超方便!京都站 抹茶3選

去京都其中一個指定動作就係食抹茶料理啦~~~

其實唔洗左搵右搵,淨係京都站已經有好多選擇!一齊睇吓以下3間京都站抹茶精選啦~

 

相信大家對喺香港都有嘅名店「中村藤吉」並不陌生~

依到有一款好食又好玩嘅「宇治金時餡蜜」( 901yen),大家首先要將抹茶醬加入碗宇治金時水果到,再將自已鐘意嘅配料放入威化餅皮「最中餅」入面,最後再合埋個蓋就大功告成!「最中餅」本身味淡,加埋偏甜嘅餡料一齊食就啱啱好~另外由於食嗰陣好易搞到啲汁飛晒出嚟,所以小編就建議大家落多啲水果,落少啲汁同雪糕啦w

 

中村藤吉仲有個人氣之選「丸十芭菲」(1001yen),入面有一層層抹茶雪糕、水果、紅豆蓉同啫喱,一次就過食到多重滋味^^

中村藤吉京都駅店

烏丸通塩小路下ル東塩小路町 スバコ・ジェイアール京都伊勢丹3F

 

一睇依個抹茶卡邦尼意粉(1100yen),就知道位於京都駅大樓10樓嘅「茶筅」創意十足!

依個抹茶意粉嘅麵質似素麵,抹茶味唔算太濃,視覺衝擊大過味覺衝擊w

 

大部分人嚟茶筅都係為咗依個京之抹茶pizza(780yen)~個批底幾厚身,外脆內軟~夾埋抹茶雪糕食,外冷內熱咁,有驚喜!

茶筅

京都府京都市下京区烏丸通塩小路下ル東塩小路町901 京都駅ビル 10F 京都拉麺小路

 

「茶寮都路里」喺京都站都幾出名,依個抹茶烏冬幼身得嚟好幼滑彈牙,正!

 

都路里芭菲比同類芭菲貴少少,不過就勝在有好足料,有慕絲、蛋糕、栗子、啫喱等等~小編本身唔係太鍾意食雪糕,由啱依個芭菲用抹茶慕絲取代雪糕,啱晒我~

茶寮都路里

京都府京都市下京区 烏丸通塩小路下ル東塩小路町 ジェイアール京都伊勢丹6F