[胃食日本] 三款日本新出薄荷(定牙膏味?)商品試食！

最近日本最近出咗好多唔同嘅薄荷朱古力雪條同雪糕，今日我就介紹3個唔同牌子最新出嘅薄荷朱古力味產品～（我身邊有好多人都唔食薄荷味野，因為好多人都話似牙膏

）

依一個係LOTTE CRUNKY出嘅期間限定Chocolate Chip Mint Ice bar(140円)

賣點係本來CRUNKY最出名嘅朱古力果仁脆皮再加上清新嘅薄荷雪糕同朱古力碎,

本身佢個朱古力果仁脆皮嘅果仁味道唔算太重，朱古力脆皮唔係太甜，3個味一齊食都感覺好平均，朱古力碎加上果仁口感好脆口，而且加埋朱古力脆皮，怕會有薄荷嘅朋友都食得到。

赤城乳業嘅COOL ICE BAR本來係出純朱古力雪條，今次新出左薄荷朱古力味，因為超平價 (70円) 嘅關係依一隻我食得最多

口感上唔可以話係雪條，感覺上似是係碎冰，所以我建議大家買左之後要快D食，我之前買左諗住返屋企食點知溶左一半（定係因為個日天氣熱

）

最後係7ELEVEN限定發售，glico嘅GIANT CONE系列Chocolate Chip Mint(130円)，最近喺日本電視都會見到綾瀬遙賣GIANT CONE嘅廣告。

除左本身基本味道之外GIANT CONE都成日都出唔同限定，今次就出咗薄荷朱古力，一咬落去食到佢面頭嘅果仁，果仁味好重，有少少過左薄荷味，食完上面嘅之後到下面嘅朱古力脆筒，甜度冇咁重，同薄荷朱古力雪糕都幾MATCH。

食GIANT CONE開個陣要好小心，上次我食個陣一開就連埋佢筒上面個雪糕成個開左落黎

唉對眼敏感腫哂