收妖猶如收後官，21世紀霸主候補：化物語

改編自西尾維新嘅奇幻輕小說『物語系列』第1作，『化物語』2009年7月3日正式於TOKYO MX首播。故事講述高中生阿良良木曆無意中發現咗一個入學兩年嚟同未有過任何交流嘅同班同學：戰場原黑儀一個關於體重嘅秘密XD。而戰場原為咗唔畀秘密傳揚開去，開始接近同威脅阿良良木，亦因受到其幫助而令人漸漸產生情素。

當然，其實阿良良木本身其實係隱藏住一個更大嘅秘密，而身邊同佢拉上關係嘅，就更加係咩怪物都有齊……

作品主題雖然係「解迷+收拾妖怪」，但內容對於呢部分著墨就好少，反而將重點放落角色互動同關於佢哋心態嘅轉變等，有時角色之間嘅對話同吐糟就更加係多到又時連故事都被粗暴中斷。總之西尾將所有自己喜歡嘅原素全部都放晒入作品當中，所以連佢自己都好自豪咁講作品係「以很難媒體化為目的而寫的小說」。

不過故事喺動畫化時交到SHAFT有名嘅「原作粉碎機」新房昭之手上，卻產生咗令人難以致信嘅化學作用。即使動畫推出嗰幾年算係近年大作最繁盛嗰幾年，不過唔單止風頭冇被蓋過，更加以超過10萬嘅光盤銷量，順利成為當時其中一套最受歡迎嘅作品，而該銷量連日後畀人用嚟抽水嘅「名作之壁Moppy線」都只係有佢3成左右。而直至今日，其系列嘅最新一套劇場版『傷物語〈III 冷血篇〉』，都仍然廣受歡迎，可謂經得起時間嘅考驗。