[日本街訪]日本人 聖誕最愛咩?!

[日本街訪]日本人 聖誕最愛咩?!

好多人都鍾意去日本過日色聖誕,覺得日本嘅聖誕氣氛好啲喎~不過大家又知唔知日本人聖誕一定會食咩,最想點樣過,又最想收到啲咩禮物呢?即刻揭曉啦~~~

 

問:聖誕大家有咩係必食嘅?

答:我細細個開始已經年年都食肯X基㗎啦~~~

(仲要係唔只佢一個,係好好好好好好多人都係咁講!)

點解嘅日本人聖誕一定要食肯X基?!話說原來每年聖誕節個排,肯X基都會係咁賣廣告,令日本人腦海入面出現咗一個「聖誕節就一定要食肯X基」嘅印象,漸漸形成咗日本人聖誕節會食肯X基而唔係食火雞嘅文化~~~www

[日本街訪]日本人 聖誕最愛咩?!

——————————————-

問:聖誕大家有咩係必食嘅?

答:同大家一樣食蛋糕囉~

除咗肯X基之外,聖誕蛋糕都係日本聖誕必吃之選!!!!就好似我地生日一定要食生日蛋糕咁~~~~

踏入12月所有蛋糕店都會推出各式各樣超得意嘅聖誕蛋糕,就算唔真係買嚟食,淨係睇吓都開心啊~

[日本街訪]日本人 聖誕最愛咩?!

——————————————-

問:聖誕節想點樣過?

答:最理想就係同女朋友一起過囉…

有人話香港嘅聖誕節根本同第二個情人節冇分別,其實日本都係一樣!

問10個人有10個都話想同伴侶過,同時諗起耶蘇嘅人係零www(你地班人冇心肝啊!)

[日本街訪]日本人 聖誕最愛咩?!

 

依位哥哥明明有女朋友,但係女朋友聖誕竟然去美國玩唔同佢過,搞到佢話自已:好似地球要毀滅嘅級數咁傷心又寂寞!

佢女朋友仲要衰衰咁話:我會玩得好開心咁返嚟㗎啦~你就寂寞地過聖誕啦~

[日本街訪]日本人 聖誕最愛咩?!

——————————————-

問:想收到咩聖誕禮物啊?

答:阿爸阿媽:我想要錢啊~~~~

最後問咗幾個衰仔,都係話想收到錢喎…錢大晒咩!錢買得到快樂咩(暴走mode)!w

另外意外地有唔少人都向聖誕老人要求禮物,仲有人話親眼見過聖誕老人出現喺屋企送禮物比佢㖭~~~~
[日本街訪]日本人 聖誕最愛咩?!

 

最後祝大家聖誕快樂~請繼續支持下年嘅街訪啦~~~~