sweet
07
Apr 16
00:24
新聞

【櫻花期限定】Krispy Kreme覆盆莓雪糕甜甜圈

又到四月啦,呢個春季嘅時間通常日本都會出d特色口味嘅甜品。 而今次,創立於 1937 年嘅甜甜圈連鎖店 Krispy Kreme,就喺日本 官網再次推出咗季節限定甜品《Kool Krispy Sandwich》,結合咗 經典嘅糖霜口味再加埋雪糕,絕對係賞櫻花之際,夾到震嘅必買甜品啦!     以 Original Glazed 原味糖霜甜甜圈作為主要嘅食材, 將佢切開一半,再加入雲呢拿同覆盆莓兩種唔同口味嘅雪糕, 最後灑上冷凍莓果,好似夾心三文治咁,諗起都覺得冰冰涼涼好好食!       《Kool Krispy Sandwich》將於 4 月 13 日起, 喺全日本嘅 Krispy Kreme 店內同步發售, 到時一定吸引好多鍾意甜食嘅人去試! 如果你咁岩都係黎緊去日本,萬勿錯過啦!   ========== Krispy Kreme 販賣日期:2016年4月13日開始 販賣價格:420円  
22
Mar 16
02:19
博客

香港海外第一家-Calbee Plus卡樂B試食!超詳盡報告!

今日終於去咗 Calbee Plus 試食Okashi Calbee 薯片!勁興奮啊! 不過今日係傳媒開放日,所以真係好多人。 一入到去已經見到「廚房」,可以睇到佢地點樣炮製新鮮嘅薯片。 只要兩個step就可以嘆到薯片,第一步就係揀薯片嘅「形狀」,第二步就係揀「口味」 之後就可以嘆薯片喇~   俾個價目表大家睇下先   我就揀左朱古力薯片同芝士薯片!好吸引啊!講返少少食後感: 朱古力薯片強烈推介,估唔到朱古力醬同薯片原來咁match,食一啖薯片再加一啖雪糕,真係好幸福啊! 反而芝士薯片就爭啲,唔知係咪擺得耐所以淋淋地,同埋芝士醬酸咗啲, 所以如果第一次去又唔知揀咩口味,我會推介朱古力薯片加雪糕!得香港先有㗎!
17
Mar 16
01:41
博客

【抹茶控大發現】尖沙咀都有全世界最濃郁既抹茶雪糕?!

  Hello!! 我係Xindy啊!第一次寫blog,本身仲諗緊介紹d咩好~ 但聽寶欣講東京有「全世界最濃郁嘅抹茶雪糕」,so sad 香港就冇啦!但就發現左尖沙咀the one嘅A FUN STORE有三種唔同濃度嘅抹茶雪糕,一於去試下佢!佢仲有「一個人蛋糕」㗎,咁我一個人吖嘛!咪食一個人蛋糕囉~~~   雪糕嘅價錢就: $28 單球 $45 雙球   問咗staff,如果你買咗蛋糕/crepe/吐司 任何一樣,就可以優惠價每一球雪糕$15 。咁即係如果買咗「一個人蛋糕」,再食三球雪糕,即刻加多$45 就得嘞!     店入面有好多攪鬼字眼,幾得意㗎!