揖斐川町結緣聖地散步行程 戀愛橋+夫婦瀑布+華嚴寺

揖斐川町係岐阜縣入面一個町,係一個有好多歷史價值嘅寺廟,非常靚同埋狀大嘅大自然景色,仲有好有因土地的氣候優勢而成的美食嘅地方,今日就同大家一齊去揖斐川町睇下有咩靚景有咩食啦~! 揖斐川町戀之吊橋係相傳對岸嘅男女行完哩條橋之後能成為情人,而被叫為「戀之吊橋」,成為咗人氣一個結緣聖地。

揖斐川町係岐阜縣入面一個町,係一個有好多歷史價值嘅寺廟,非常靚同埋狀大嘅大自然景色,仲有好有因土地的氣候優勢而成的美食嘅地方,今日就同大家一齊去揖斐川町睇下有咩靚景有咩食啦~!

恋のつり橋

揖斐川町戀之吊橋係相傳對岸嘅男女行完哩條橋之後能成為情人,而被叫為「戀之吊橋」,成為咗人氣一個結緣聖地。

由橋行去對面嗰陣仲可以欣賞揖斐川嘅景色,天氣好嘅時候非常舒服。而且係初夏時期仲可以望綠油油的風景。行過去嗰陣條橋搖下搖下咁,怕高嘅人真心要小心阿(笑)

留意哩條橋因安全起見一次最多只可以行5個人㗎咋!

過完橋會有個戀之鐘,鐘下會有個會守護住大家的「結緣地藏」迎接大家嘅來臨。哩到仲有可以掛上心願繪馬嘅位置同埋影相嘅留念嘅地方,心願繪馬可以喺附近嘅久瀬特産品販賣所到買到,難得嚟到大家記得寫上自己心願先走阿~

恋のつり橋
地址:〒501-0702 岐阜県揖斐郡揖斐川町東津汲
久瀬特産品販売所
地址:揖斐郡揖斐川町東津汲849-1
營業時間:9:00〜16:00

 

夫婦滝

另外一個結緣熱點係揖斐川町內嘅夫婦瀑布。哩到嘅瀑布因為係是兩條緊緊偎依著的雙瀑布而被名為「夫婦瀑布」。河水非常清澈,可以感受到空氣中的大量的負離子,望住個景色感受一下大自然真係好舍意。日常的疲倦都會消失呢!想更加近距離睇夫婦瀑布可以經石路落去河邊睇,但落去嗰陣要一定要小心地滑阿!到咗夜晚仲會點燈,可以用另一種感覺欣賞夫婦瀑布,到秋天仲可以欣賞埋紅葉添!係一個可以欣賞到四季景色的好地方。

夫婦滝
地址:〒501-0706 
岐阜県揖斐郡揖斐川町西津汲

 

谷汲山華厳寺

有1200年以上歷史嘅谷汲山華嚴寺對許願、祈福好靈驗好有效果,一入到去已經見到左右都佈滿樹木嘅一條石路,一路會見到有心型嘅石燈籠好可愛~

行石級上去就可以見到佇立係度神聖的谷汲山本堂,大家可以係度參拜架。行入去可以見到本堂後面的一個小堂「笈摺堂」。由

關西2個府(京都府,大阪府)4個縣(和歌山・奈良・兵庫・滋賀)以及岐阜縣總共33個靈場作為札所而成的參拜巡禮「西國三十三所巡禮」,「笈摺堂」係完成呢個參拜巡禮的人寄存本朱印帳以及祈福紙鶴的地方。色彩繽紛嘅祈福紙鶴,非常之靚。再行入去會見到「滿願堂」仲會見到好得意熊狸添!哩到除咗可以一般嘅求簽紙之外,仲有小朋友同戀愛簽紙都有得求㗎~

而且華嚴寺春天係以櫻花,秋天以紅葉為人氣熱點,平日可以係幽靜之中一面感受自然一面輕鬆散下步之外,仲可以去到附近嘅谷汲山門前街嘅小店一邊行一邊食下野,買地道手信。哩間「ほたる茶屋」除咗可以坐低飲下嘢之外,店內仲有好可愛嘅手工飾物賣。

如果睇岩耳環想買但有嘢想改,可以叫店員即場幫你改(因數量而需時不同)。因為係店員人手一個一個整,所以全部都係獨一無二,記者都買咗幾個返去㗎~而谷汲山門前嘅小店大部份都會於星期六日先開門,所以想嚟邊睇邊買就要留意返日子,或者事先查詢定啦!

谷汲山華厳寺
地址:〒501 – 1311
岐阜県揖斐郡揖斐川町谷汲徳積23
參拜時間:08:00~17:00

更多詳程請參照官網:谷汲山華厳寺

 

両界山横蔵寺

除咗華嚴寺之外,揖斐川町仲有一個好出名嘅寺廟「両界山横藏寺」,横藏寺內有藏多個佛像,畫,書籍,亦都被名為「美濃之正倉院」。甚至有約200年前成佛的妙心法師的木乃伊。哩到亦都被選為飛驒・美濃嘅33個著名紅葉景點之一,每年11月嘅時候仲會點燈,可以睇到另一個感覺嘅紅葉風景~

両界山横蔵寺
地址:岐阜県揖斐郡揖斐川町谷汲神原1160
營業時間:10:00~16:00
年中無休(寶物殿於12/1~3/31和雨天休息)

 

谷汲温泉 満願の湯

行到攰可以去谷汲溫泉休息,谷汲溫泉有「美肌之湯」之稱浸完除咗可以令疲勞回復之外更可以令皮膚滑嫩。哩間「滿願之湯」係立花屋旅館經營嘅溫泉,有室內同露天,大人只要500日圓(連稅),12歲未滿嘅小朋友400日圓(連稅),3歲以下免費,就算唔入住立花屋旅館,只想浸溫泉的人都可以去浸㗎!

 

谷汲温泉 満願の湯
住所:〒501-1311 岐阜県揖斐郡揖斐川町谷汲徳積1684
營業時間:
4月~11月:10:00~20:00(關門時間 20:30)
12月~3月:10:00~19:00(關門時間 19:30)
逢星期五休息

更多詳程請參照官網:谷汲温泉 満願の湯

更多關於谷汲地區的詳情,可以參考谷汲観光協会 

 

シャルキュトリー・レストラン 里山きさら

另外美食方面,揖斐川町內哩間「シャルキュトリー・レストラン 里山きさら」係食野味的人氣店,除左鹿肉,野豬肉的野味之外,仲有火腿,香腸,肉醬,法式醬糜,義大利香腸,熟肉醬等等,每天都可以享用到當地食材,係當地人的熱門餐廳,餐廳宗旨係實行日本推行的「當地生產當地消費」,指要珍惜當地出產的食物,感謝大自然。餐廳由早餐就開始營業,主要有賣鹿肉,野豬肉嘅料理,有唔同嘅豐富套餐,蔬菜,野味好多都係揖斐郡揖斐川町谷汲出產。好似記者哩日食嘅シャルキュトリーフルコース (3000日圓不連稅),入面有例如鹿肉餅,鹿肉香腸,鹿肉肝等等。仲有哩個烤鹿肉,比起牛肉脂肪少,非常扎實,可以食到肉本身嘅美味,而且冇任何腥味,就算係第一次食野味嘅人都容易入口又好食㗎!其實野味同紅酒好夾,唔知香港有無機會食到呢。

シャルキュトリー・レストラン 里山きさら
地址:岐阜県揖斐郡揖斐川町谷汲長瀬1272-1
營業時間:
早餐:08:00~11:00
午餐:11:00~14:00
下午茶:14:00~17:00
晚餐:17:00~(要預約)
逢星期二休息
預約電話:0585-56-3105

更多詳程請參照官網:シャルキュトリー・レストラン 里山きさら

 

立花屋旅館

想食日本傳統料理推介可以去喺華嚴寺附近嘅立花屋旅館食會席料理,哩到有多種用季節食材嘅豐富套餐,可以食到揖斐川町嘅精緻土鄉美食。記者食嘅「春之櫻會席」內有田樂,天婦羅,刺身,飛驒牛等美味食材,因季節其他套餐仲會有天然嘅鮎魚、野豬肉添!要記得套餐全部都要先預約先有得食~(價錢因內容會有所變動)

 

立花屋旅館
〒501-1311 岐阜県揖斐郡揖斐川町谷汲徳積311
電話預約:0585-55-2121

更多詳程請參照官網:立花屋旅館

 

アイドル

自駕遊時有少少肚餓想食輕食嘅話可以去哩間叫「アイドル」嘅Cafe,店內充滿昭和復古日式Cafe嘅氣氛,哩到有例如咖啡,三文治,想食飽啲有蛋包飯,意粉等。想簡簡單單食一餐或者休下息嘅人可以選揀嚟哩到㗎~

アイドル 喫茶店
地址:岐阜県揖斐郡揖斐川町谷汲徳積1364-2
營業時間:7:00~18:00
逢星期二休息

睇完介紹有冇心郁郁即刻想去揖斐川町玩呢?想輕輕鬆鬆去玩非常簡單,因為由名古屋租車揸去揖斐川町其實只需要約1小時嘅距離,十分容易去,自駕遊一次過睇哂玩哂揖斐川町景點都好方便,記得租架車去揖斐川町玩啦~

 

詳細請看郡揖斐川町的觀光網頁