【石垣跳島遊】西表島叢林探險之旅

【石垣跳島遊】西表島叢林探險之旅

跳島遊嘅第二站,繼單車遊竹富島之後我地跳到叢林探險之旅嘅「西表島」
 
西表島係「八重山群島」中面積最大嘅島嶼。島上90%土地為亞熱帶原生森林以及紅樹林沼澤所覆蓋,當中80%係受保護嘅國有土地,被稱為「日本最後秘境」
 
▼由石垣港離島碼頭出發到西表島大約要45分鐘。由於島上有好多唔同嘅Tour,所以一落船就可以見到好多人召集嘅情景。
 
【石垣跳島遊】西表島叢林探險之旅
 
▼好多酒店民宿亦都有Tour可以報,而當日我地就經參加咗「Hotel Nirakanai Iriomotejima」搞嘅叢林之旅,闖入紅樹林,探索大自然秘境。(預告下呢間咁正嘅酒店,之後嘅Blog會再介紹【石垣跳島遊】西表島叢林探險之旅
 
【石垣跳島遊】西表島叢林探險之旅
【石垣跳島遊】西表島叢林探險之旅
 
▼去樹林做足準備,酒店都建議大家著返長袖衫褲,除咗因為昆虫之外,行山路徑有時都需要攀爬,所以長衫褲亦可以減輕受傷嘅機會。但由於我只係帶左短褲,唯有就咁上陣啦。
 
【石垣跳島遊】西表島叢林探險之旅
 
▼而鞋方面就唔需要擔心,因為酒店有提供行山專用嘅「防滑鞋」
 
【石垣跳島遊】西表島叢林探險之旅
 
▼裝備整全後我地就正式坐船出發。首先我地乘坐遊覽船欣賞全日本最大嘅紅樹林生態。
 
【石垣跳島遊】西表島叢林探險之旅
 
▼沿途一片平靜嘅湖水,唔知點解令人有種好舒服嘅感覺。
 
【石垣跳島遊】西表島叢林探險之旅
 
▼井井有條的紅樹林。
 
【石垣跳島遊】西表島叢林探險之旅
 
▼過咗無幾耐,我地就到達山徑入口,準備我地嘅尋找瀑布之旅。領隊一開始會先提醒我地盡量唔好周圍摸,小心安全等等。唔駛驚聽唔明,因為有領隊係識講中文㗎【石垣跳島遊】西表島叢林探險之旅
 
【石垣跳島遊】西表島叢林探險之旅
 
▼山路比想像中易行,只係某些位置可能需要小攀爬同埋比較濕滑,所以大家都好自發咁互相扶持。
 
【石垣跳島遊】西表島叢林探險之旅
 
▼途中可以見到各種生物同植物,好似呢個「菇菇樹」咁,不過為保安全,最好都係抱持觀望態度好啦 【石垣跳島遊】西表島叢林探險之旅
 
【石垣跳島遊】西表島叢林探險之旅
 
▼身水身汗行咗半個鐘,我地就可以到達呢個位於仲良川「ナ〡ラの滝」
 
【石垣跳島遊】西表島叢林探險之旅
 
▼行得咁辛苦除咗欣賞靚景之外,梗係要落水浸下啦。
 
【石垣跳島遊】西表島叢林探險之旅
 
▼出到成身汗「痴立立」嘅時侯跳落水個陣,個種透心涼嘅感覺真係令人忍唔住大叫一聲「爽」呀!
 
【石垣跳島遊】西表島叢林探險之旅
 
▼唔想落水,係池邊浸下腳都好舒服。
 
【石垣跳島遊】西表島叢林探險之旅
 
▼係瀑布休息後我地就沿路折返去下一個景點,就係玩「獨木舟」。除咗穿上救生衣外,仲有教練一直指導你,再加上其實非常淺水,所以都好玩得好安心。
 
【石垣跳島遊】西表島叢林探險之旅
 
▼首次玩獨木舟嘅我雖然偶爾會失控「直闖」樹叢,不過可以俾一大片紅樹林包圍咁寫意地划艇,真係好正呀,仲有啲意猶未盡嘅感覺添。
 
【石垣跳島遊】西表島叢林探險之旅
 
▼經過一日嘅體力勞動之後,返到酒店正值日落時分。而酒店後面就已經連住海灘,可以俾你坐係沙灘慢慢欣賞日落嘅來臨。
 
【石垣跳島遊】西表島叢林探險之旅
 
後記:黎到西表島,你就好似成為一個探險家咁,行山、潛水、划艇等等,係呢度都可以滿足到你。即使過程可能會好攰,不過最後欣賞到美景嘅一刻都會覺得一切一切都係值得。
 
而酒店亦有好多Package提供,有純坐觀景船,純行山,或者整日叢林探索之旅等等,價錢由2200円至15000円不等。不過我認為呢度真係非・常・值・得・玩!如果你唔喜歡戶外活動都不妨選擇坐觀景船欣賞下呢片美麗嘅紅樹林,好好享受係香港難以感愛嘅寧靜時光。
 
 
 
【ホテル ニラカナイ 西表島‬】
地址:沖縄県八重山郡竹富町字上原2-2
電話:0980-85-7111
官網:https://nirakanai-iriomotejima.jp/teaser/en/
 
 
特別嗚謝:HK Express 和 Visit Okinawa hk 沖繩觀光會議局