東京迪士尼小心思!5項園區限定貼心設施、商品、服務!

東京迪士尼小心思!5項園區限定貼心設施、商品、服務!

雖然香港都有Disneyland,但日本嘅Disneyland俾人嘅感覺總係格外唔同,大家有冇同感呢?記者就認為,日本嘅Disneyland特別多「小心思」,不論係園內設施、商品同服務都經細心設計,令大家嘅遊園經歷更夢幻神奇!

東京迪士尼小心思!5項園區限定貼心設施、商品、服務!

東京迪士尼小心思!5項園區限定貼心設施、商品、服務!

日本人出名諗野夠多gimmick,喺Disneyland呢個咁夢幻嘅地方,當然會特地花心思去設計,打造出與別不同嘅日本Disneyland啦!今次為大家整理東京迪士尼樂園同東京迪士尼海洋,兩個園區嘅「小心思」。其中有幾樣真係唔講都唔知,值得去親身經歷一下!

園內設施/服務

1. 米奇泡泡洗手台

每個米奇迷去到Disneyland,都一定會落足眼力搵hidden Mickey!東京迪士尼就同花王合作,喺園區入面放置左「米奇泡泡洗手台」,只要輕輕按壓,就會擠出白色米奇頭造型嘅泡泡,洗手果陣一定好有驚喜!特殊設計嘅洗手台喺迪士尼樂園嘅動物天地區,以及迪士尼海洋嘅Toy Story區都搵到。

東京迪士尼小心思!5項園區限定貼心設施、商品、服務!

特殊設計嘅洗手台,可以擠出白色米奇頭造型嘅泡泡,好可愛呀!

東京迪士尼小心思!5項園區限定貼心設施、商品、服務!

迪士尼樂園動物天地區嘅米奇泡泡洗手台係金屬風設計,有傳平時都唔少人特登嚟排隊洗手,企足幾分鐘影相留念㗎!

東京迪士尼小心思!5項園區限定貼心設施、商品、服務!

有傳園內部分洗手間都有米奇泡泡洗手台,不過記者就仲未遇過,大家又有冇見過佢地呢?

 

2. 超貼心失物認領服務

對於遊客嚟講,去旅行果陣唔見野,真係好唔方便㗎!日本迪士尼嘅失物認領服務就夠晒貼心,除左好親切咁幫你登記失物資料,如果搵得番,真係會寄番去國外俾你!網上有唔少人都分享過喺日本迪士尼唔見嘢嘅經歷,多數人都大讚當地staff好貼心,服務親切,留下正面嘅印象!

東京迪士尼小心思!5項園區限定貼心設施、商品、服務!

有台灣網民就指,自己去完東京迪士尼唔見左頂帽,搵工作人員幫手果陣,對方唔單止好仔細咁問物品外觀、掉落時間同地點等詳情,仲主動叫自己留低台灣地址同電話。一個星期之後,果位網民真係收到東京迪士尼嘅中文信,通知佢搵到失物,仲用EMS寄番去台灣俾佢!

東京迪士尼小心思!5項園區限定貼心設施、商品、服務!

其實大家喺東京迪士尼唔見野,都可以通知工作人員,佢地會貼心指導你去園內特定地點登記資料㗎!

 

3. 清潔人員表演

相信好多人都知道,好多時迪士尼嘅每項服務都「內有乾坤」!好似園內工作嘅清潔人員咁,有時會表演畫畫、短劇或者同觀眾互動,係不可錯過嘅迪士尼「小心思」!之前為左慶祝迪士尼海洋開幕15週年,就有清潔人員化身成畫家,用拖把畫出米奇頭、高飛頭等公仔,睇過嘅人都覺得好神奇!

東京迪士尼小心思!5項園區限定貼心設施、商品、服務!

東京迪士尼小心思!5項園區限定貼心設施、商品、服務!

除左用水畫畫,工作人員有時仲會用樹葉砌出各種圖案,所以大家去迪士尼果陣要落足眼力,唔好錯過地上面嘅小心思呀!

 

A post shared by hiro (@mickey_1118_yourpal) on

 

商品

4. 園區限定款扭蛋 

除左紀念金幣,日本嘅迪士尼仲有園區限定嘅扭蛋,款式仲會每季更新!唔好睇少呢啲扭蛋呀,有啲特別款十分搶手,網上炒價比正價高成倍,可見幾值得收藏㗎!

 

A post shared by yukira (@yukira1130) on

所有園內限定嘅扭蛋都印明「Tokyo Disney Resort」,而隨住款式嘅唔同,外殻顏色都會有變化!

 

A post shared by T・K puccho (@pucchopuccho) on

呢款海盜造型嘅扭蛋就係迪士尼海洋夏季限定款!

 

5. 生日驚喜

相比起香港嘅生日徽章,日本迪士尼嘅生日相關item就再多啲,例如有生日特別禮物set、自訂禮物門票等,令大家有一個更難忘嘅生日體驗。

東京迪士尼小心思!5項園區限定貼心設施、商品、服務!

要注意嘅係,日本嘅生日護照已經停產,不過大家仍然可以買生日特別禮物set(バースデーグッズ ),唔需要出示生日證明文件就買到。即使唔自用,買嚟送比人都可以,一樣有收藏價值!

2017年嘅生日特別禮物set,包括米奇公仔、毛巾同生日獎牌。三樣item都可以單買,同樣印有「2017」字樣!

東京迪士尼小心思!5項園區限定貼心設施、商品、服務!

而自訂禮物門票,就係專門設計俾送禮用嘅。大家可以online自訂祝福,再揀以SNS或email寄出生日卡,收到果個一定好有驚喜!

東京迪士尼小心思!5項園區限定貼心設施、商品、服務!

東京迪士尼小心思!5項園區限定貼心設施、商品、服務!

最後,當然唔少得生日徽章啦!只要貼上生日徽章,工作人員見到就會主動同你互動,可能係唱生日歌、喺野食放上生日裝飾,又或者主動講生日快樂等。

有人就試過收到園內清潔人員嘅祝福,當眾做出特別表演,真係好幸運呀!

東京迪士尼小心思!5項園區限定貼心設施、商品、服務!

呢位女仔就行行下比清潔人員叫停,聽到生日歌嘅音樂之餘,仲收到一個生日牌同裝飾用眼鏡,超驚喜!

東京迪士尼小心思!5項園區限定貼心設施、商品、服務!

資料/圖片提供及來源:

東京迪士尼官網
甲子 Jia zi
Reliance Hui Chen