日本溫泉總選舉 2017! 山口縣油谷灣溫泉奪「美肌部門」冠軍!

去日本玩,梗係唔少得去浸溫泉啦,不過日本溫泉多到數都數唔晒,都底點揀好呢? 由日本環境省、觀光廳以及民間企業合作舉辦嘅「全國溫泉總選舉」2017年嘅結果已經揭曉。呢個投票係由7月1日到10月31日舉行,今年總票數共有1,490,000票,又唔知可唔可以畀大家參考參考? 話說今年嘅「美肌部門」係由山口縣長門市嘅油谷灣溫泉成功奪冠! 絲打們係咪想即刻飛身去試一試呢? 即刻同大家睇下美肌部門嘅Top5溫泉。

5.宮城縣大崎市 鳴子温泉郷(naruko onsenkyō)
鳴子温泉郷係鳴子温泉、東鳴子温泉,川渡温泉、中山平温泉,鬼首温泉呢5個溫泉嘅總稱。當中最古老嘅溫泉有上千年嘅歷史。

鳴子温泉

各種各樣嘅溫泉都喺呢度齊集,包括有塩化物泉(鈉鹽化物泉)、単純温泉、炭酸水素塩泉(碳酸氫鹽化物泉)、硫酸塩泉、二酸化炭素泉(二氧化碳泉)、含鉄泉(含有二價、三價鐵離子嘅溫泉)、酸性泉同硫黄泉都可以喺度搵到。

地址:〒989-6100 宮城県大崎市鳴子温泉
前往方法:於仙台乘坐東北新幹線到古川  轉乘JR陸羽東線到鳴子温泉(車程約1小時6分鐘)
鳴子温泉郷官網:http://www.naruko.gr.jp/

4.佐賀縣嬉野市 嬉野温泉(ureshino onsen)

位於九州佐賀西部嘅嬉野温泉,以有美肌效果嘅泉水而被稱為日本三大美肌之湯。
溫泉水質:塩化物泉(鈉鹽化物泉)、炭酸水素塩泉(碳酸氫鹽化物泉)

嬉野溫泉吉祥物ゆっつらくん。ゆっつら:佐賀方言,即ゆっくり 悠閒、慢慢的。

地址:日本佐賀県嬉野市嬉野町大字下宿乙嬉野温泉
前往方法:於JR博多駅乘JR特急到JR武雄温泉  轉乘JR巴士前往嬉野温泉
嬉野温泉官網:http://spa-u.net/

3.東京都 秋留野市 秋川渓谷瀬音の湯 (akigawakeikoku seotonoyu)

溫泉有一面落地大玻璃,對住一片森林景色。景色隨住春夏秋冬、晝夜而變換。
溫泉水質:單純溫泉、硫黄泉。

秋川渓谷瀬音の湯官網:http://www.seotonoyu.jp/
地址:〒190-0174 東京都あきる野市乙津565 
前往方法:乘坐JR青梅線  於JR武藏五日市站落車  於武藏五日市站巴士站1號乘車站轉乘『瀬音の湯経由上養沢行き』,於「瀬音の湯」落車
巴士時間表: http://www.seotonoyu.jp/access/

2.岡山縣 真庭市 湯原温泉郷 (yubaraonsenkyō)

湯原温泉郷係為於岡山縣北部嘅溫泉。入面嘅露天混浴溫泉「砂湯」更加被稱為「西邊嘅橫綱」(橫綱係最高位相撲手嘅稱號),可以見到湯原温泉郷有幾受歡迎。

溫泉水質:單純溫泉

呢班婆婆感覺年輕,但實際平均年齡已經係79歲。由於溫泉水有美肌作用,湯原温泉郷甚至有樽裝溫泉水出售。詳情:http://www.onsensui.net/

湯原温泉郷官網:http://www.yubara.com/
地址:日本岡山県真庭市湯原温泉
前往方法:於岡山駅乘坐中鐵巴士前往勝山バスセンター(勝山巴士中心)再轉乘湯原温泉巴士,於湯原温泉落車
 

1.山口縣 長門市 油谷灣温泉 (yuyawan onsen)

處於高地嘅油谷灣溫泉可以一邊眺望油谷灣嘅美景,一邊浸溫泉,雙重享受。

溫泉水質:單純溫泉
溫泉酒店楊貴館官網:http://www.hotelyokikan.jp/
地址:日本山口県長門市油谷伊上130 油谷湾温泉 
前往方法:JR山陰本線伊上駅轉乘5分鐘的士

 

溫泉水質介紹:

塩化物泉(鈉鹽化物泉):俗稱「熱之湯」,有保濕、促進血液循環嘅作用。
単純温泉:全日本最普遍、溫和嘅溫泉。可以放鬆精神等等。
炭酸水素塩泉(碳酸氫鹽化物泉):俗稱「美人之湯」,有軟化角質嘅作用。

「美人之湯」

硫酸塩泉:俗稱「傷湯」(療傷溫泉),可以有促進血液循環,治療外傷。
二酸化炭素泉:(二氧化碳泉):因為會有二氧化碳變成氣泡,俗稱「泡泡之湯」。有保濕、促進血液循環嘅作用。
含鉄泉:(含有二價、三價鐵離子嘅溫泉)對缺鐵性貧血有效

含鉄泉

酸性泉 :pH值大約喺2-4之間,有殺菌作用,可以治療慢性皮膚病。
硫黄泉:每升水約含有2mg以上硫黃,可以殺菌,對皮膚炎症有效。

硫黄泉

資料來源:https://onsen-ouen.jp/vote/ranking/result-2017summer