窮遊：唔知大家對窮遊嘅印象係咩呢？「好辛苦？」「就住就住玩得唔開心？」「無錢就唔好學人去旅行？」相信有「窮遊」過嘅人都聽過以上對白。無論富遊定窮遊，只要出發前做好精明打算，其實都可以輕鬆以低預算、低洗費，一樣做到富遊嘅效果！今日等我地同大家分享一啲可以幫你去旅行都慳到錢嘅方法啦！
飲食
去到一個地方當然要食番幾餐當地菜去體驗風土人情啦！但係咪一定要去最時髦最靚最潮嘅餐廳先？其實有好多遊客區餐廳serve嘅未必係最好食或最正宗本土料理，而且價錢仲mark高左好多！日本都有唔少平價嘅嘢食，想食好啲又唔想太貴，都有啲抵食嘅放題，好似之前我地介紹過嘅1200yen刺身放題：たいこ茶屋 咁，都係唔錯嘅選擇。
如果係女生，喺日本仲可以考慮下一間叫「相席屋」嘅居酒屋，喺全日本都有分店，相席屋係為咗幫男女食客結識新朋友而出現嘅！女仔可以免費入場任飲任食，但會被編排同男士一齊坐，不過當然前提你日文都需要有一定程度喇～
免費博物館
有修養嘅你去到大城市都會去參觀下當地必睇嘅博物館，有時可以欣賞到極度珍貴嘅展品、名畫等等。不過，有時都忍唔住問，點解入場費咁貴嘅？其實日本都有唔少免費嘅博物館或體驗館，就以東京為例已經有Nikon博物館同杉並動畫博物館等等，有時唔想晒錢去熱門景點，不妨遊覽下呢啲「無料」博物館體驗下。
杉並動畫博物館入面有唔少動畫嘅展品，仲講解製作動畫嘅原理等等，對動畫有興趣嘅朋友應該都會好滿足！而且唔係遊客區，附近又有河畔同神社，啱曬鍾意靜靜地悠閒下嘅朋友！
善用優惠券
如果鍾意窮遊，相信大家平時都會鍾意留意身邊有咩優惠，去旅行嘅時候就更加應該善用優惠！Check下你去嘅地方有無網上優惠券或優惠碼！係度推介一個叫Picodi嘅網站：https://www.picodi.com/hk/
例如你可以上 Picodi 搵你出遊可以用到嘅旅遊coupon～有機會可以搵到景點入場優惠價、甚至SPA、按摩折扣券添。
好似我地book景點門票最常用嘅KKday，喺佢地網站已經搵到10％ off嘅coupon（不過要留意返唔係個個活動、門票都適用），一啲旅行常用預訂嘅網站如Klook、booking.com等嘅coupon都有。
如果秋冬季會去日本，最近KKday都有唔少賞紅葉行程推介，以東京為例：http://bit.ly/2yLLmTD
入呢個優惠碼「KKLIKE」會有5％折扣，雖然折扣唔算太多，但窮遊嚟講，慳得一蚊得一蚊！
Subscribe埋Picodi就可以隨時了解最抵旅遊資訊喇！
去旅行一定買唔到樓？未必。只要去旅行去得醒，一樣可以享樂看世界之餘，慳番唔少，繼續儲首期！難得放假，點解唔一句兩得先？窮遊未必係一件壞事，精明去旅行就一定係好事喇！希望各位下個旅程都可以去得開心、精明！
About Post Author
