紋身黨有人權!! 一網
追蹤紋身黨入得嘅溫泉
以往日本嘅社會風氣上普遍都會認為「公仔人」通常都係黑社會，所以一般對於有紋身嘅人唔多唔少都會有啲戒心。所以大家有去過日本嘅溫泉(特別係好大型同好多人去嗰啲)，應該都會見到通告話唔俾「公仔人」內進。
當然，除咗傳統之外，亦有一個原因係因為真係會試過有紋咗身嘅「黑人」醉酒搞事，搞多十單八單就搞到班「公仔人」同「蘿莉控」一樣都好似冇咩人權咁。
不過其實日本而家愈來愈重視旅遊，而外國人又真係好多「公仔人」，本來就應該放寬嘅，但要日本人改變一個傳統觀念其實就真係有少少難度。不過日本其實都仲有唔少地方係歡迎「公仔人」嘅，問題只係大家知唔知佢哋存在。在此小編介紹大家一個網站。
呢個叫tattoo-spot(傳送門)嘅網站呢，就係為大家搜集咗日本全國歡迎「紋身黨」光顧嘅地方。入面就包括咗以下分類：
温泉(溫泉)
銭湯(收費浴堂)
サウナ(桑拿)
プール(泳池)
ジム(健身室)
ヨガ(瑜珈)
日焼けサロン(曬黑日照沙龍)
海水浴場(海水浴場)
遊園地(遊樂場)
ホテル(酒店)
その他(其他)
網站除咗可以按設施搜索外亦可按地區搜索
入面會見到設施，設施旁會標示咗星數，留意那不是用戶評分。
星數其實係指設施對「公仔人」嘅接受程度。
1星係「公仔人」不得內進
2星係規則寫明「公仔人」不得內進，但卻常有「公仔人」出入使用
3星係「公仔人」只要能夠遮住所有「公仔」唔俾人見到就OK
4星係按個別情況、有條件批准或要事先問准設施方面許可
5星係基本冇問題
當然設施係有最終決定權，去到情況仍有變數。
例如圖中嘅3星除咗要求遮住所有「公仔」外，亦要求用家要穿rash guard防曬衣進場。
其實如果外國人印下公仔真係好平常，所以如果溫泉業界能夠彈性處理，例如加設「公仔人」時段、專區等，讓有刺青嘅旅客都可以享受溫泉就最好啦，不過傳統呢家野又確實要時間轉變，大家即管睇下日後會唔會慢慢改變，還「蘿莉控」「公仔人」一個「人權」XD
About Post Author
