【石垣遊】自己的菜自己煮・初嚐農家風味

【石垣遊】自己的菜自己煮・初嚐農家風味

係澳洲Working Holiday嘅時侯,好多時都要自己煮食,相反返到香港就少咗好多。今次去到石垣島,估唔到有機會可以由採摘,備料,烹調都自己落手做,味道仲好好添。事不宜遲,即刻睇下先。
 
▼教我地煮菜嘅係呢個精靈活潑嘅婆婆。雖然佢唔係英文,不過佢都好努力咁用身體語言嘗試講解俾我地聽。

 
【石垣遊】自己的菜自己煮・初嚐農家風味
 
▼首先婆婆會帶我地去摘菜,稜軸土人參(シビラン),一種沖繩盛產嘅植物。佢好熱情咁叫我地盡情摘,因為佢生命力好強,上晝摘完,下晝已經可以生番晒出黎。
 
【石垣遊】自己的菜自己煮・初嚐農家風味
 
▼之後就可以去備料程序啦,由揀菜、削皮、清洗、切絲等等,都係大家分工合作咁進行。
 
【石垣遊】自己的菜自己煮・初嚐農家風味
 
▼除咗菜之外,其實仲有木瓜。
 
【石垣遊】自己的菜自己煮・初嚐農家風味
 
▼婆婆會同大家一齊備料,有問題亦會即刻提供協助。
 
【石垣遊】自己的菜自己煮・初嚐農家風味
 
▼備料完畢就正式開始烹飪課啦!大家就跟住婆婆嘅指示落調味料,同埋努力炒炒炒!
 
【石垣遊】自己的菜自己煮・初嚐農家風味
 
▼將煮好嘅菜作最後加工,好快就有得食啦。
 
【石垣遊】自己的菜自己煮・初嚐農家風味
 
▼每人一份炒木瓜絲同菜出爐啦。本以為就咁就完…點知,原來好戲在後頭。
 
【石垣遊】自己的菜自己煮・初嚐農家風味
 
▼一開始仲擔心食唔飽,點知原來仲有成份農家風味菜等緊你。絕無誇大成份,所有野都真係好好味!唔好見佢每份都少少咁,但其實全部食晒都真係好Full。當中最特別嘅,係沖繩限定嘅「花生豆腐」。一開始大家都以為係年糕,點知一咬落去就充滿花生香,煙煙韌韌咁,令人一試難忘。
 
【石垣遊】自己的菜自己煮・初嚐農家風味
 
 
後記:係香港唔好話去農場,就連自己煮飯嘅機會都少。係呢度除咗可以體驗農家樂之外,仲可以品嚐到一餐超高水準嘅農家菜,真係好滿足!有得食有得玩,都只係2,500円,個人覺得非常超值。整個過程大約兩個鐘,去石垣島不妨加埋呢個行程啦【石垣遊】自己的菜自己煮・初嚐農家風味
 
溫提:HK Express開咗新線直飛石垣,時間大約只需兩個鐘。
 
 
【まるたか農園/Marutaka Farm‬】
地址:2151-5, Tonoshiro, Ishigaki-shi, Okinawa, 907-0004, Japan
電話:0980-83-1665
時間:12:00~14:00 (料理教室最晚前一天要預約)
費用:附午餐定食,1名2,500円
官網:http://www.marutakafarm.com/index.html
 
特別嗚謝:HK Express 和 Visit Okinawa hk 沖繩觀光會議局