛樂圈「兄弟姊妹只可以紅一個」嘅定律，走出自己一片天啦。
《新井ゆうこ檔案》
出生日期：1990年8月18日
年齡：25歲
出身：兵庫縣
所屬：アミックエンターテインメント
About Post Author
