有無諗過醫院餐都可以好好食？早前有位外國孕婦喺日本醫院生仔，將食過嘅每一餐都影低，分享上個人blog。網民大讚野食好有質素，望落完全唔頹，仲話睇完好想飛去日本生仔！究竟日本醫院嘅膳食係咪咁正？日本人又點睇佢地嘅醫院餐？一齊睇落去啦！
呢位外國孕婦網名係Hahahah1111111，佢之前喺一間日本醫院生仔，將住院時食過嘅部分膳食影低，分享到imgur後引起網民嘅熱烈討論！原因好簡單，因為每一餐望落都好豐富，同大家印象中嘅醫院頹食完全唔同！
▲ 蛋包飯、通粉沙津、雞湯、炸魷魚圈、生果及綠茶
▲蘑菇煮雞、南瓜煮豬肉、白蘿白沙津、茶碗蒸、飯同味噌湯
▲產上最後一餐お祝い膳（祝賀膳食），前菜有芝士配提子乾、湯同沙津，主菜有烤牛肉、薯蓉、日本南瓜、同汁煮蓮藕，飯後仲有Tiramisu、生果、橙汁同綠茶，真係好似餐廳出品呀！
網民反應：睇完都想去日本生仔！
外國網民睇完，一致大讚日本醫院餐有質素，望落比普遍外國嘅醫院餐好食好多！
就連男性網民都話，呢啲醫院餐根本好高質，睇完好想衝去日本生仔！
呢位網民話自己喺日本住咗6年，發覺住平價酒店都好，早餐都好有質素。
一般醫院餐介紹
醫院餐一般嘅收費係¥640一餐，減咗日本國民保險之後就係¥240一餐。等我地去公立嘅近畿中央胸肺科中心睇下普通嘅醫院餐係點。
普通餐（A，B可自由選擇
早餐（飯，麵包可自由選擇）
好食東京醫院餐
不過好似一開頭介紹嘅膳食又點會咁平喎⋯一啲私立醫院就會有特別嘅menu，比多少少錢就可以食到更豪華嘅醫院餐。今次就同大家一齊睇下3間日本網民都讚好食嘅東京醫院餐。
1. 聖路加國際病院
普通餐同一般醫院比較多一個餸。
如果特別要求，可以比多啲錢轉食和食餐或者西式餐。
2. 清瀬之森總合病院
住喺呢個醫院嘅大部分都係啱啱生完小朋友嘅媽媽，所以補充營養就特別重要。
特別餐 – 慶祝BB順利出世
產後補充營養
3. 四谷medical cube
呢間醫院為咗健康，將一日三餐加埋嘅卡路里維持喺1600kcal入面。估唔到1600kcal竟然可以食咁多野！
About Post Author
