新番都有! 網上收看日劇懶人包!

新番都有! 網上收看日劇懶人包!

上次分享咗網上睇動漫嘅網站,今次就同大家整理日劇資源啦!想支持正版,跟貼日本新番,又或者重溫經典都好,香港都有唔少渠道可以睇到㗎!以下就總結香港幾個免費+收費頻道嘅日劇資源,方便大家隨時追劇!

 

*劇名跟據各頻道官方譯名,排名不分先後
*更新日期為2018/1/23

==============免費網站==============

Viu

Viu HK日劇觀看連結 

Viu更新中嘅日劇雖然較少,但勝在更新幾快,通常第二朝已經有得睇!只要入到Viu網站,再撳「日劇」,就會睇到一系列嘅日本劇集喇!

 

今季新番:

1. 《鄰居家的月亮比較圓》

呢套係日本富士電視台製作嘅家庭劇,主演有深田恭子、松山研一、平山浩行、高橋高橋メアリージュン等 ,講述一對夫婦做人遇上困難,以及身邊鄰居發生嘅甜酸苦辣,帶出家庭及鄰里關係嘅探討。

新番都有! 網上收看日劇懶人包!

(圖片來源:fujitv)

2. 《海月姬》

《海月姬》係漫畫改篇嘅作品,講述女主角係毫無自信嘅「水母宅女」,遇上變裝靚仔同精英處男兄弟,開展咗尋找愛情同自我嘅路。

新番都有! 網上收看日劇懶人包!

(圖片來源:官方劇照)

3. 《On My Jump! ~少年JUMP拯救地球~》

呢套係「週刊少年JUMP」為紀念50週年的特別製作,由伊藤淳史主演。

劇情講述一個主角與「祕密俱樂部」相遇,果度聚集大量《週刑少年JUMP》嘅人,大家互相交流JUMP嘅漫畫、角色情報、意見等。而後來,憧憬英雄嘅主角成功覺醒,並察覺有大規模的災難正向地球襲來⋯⋯?

新番都有! 網上收看日劇懶人包!

(圖片來源:tv-tokyo)

 

其他作品:

民眾之敵~在這世上,不是很奇怪嗎!?~

新宿Seven

大人高校

BORDER贖罪、BORDER衝動

裂口女 第1-3季

下北澤Die Hard

我們做了

黑色筆記本

警視廳行物系

瑟西爾的企圖

再見,江成君

犯罪症候群 第1-2季

犯罪症候群

人100%靠外表

CRISIS

女囚Seven

The Supporting Actors

真晝的惡魔

寵物情人

不好意思,我們明天要結婚

掠奪的愛、冬

勇者義彥與被引導的七人

警視廳 印尼炒飯課 

營業部長 吉良奈津子

AKB Love Night戀工場

AKB恐怖夜 腎上腺素之夜

首相閣下的料理人

俠飯

早晨來到

暗夜英雄 NAOTO

早子老師,要結婚是真的嗎?

Love Song

火之粉

民王

東京Sentimental

南君之戀人~My Little Lover

大人女子

無痛~診療之眼~

即使這樣我也喜歡你

初森壘球團

婚活刑事

年齡騷擾

旅館花嫁 第1-3季

零的真實

 

ViuTV

ViuTV觀看連結

Viu播緊嘅日劇都唔係新番,作品選擇都唔算多,但勝在開電視就睇到,會員又可以無限重溫~不過,大家要睇新啲作品,就上翻Viu啦!

 

1. 《黑色筆記本》

作為松本清張嘅經典作品,黑色筆記本幾乎每10年就被改編一次,而今次2017年版本就由朝日電視台翻拍。劇情講述主角家中欠債,日頭係銀行員,夜晚就化身為銀座嘅陪酒小姐。佢發現銀行有非法勾結,籍盗領資金開設酒吧,野心愈來愈大,而敵人都因而增加⋯⋯

新番都有! 網上收看日劇懶人包!

(圖片來源:tv-asahi)

2. 《黑色福音》

同樣係松本清張原著嘅作品,呢套講述50年代日本教會發生嘅命案,美國神父殺害日本少女,警方尋兇卻受制於美國及教會勢力。由北野武及瑛太飾演刑警,竹內結子飾演教會信徒。

新番都有! 網上收看日劇懶人包!

(圖片來源:tv-asahi)

3. 《我想自己無法遇上命運般的戀愛》

呢套係聖誕SP,所以只有一集,進度都比較快~劇情係王道愛情故事,女主角係名戀愛遊戲設計師,對現實中嘅男人無興趣,機緣巧合下「收服」手機程式公司社長嘅故事!

新番都有! 網上收看日劇懶人包!

(圖片來源:kansaiTV)

4. 《叡古教授之事件簿》

同樣係SP,呢套係查案片,講述某刑警去拜訪西方叡古教授時,共同破解案件嘅故事。

新番都有! 網上收看日劇懶人包!

(圖片來源:AsahiTV)

5. 《偵探少女有紗的事件簿》

呢套係本田望結第一次主演嘅日劇,改篇自同名小說,講述天才偵探少女喺孤島密室遇上連環殺人案,利用出色嘅頭腦去破案。

新番都有! 網上收看日劇懶人包!

(圖片來源:AsahiTV)

 

J2

J2暫時只有播緊3套日劇,但作品都算緊貼日本播放進度嘅~好似之前日本開播陸王果陣,J2過咗一個月就購入播出,都幾方便大家喺大螢幕追劇㗎!

 

1. 《女醫神 Doctor X 5》

作為收視王牌系列,女醫神除左原班人馬,仲有大地真央、野村周平等新主角加入,陣容可以話幾強!劇情講述日本頂級醫院改革,首位女院長同外科醫生角力,正面挑戰權鬥爭。

播放時間: 星期日 晚上 11:05 J2 

新番都有! 網上收看日劇懶人包!

(圖片來源:AsahiTV)

2. 《陸王》

上年12播完嘅陸王,J2都有買入!劇集講述足袋生產廠家因業績低迷,拓展跑鞋事業,努力開發及生存嘅故事。主演有役所廣司、山崎賢人、竹內涼真等,日本收視率最高達23.1%!

新番都有! 網上收看日劇懶人包!

(圖片來源:陸王公式Twitter)

 

3. 《逆齡初戀》

由桐谷美玲主演嘅作品,日本於2016年播出,講述女主角65年都無拍過拖,唯一嘅親人過身後,得到人生再次重來嘅機會。

新番都有! 網上收看日劇懶人包!

(圖片來源:AsahiTV)

而TVB就未有新番日劇播,暫時只可以去收費嘅myTV SUPER睇日劇台。

 

=========收費網站(包括有條件免費)=========

 

NETFLIX

Netflix HK觀看連結

NETFLIX較多係買斷嘅劇集,選擇都唔少㗎!不過係要收月費嘅,大家可以加入1個月試用計劃免費睇,之後再決定加唔加入都未遲!

新番:

1.《伊藤君A到E 》

改篇自同名小說,呢套劇講述靚仔但極度自我中心嘅男主角,周旋於五位女性之間嘅教事。男主角由岡田將生飾演,外表軟萌,但劇中都幾多床戲,係一名賤男!

新番都有! 網上收看日劇懶人包!

(圖片來源:ito-kun)

2. 《她們的百萬日圓》

由TV Tokyo同NETFLIX合作嘅原創劇,由漫畫改篇,講述五位神秘女人搬與小說家同住,而小說家負責打理古怪嘅家庭,以換取大筆月薪。

新番都有! 網上收看日劇懶人包!

(圖片來源:Netflix)

3. 《只有我不存在的城市》

呢部冬季新番係由漫畫改篇嘅作品,男主角由古川雄輝主演,係佢久違地出演男主角嘅作品!劇情講述漫畫家藤沼悟無意發現自己有「時間跳躍」的能力,為咗避開事故,佢就利用能力去改變未來,並逮捕18年前殺害母親嘅真兇!

新番都有! 網上收看日劇懶人包!

(圖片來源:Twitter@僕だけがいない街)

4. 《爆炎轉校生》

改篇自80年代嘅熱血漫畫,爆炎轉校生講述一位神秘嘅校長招募咗一班搞笑嘅轉校生,並指派佢地執行秘密任務。劇組重金聘請Johnny’s West演出,吸引好多少女fans追看!

新番都有! 網上收看日劇懶人包!

(圖片來源:NETFLIX)

5. 《愛在香港》

相信有留意LikeJapan嘅你地,都對《愛在香港》唔陌生啦!呢套日劇以香港為故事背景嘅,劇組去咗多個特色景點,拍出香港懷舊同現代兼備嘅面貌,仲加入唔少廣東話對白,引起關注!而主演有吉澤亮、馬場富美加、最上Moga、小池榮子等,陣容吸引!

劇集相關介紹

前文提要:[日本在香港]《戀愛香港》已播出!日本網民:睇完好想去香港!

新番都有! 網上收看日劇懶人包!

(圖片來源:Twitter@恋する香港)

其他作品:

Atelier 內衣白領風雲

HIBANA火花

深夜食堂:東京故事

戒士美食家

太空戰士XIV:光之老爹

吉米:執著傻瓜的喜劇之路

和風總本家

甘太郎:恨食甜點的打工仔

Good Morning Call愛情起床號