燒肉店女孩帶你去Gottie’s BEEF食肉食到反艇

 

肉肉肉,食到就黎變一舊肉
 
今日由本身喺燒肉店做緊Part time嘅 LikeJapan特派記者大川頼(OOKAWA RAI)帶大家嚟到Gottie’s BEEF食肉。
原本諗住只係去食海膽烤牛肉飯,點知受到鋪頭熱情款待,睇到都飽,食到胃都反轉埋,睇埋下面就知道。
 
海膽烤牛肉飯1,680円
首先都係要食番呢個海膽烤牛肉飯,而大川頼父母咁啱就係北海道人,話細個嗰時打開雪櫃都有海膽喺入面,由細細個開始食海鮮嘅佢對海鮮特別係有要求。其實海膽由海膽殼到拎出嚟兩日就會溶,為左保持海膽形狀唔會散開,用左一種叫明礬保存劑令海膽唔會咁易散開,但缺點就會降低海膽味道。大川頼就話呢到海膽可能用明礬比較多,味道唔夠好(我個胃食乜都一樣唔知啦下)。但牛肉就上質值得一讚,點講都好,呢個組合好豪華。
 
Tomahoawk Steak 每克11YEN
使用嘅肉係美國芝加哥上質Aberdeen Angus牛乾燥熟成研製,呢個名嘅由來係因為佢係一個斧頭嘅形狀,為咗可以保留最佳肉味,廚師精心烹調以半熟狀態上碟。可能係乾燥熟成嘅關係,味道有小小類似羶味嘅味道,羊肉味我就食唔到,但呢個味就幾鍾意。本身食到呢到已經想走,點知,,,,,,,,
 
NICK VILLAGE 總重量1KG!!8,480円
呢個叫肉盛嘅東西,係鋪頭主要推介嘅熟成牛,用咗鹿兒島名豬「茶美豚」而製嘅香腸,仲有辣味紅燒雞肉等等,牛肉豬肉雞肉總共12種唔同嘅肉,見到都飽,究竟呢份野係幾多個人份量?最後食唔晒淨低左一半以上就走人,,,
 
STAFF們燦爛笑容背後,可能係「你地好意思剩低咁多肉話走」。
 
最後恭喜大川頼參加Miss Bridal Model GRANDPRIX獲選去到全國大會,可以去到全國大會好似話比率大約係20入面1人左右。
 
大川頼
Twitter
https://twitter.com/karimeron24
 
Instagram
https://www.instagram.com/raaaaiel/?hl=en
https://www.instagram.com/punue.rai/?hl=en
 
店鋪資料

Gottie’s BEEF池袋西口店
東京都 豊島区 西池袋 1-38-5 セイコービル 2F
http://www.gotties-beef.com/
池袋西口徒步五分鐘