《北海道導遊》EP.5 任點各種高級刺身 和商市場勝手丼

位於北海道釧路嘅和商市場可以話係釧路居民嘅大廚房,佢同函館朝市、札幌嘅二條市場合稱北海道三大市場,好巴閉㗎!和商市場入面有大約60間舗頭,當中有賣新鮮海產、肉類同野菜等等,而其中和商市場最出名嘅,就係「勝手丼」啦!

和商市場

————————-

是甚麼勝手丼?

「勝手」喺日文入面指「任意」、「隨便」,勝手丼就即係大家可以隨便點自己鍾意嘅刺身放上個飯上面嘅丼飯啦~

勝手丼

————————-

怎樣買勝手丼?

步驟一:買飯

勝手丼

首先大家要去買個飯!!!唔好睇少買飯依個步驟啊,因為冇飯就冇碗,冇碗就點唔到刺身㗎啦w 飯嘅價格會隨住飯量多少而增減,大家可以揀100円、150円、200円、250円、300円嘅飯,加50円仲可以將普通白飯轉成醋飯(壽司飯)㖭!另外本身味噌湯盛惠150円,但係如果你已經買咗飯,就可以憑住個筷子套用100円去換味噌湯,咁你就唔洗拎住碗湯買刺身,仲有50円優惠㗎~

 

步驟二:買刺身

勝手丼

勝手丼

買好飯之後,大家就可以拎住碗飯去買刺身啦~只要見到間舖頭寫住「勝手丼」3個字就代表佢地有賣勝手丼嘅海鮮,每一樣海鮮都會寫明價錢同份量,大家只要指住心水海鮮,店員就會幫你將佢放入碗~依到有北海道最出名嘅蟹腳、三文魚籽、海膽,仲有牡丹蝦等等上級刺身,當日小編去到嗰陣,仲點咗樣平時好少見嘅「蟹肚」㖭!最後小編點咗十幾樣刺身,花咗大約3000幾円~雖然價錢唔算特別平,但係丼入面每樣刺身都一定係自己最想食嘅,而且仲要樣樣都非常新鮮美味,有機會再去的話都想再食多次啊!

————————-

和商市場

和商市場
地址:北海道釧路市黒金町13丁目25
營業時間:1月至3月:8:00~17:00
          星期日:休息
     4月至12月:星期一至六:8:00~18:00
           星期日:8:00~16:00