同日本人相處會覺得好舒服，因為佢地點都唔會講啲令你難堪嘅說話，而且仲成日會讚你呢樣讚你嗰樣㖭！
例如…卡哇依（可愛）！冇錯啦，佢地成日講卡哇依卡哇依，原來係大話嚟嘅！
讚人真係一門學問嚟。如果諗唔到有咩好讚嘅話，唔少人都表示會讚對方：優しい，啫係好善良咁解，好人卡啊明未啊？
咁如果人地整嘢畀你食但係又好難食喎，點算好呢？
「難食就讚形狀同顏色啦～～」
掉轉嚟講，如果你整嘢畀人地但人地無啦啦喺到話好靚blablabla，好可能就係因為你整得太難食佢地講唔出「好食」！
咁佢地會點兜個圈話人肥呢？
答案係：「好健康啊！」「好可愛嘅體型啊！」「好似好軟綿綿咁啊！」＝＝
點兜個圈話人少頭髮呢？
依個人竟然話好羨慕！依啲女人真係好恐怖啊！（事後佢表示係get錯問題不過冇人信佢hahaha）
男人多數都會直接啲嘅，會話：「不如你試吓戴假髮啦！」
另一半親手整嘅嘢食好難依又點算呢？
依個女仔就會幾難食都會話好好味，但係希望佢千祈唔好再整多次比佢食咁話～
點解大家要講埋晒依啲善良嘅大話呢？
佢地話因為咁樣會幸福啲…
明知係假，但信嘅話就會開心啲…信者得救啊！
不過都有好心嘅日本人提醒大家「日本人講嘢唔好信啊～」，咁最後到底信定係唔信呢，就交畀大家自已決定啦～
About Post Author
