美食配靚湖景!島根湖畔溫泉旅館くにびき!

湖畔溫泉旅館くにびき係喺出雲市內嘅一間溫泉旅館,由出雲大社坐車去大約10分鐘距離,唔識去嘅朋友亦都唔洗怕,只要去之前打個電話預約,佢哋就會喺JR山陰本線嘅江南站迎接大家直接去到酒店㗎啦!


くにびき嘅位置因為好接近神西湖,大部分嘅房間都可以睇到依個非常靚嘅湖景!

神西湖係島根縣內其中一個可以漁獲到島根名物細蜆仔嘅湖,根據農林水產省發表的都道府縣的漁業統計(2016年),島根縣連續3年拎左細蜆仔收穫數量第一名。因為旅館冇任何建築物阻住,所以可以完全咁睇到個湖景,黃昏嘅時候湖景再加埋日落真係好靚㗎!

酒店內有23間房,有16間西式,6間和式同1間西和式合併款,仲有幾間係室內浴室有提供溫泉水,可以無時無刻都浸住依到非常舒服嘅溫泉㗎!全部房間都有安裝無線LAN,用電話電腦都好方便~

旅館內的溫泉「湖陵溫泉」,內有男女各有個大浴場同一個露天風呂,大浴場夠哂闊敞可以慢慢浸,天氣好嗰陣夜晚嘅露天風呂仲可以睇到好靚嘅星星同月亮,一邊浸溫泉一邊欣賞夜景!依到嘅溫泉水就有舒緩關節慢性痛症例如腰痛,神經痛,腳部扭傷,仲可以舒緩疲勞,同改善皮膚乾燥問題的美肌效果添!而且「湖陵溫泉」唔一定要入住佢哋嘅酒店先可以浸,只係想浸溫泉客人只需要俾600Yen(連稅)就可以去享受超舒服嘅溫泉㗎啦!(60歲以上400Yen・小中學生400Yen・3歳以上300Yen)(連稅)

くにびき入面仲有好多唔同嘅設施,例如可以俾大家洗衫嘅洗衣機室,宴會室同按摩室,仲有免費嘅卡啦OK房。卡啦OK房只要同櫃枱預約就可以使用,無任何人數限制,就算係一個人都可以慢慢唱㗎!

 

くにびき內嘅餐廳「レストランくにびき」有唔同配搭嘅豪華晚餐,好似我依個餐就有刺身,烤牛肉,天婦羅,出雲嘅名物出雲蕎麥麵,奥出雲產嘅豬里脊肉等等,真係好豐富!如果想食更加豪華嘅套餐仲會有紅喉魚,島根和牛等等嘅高級食材添!(食材會因季節而有所改變)早餐就係用自助餐嘅形式:麵包,沙律,飯同味噌湯可以任添,等大家可以食飽飽之後可以出發玩!

湖畔溫泉旅館くにびき

地址:島根県出雲市湖陵町二部1230
標準Check in時間:15:00~
標準Check out時間:~10:00
(會因應住宿Plan而有所改變)

 

「レストランくにびき」

營業時間:11:00~21:00(自助午餐11:00~14:00,晚餐17:00~21:00(截單20:30))

 

「湖陵温泉」

營業時間:10:00~21:00
(最終入浴時間 20:30)年中無休

 

詳細價格資料以及最新嘅預約狀況可以直接於官網查詢:按我
仲可以留意埋旅館的Facebook架:按我