《漫步二子玉川!體驗東京藝術潮!》

《漫步二子玉川!體驗東京藝術潮!》

東京Art Flow00係二子玉川一帶舉行,有唔同範疇嘅創作人參與。演繹「Human’s Nature」呢個主題,大多數作品互動性強,又有唔同工作坊供選擇,加上選址於休憩空間,吸引到更多公眾人士係公共地方參與藝術活動。
 
由7月29日到8月31日,一連串嘅活動同裝置藝術都會係二子玉川公園、兵庫島公園一帶舉行同展出。嚟到嘅人只需要揀想參與嘅活動,係指定時間同地點去到就得喇!(除咗部分項目同工作坊之外,大部分活動係免費嘅)
《漫步二子玉川!體驗東京藝術潮!》
 
接住落嚟就要介紹下當日嘅works喇!
一到埗,好好彩咁我地趕緊捉住咗「Welcome!The Earthling」嘅尾巴啊!呢個Work係一套互動drama,故事講述一位希望尋找到宇宙人嘅平凡少年,帶領住四位隊員,十年嚟為咗尋找宇宙人而四處遊歷。五位演員會帶住參加者係玉子二川「尋找宇宙人」。故事去到最尾,少年發現其實地球人都係宇宙嘅一部分,而所謂「宇宙人」只係自己為不安感套上嘅一個名字。少年最後同觀眾道別,然後繼續佢嘅旅程,尋找其他未知嘅事物。
《漫步二子玉川!體驗東京藝術潮!》
 
係兵庫島公園裏面除咗Art Flow 仲有好多人嚟野餐、休憩。Art Flow 仲設咗幾架「美食車」,價錢可以,款式有Pizza 丼飯、啤酒…反而坐嘅地方真係唔錯,有哂天幕咁,仲set up咗一啲帳篷俾人入去休息。
《漫步二子玉川!體驗東京藝術潮!》
 
係地鐵站出面就有一啲裝置作品,例如係呢個Smoke Ring,定時會噴煙…(作品介紹好似話可以幫我地欣賞大自然…?)仲有大型投影作品」Anti Adscreen Project」收集公眾嘅問題(任何主題都可以嘅),再係30號晚投射係地鐵站外牆。
《漫步二子玉川!體驗東京藝術潮!》
 
去到蔦屋家電,竟然睇到open reel ensemble嘅和田永表演啊!佢今次仲帶咗扇風機,利用電風扇同燈,將收集返嚟嘅光線轉化成音,總言之佢就係拎住把風扇當結他咁彈喇!
《漫步二子玉川!體驗東京藝術潮!》
 
至於Air Stone本來係我幾期待嘅一環,不過實物太似一個普通,吹脹咗嘅水泡,fantasy程度直線下降,不過遠睇襯埋個境真係好靚好夢幻。
《漫步二子玉川!體驗東京藝術潮!》
 
最後我地留到夜晚參加埋最後一個活動,每個人拎住裝住LED嘅紙燈籠,人龍一路向前推進,燈嘅顏色就一直變。
《漫步二子玉川!體驗東京藝術潮!》
 
呢架就係玉子二川探景車喇!本身係想坐埋嫁,可惜有緣冇份,佢出現個陣我地咁啱尋找緊宇宙人…眼白白見住佢走咗…而加佢已經準備退場嚕…
《漫步二子玉川!體驗東京藝術潮!》
呢個flow呢,係有唔少家庭嚟參加嫁!因為啲work本身都好有趣同夠互動,地方又夠大,無論幾多歲咩背景,都好易可以投入到啊!呢個blog出咗個陣,個flow大概都完咗嚕,但希望可以俾多個option大家,有機會去東京玩嘅話,可以搵下類似嘅活動啊嘛!
 
全力支持:大新銀行、香港航空、中國平安保險