【日本廣島】小小住宿分享

【日本廣島】小小住宿分享

今年一月去咗廣島旅行,為咗方便去唔同景點,唔洗趕船又趕車,所以我選擇咗七晚住三個唔同地方,而呢三個都係唔同類型嘅住宿。

第一日夜晚六點幾先落機,出到廣島市區已經八點幾,天都黑哂,加埋落雪,一個女仔拎住大件行李真係好唔方便,好彩我頭兩晚我揀咗位於JR廣島站旁邊嘅「廣島喜來登飯店 (Sheraton Hiroshima Hotel)」,係機場搭45分鐘巴士直到,正正係酒店旁邊落車。

由於行幾步就係JR廣島站,去各個景點都好方便,一程車就到。

房價:約$800港幣一晚(酒店網站預訂)
廣島住宿
廣島住宿
酒店唔單止交通方便,間房仲出奇地大!打個跟斗都仲得啊!(日本酒店房通常細到連打開喼都有困難㗎嘛)
廣島住宿
好乾淨好舒適!
廣島住宿
lobby側邊有電腦可以用
廣島住宿
第三日出發去大久野島住兩日一夜,我將個喼存放係酒店,揹咗個背囊就出發喇!

大久野島渡假村 – 日本國家公園度假村 (Kyukamura Ohkunoshima National Park Resort Villages of Japan)係大久野島上唯一的休閒、住宿設施
休暇村大久野島官網
房價:約$660港幣一晚(日本酒店網站預訂)
包含:早、晚餐自助餐、溫泉及兩小時單車租借服務

係忠海站搭10幾分鐘船就到大久野島,一到埗除咗有好多兔仔歡迎你之外,仲有渡假村嘅巴士接你去check-in。
大久野島渡假村
大久野島渡假村
大久野島渡假村外觀(此乃官方相片)
大久野島渡假村
今次住嘅係日式房(如果唔鍾意訓塌塌米,可以揀西式房)
大久野島渡假村
一望出去就見到好多兔仔
大久野島渡假村
因為冬天所以啲草唔算太綠
大久野島渡假村​ ​
成個房感覺好傳統
大久野島渡假村
訓塌塌米,會有開床服務
大久野島渡假村​ ​
大久野島渡假村
廁所雖然細,但好乾淨
大久野島渡假村​ ​
房冇沖涼房,所以要落去浴場,之後仲可以浸返個溫泉添!話說冬天真係好少人嚟,我夜晚9點去沖涼同浸溫泉,全程得自己一個,其實有少少驚…哈哈(此乃官方相片)
大久野島
第三間住嘅係bnb民宿,行落通天商店街唔洗兩分鐘,去市區各個景點都非常方便!重點係價錢平過酒店好多,而且自己一個apartment,私隱度高,仲有埋廚房、洗衣機、微波爐等,直頭好似返咗屋企咁舒服。

當你係網站預訂咗房之後,民宿主人會主動聯絡你,好helpful。

房價:約350港幣一晚(酒店網站預訂)
廣島民宿
非常乾淨、企理,張床係正常size,唔會好迫
廣島民宿
有梳化、茶几,可以買消夜返去食(不過冇電視)
廣島民宿
有哂所有基本家庭電器,有得洗衫真係一流!
廣島民宿
有個爐仔,可以煮下嘢食
廣島民宿
廁所好乾淨,另外有提供洗頭水、護髮素同沐浴露,但空間真係好細,沖涼轉身會有少少困難
廣島民宿
唯一美中不足真係要搬行李行樓梯,拎25kg行兩層真係幾吃力!
廣島民宿
分享哂三間唔同住宿,以上嘅房價都係一人價錢,如果你係兩個人一齊去,除開仲平!今次住宿,基本上每一間都好滿意,好啱我心水,但想特別同平時只係住開酒店嘅你哋講,下次考慮下住bnb,因為真係平好多,但質素一啲都唔差(記得睇下之前住過嘅人有咩comment),咁慳返嘅錢,就可以拎去玩拎去食喇!

送禮物時間
係日本見到有個盒星球朱古力好靚,即刻買咗返嚟做禮物,希望你哋鍾意喇!
星球朱古力
1. 讚好LikeJapan Facebook專頁
2. 註冊成為LikeJapan網站會員
3.瀏覽此博客文章時,點選左方的「分享博客文章」以獲得分享連結
4. 會員可透過各大社交平台及討論區分享連結網址,LikeJapan會統計每條連結的點擊次數,會員也可於博客頁面左方查閱點擊排行榜。
5. 截止時間內的分享連結點擊次數愈多,獲獎機會愈大。如有會員的分享點擊數目相同,將根據系統紀錄最快達到該點擊次數的參加者得獎。
詳細玩法亦可參考此頁
*如有任何爭議,LikeJapan將保留最終決定權。