vr
30
Apr 16
00:45
博客

香港 VR 遊戲體驗

JetOne Motion 地扯:L6, APM, No. 418 Kwun Tong Road, Kwun Tong, Kowloon 價錢:60元/15分鐘   Jetone 喺香港就有四間分店。而觀塘呢間其實真係一個體驗館,超細,得三個遊戲可以玩。 但係我今次玩呢個 VRchair 就只有觀塘有,所以今次就嚟咗觀塘試吓呢個 VRchair   除咗玩,仲有得買 VR裝置,比電話用嘅   有冒險、遊戲同短片三類   手制,得兩個制,可以前後左右移動   冒險類,有十種,我揀咗最多人玩嘅 Rift Coaster   遊戲同短片就放埋一齊,只有七種,我揀咗 the Great Escape   張椅識得前後左右郁,好似以前海洋公園個動感影園咁
17
Mar 16
18:19
新聞

PlayStation VR 2016年10月正式開賣!

PlayStation4專用虛擬現實裝置PlayStationVR將會喺2016年10月於日本、北美、歐洲同亞洲地區發售,建議售價分別為44,980日圓、399美元、399歐元與349英鎊*1,亞洲地區發售詳情將於稍後公布。   直至2016年3月16日,已經有230家以上表示加入PS VR專用遊戲軟體嘅開發行列。各遊戲開發商、發行商以及SCE環球工作室(SCE WWS)開發緊嘅遊戲總計有160款以上,超過50款遊戲預計將於2016年年末推出。   小編就表示好想用佢嚟玩Biohazard,一定緊張到爆燈          以下為官方資料:   PlayStation®VR規格 型號 CUH-ZVR1series 發售月份 2016年10月
18
Nov 16
18:44
博客

高達VR再襲台場?

高達VR再襲台場? 之前高達VR巳經喺Diver City Tokyo個VR ZONE出現過一次 今次就完全同VR Zone無関係... 係Gundam Front Tokyo自己搞。 「機動戦士ガンダムVR作戦」係屬於TOKYO Gundam Project入面其中之一環嘅VR體驗 開放日子:2016年11月22日至2017年3月尾 開放時間:1000至1830(如果太多人會早收) 收費:500円(入場費另付)只能在當日喺現場體驗買飛 利用制限:13歳以下、飲左酒、易暈車船浪、有咗BB或身體状態欠佳都唔俾玩   由於有片段係喺高空,所以有懼高症不建議試玩 要留意就係如果職員認為你已陷入恐慌状態,出現呼吸加速、手足無措、無法對週遭事物做正常反應等等嘅懼高症發作病徵 職員有權立即中止你嘅VR體驗!
29
Mar 16
21:29
新聞

VR真.體驗!台場限定「VR ZONE Project i Can」!

想試玩VR?機會嚟啦!台場Diver City由2016年4月15日開始到10月中會舉行一個「VR ZONE Project i Can」嘅活動,你可以付費去親身感受下唔同嘅VR遊戲!     即刻睇下有咩玩先。   1.極限度胸試し『高所恐怖SHOW』     高空膽量挑機,畏高嘅我實嚇到腳都軟埋呀!   收費:1,000円 (約7分鐘)   2.急滑降体感機『スキーロデオ』     未滑過雪嘅你,就係呢度練習下先啦!   收費:700 円 (約6分鐘)   3.スポーツ走行体験マシン『リアルドライブ』     高像真賽車體驗,飄移無難度!   收費:700 円 (約14分鐘)   4.ホラー実体験室『脱出病棟Ω(オメガ)』  
08
Jul 16
22:51
博客

【18禁】親身直擊日本首屆成人 VR 展!

  喺 6月12日 アダルトVR就喺秋葉原搞咗第一屆嘅成人 vr 展,咁我咁啱係東京喎。為咗各位男士嘅福利就決定去觀摩吓~ 但係最後搞到成個秋葉原人山人海,無呃你!因為個場太細個展最後要中止埋添! 睇嚟 VR 除咗係遊戲界嘅未來之外,成人 VR 都有好大市場。 咁日本身為 AV 界龍頭,成人 VR 緊係要即刻發展啦!   アダルトVRフェスタ01 日期:12/6 時間:2:00pm-6:00pm 地點:東京都千代田区外神田3-13-8 東京角田ビル4階 費用:3,000円(約212港元)   第一個玩係呢個,呢個就同而家市面上嘅 VR 差唔多,不過就有埋個手制。 但係我試玩,個手制又無用架喎   呢個就有個鏡頭感應你隻手嘅動作,可以將個女仔係 VR 世界入面推倒   片入面,我所講對應嘅飛機杯就係呢個喇,仲有比男士用嘅奶罩,用嚟剌激你個乳頭 聽講會同片同步,不過就無得試呢個 lu   用嘅時候個畫面就係咁… 如果呀媽突然開門… 我都想像唔到會點?
22
May 16
22:22
博客

【真體驗】台場限定「VR ZONE Project i Can」試玩報告

想起早前Playstation正式開賣VR嘅時候,簡直感到無比興奮。心諗:仲唔係開始「煲機」嘅日子。可惜身為窮家女實在消費不起,但又想玩VR可以點?   唔駛怕,因為自推出VR以來,已經有好多商場引入VR嘅遊戲活動。港人旅遊熱點台場「Diver City」最近就舉辦咗一個期間限定嘅VR活動:「VR ZONE Project i Can」。係4月15至10月中,場內總共有六款唔同種類嘅遊戲供大家選擇。今次就同大家揀咗三款最具人氣嘅遊戲試玩,到底有幾好玩?     呢個VR活動採取完全預約制度,每日分7個時段(詳細預約方法會係文未介紹)   一入場,首先要買張點數卡(300円)。點數機只可以投入100円,如果唔夠,旁邊就有換幣機可以使用。     買完咭就可以去充值。首先要輸入自己出生年月日同埋個人密碼,之後就可以進行充值。注意充值金額為100円或1000円。每個遊戲所需金額都唔同,所以可以揀定想玩嘅遊戲再進行增值。(詳細增值方法可以參考影片)   而當你每玩一個遊戲嘅時侯,職員就會指示你「拍咭」扣除遊戲所需嘅點數。消費方式係咪好簡單易明哩?  
18
Aug 16
19:00
新聞

唔揸槍玩隱藏?好驚啊!《Biohazard 7》最新驚嚇預告片

出年1月26號發售嘅「Biohazard 7」繼推出試玩版後,噚日就公開埋最新預告片。     今次嘅預告片入面主要係躲藏元素為主,雖然恐怖氣息好濃厚,但身為BIO迷,睇過上次試玩同今次嘅預告片之後…依然覺得佢似「Silent Hill」加「Outlast」嘅混合體。希望到時成品出嚟之後會多番陣BIO嘅氣息…同埋會有返過往主角嘅出現…   竟然入咗間爛屋…     「睇你匿得去邊…」     「唔好過嚟呀…」     「仲捉唔到你!」     最新預告片:  
12
Dec 16
19:43
博客

【步入刺激緊張嘅「虛擬世界」 】 澀谷70分鐘VR任玩放題!

VR遊戲流行咗咁耐,你唔係未玩過啊嘛?!   唔緊要,大好嘅機會嚟啦!因為位於澀谷Adores 嘅4樓已經全面改裝成「VR PARK TOKYO」,入面會開放5個遊戲,仲話之後新Game會陸續有嚟,最正係呢度唔使逐個Game收費,入場畀¥3,300就可以玩足70分鐘,兩個人去仲有得再平啲添!呢度12月16號就會正式開幕,仲唔快啲Bookmark定到時衝入去玩!   玩VR又點少得劇院式玩法!未玩過VR GAME可以先玩吓呢個,坐定定唔使點郁就可以有前所未有嘅嶄新體驗!不過肉體上嘅輕鬆唔代表心靈同精神上嘅輕鬆,遊戲嘅故事劇情極度緊張同恐怖,小心踏入咗虛擬世界隨時行唔返出嚟......!   雖然旁人睇你玩呢個Game好似傻子一樣揸住支棍係咁Fing,但實情你係做緊偉大又神聖嘅任務,坐住飛毯穿梭天際之間打怪獸,企喺度玩好考平衡感㗎!   場內大部分遊戲都可以2個人一齊玩,好似呢個「GHOST ATTACKERS VR」咁,就可以同朋友齊齊化身驅鬼專家,對住啲鬼不停大開殺界,好過癮。   講到日本運動,一定唔少得棒球,所以喺場入面都可以玩到
26
Apr 16
23:09
新聞

池袋新玩點!Sky Circus重新開幕!

位於池袋Sunshine City入面嘅「Sky Circus Sunshine 60展望台」喺4月21日就重新開幕啦!     全新開幕嘅展望台總共分7個區域,仲加左近期好Hit嘅VR元素     第一個就係「TOKYO彈丸飛行」,模擬於東京市內滑翔飛行     第二個就係「SKY彈簧床」,俾你感受下飄浮體驗     另外仲有多個特色展區,例如萬花筒,剪紙藝術展同埋Sky Party等等,可以瘋狂留影  
08
Jun 16
01:28
博客

【重新開幕】池袋「Sky Circus」・遊玩觀景無難度

話說上次玩完台場嘅VR發覺意猶未盡,知道池袋都有得玩VR,梗係即刻去試下啦!     經過一年翻新重新開幕嘅Sunshine City展望台「Sky Circus」除咗可以俾大家係離地251米嘅地方欣賞東京全景之外,佢仲加入咗好多唔同嘅玩樂元素。   佢總共分咗7個區域,每個區域都各具特色,其中最搶眼嘅就係近期大熱嘅VR裝置啦!即刻同大家介紹下。       1)Sky Circus Tent   一入場嘅時侯,職員會帶領你去到一個小劇院嘅地方,企係度欣賞一段4D動畫。係短時間之內感受天晴到落雨再到暴風雨嘅變化。不過由於呢度唔可以拍照,所以大家到時可以親身體驗下啦!       2)天空251   一離開劇院就會見到呢個充滿「波波雲」嘅地方。     其實你已經正式進入展望台嘅範圍,有好多唔同嘅觀景位