sunshine
11
Aug 16
18:15
新聞

池袋Sunshine City「Gunpla Expo」今日開展

由今日起至14日喺池袋Sunshine City將會舉行「Gunpla Expo」,主題係「ガンダムビルドファイターズの世界に入り込め!」。     除咗免費入場之外,為配合8月21日GBF新作《ガンダムビルドファイターズトライ アイランド・ウォーズ》播映,佢地仲設有VR提供俾大家體驗一下GBF世界。     最後當然唔少得模型出售,有部分仲係會場限定款添。       【ガンプラEXPOエキスポ ワールドツアージャパン 2016 SUMMERサマー】 地址:池袋・Sunshine City文化会館3F 展示ホールC(東京都豊島区東池袋3-1-4) 期間:2016年 8月 11日(木祝) 〜 14日(日) 時間:11日 〜 13日:9:30~19:30、14日:9:30~17:00 ※最終入場時間為每日閉館前30分鐘。 官網:http://bandai-hobby.net/expo2016summer/summer.html
05
Mar 16
20:40
博客

膽量挑機7之池袋猛鬼酒店

又到左星期六晚既膽量挑機時間~   前幾晚同架仔朋友Y君傾計,當佢知道我住池袋時,就同我講左個關於池袋既鬼故…… Y君話幾乎所有日本人都知果到好猛鬼,而佢自己都唔敢夜晚經過。 我問點解,Y君話因為好易撞鬼,有唔少朋友夜晚經過果到,之後見到鬼。 唔知點解聽完,我係勁興奮,仲問Y君一唔一齊去,哈哈 Y君係咁講「無理!無理!」,仲話打死都唔去喎XDDD   究竟係邊到呢?就係池袋太陽城王子酒店!     唔知有無朋友住過呢間酒店呢?定係你而家住緊?哈哈哈   Y君話無日本人會住呢間酒店,因為出哂名猛鬼,只有唔知既外國人先入去住。 我問點解咁猛鬼,之前發生過咩事?係咪殺人事件? Y君話係好耐之前,池袋太陽城王子酒店既位置係二次大戰時期,甲級戰犯既「巢鴨刑務所」!     日文得半桶水既我唔太明Y君up咩,之後Y君做左個割頸既動作,嚇到我即刻摸實自己條頸=0=   係東池袋中央公園,就有個紀念石碑,希望死去既人得到安息~     其實同香港果d「喃嘸阿彌陀佛」石碑差唔多作用吧!?  
13
Jan 17
02:52
新聞

【「肌肉男X觀景台」係乜東東!?】 係要睇景定睇人?ヘ('∀`ヘ)

最近有冇覺得好DRY?如果你有一顆寂寞的心,唔好收收埋埋啦,Mark定期喺2月3日到14日去SKY CIRCUS SUNSHINE 60展望台啦,包你有意外驚喜!     喺呢幾日,展望台將會有情人節期間限定特備節目「天空的朱肌力in SKY CIRCUS SUNSHINE 60展望台~小麥色的甘甜世界~」,可以喺展望台同時欣賞「景觀美」同肌肉男嘅「肉體美」,係咪好難得呢!(笑)     唔好以為個活動好唔正經,嚟到呢度唔係淨係「睇」,仲有野買同有野食,好似勁啱用嚟送畀同你一樣低level嘅朋友嘅肌肉男朱古力「マッチョコ」(我地姑且先稱佢做朱肌力),分咗「義理朱肌力(含5g蛋白)」、「上司義理朱肌力(含10g蛋白)」、「本命朱肌力(含25g蛋白)」三種,買嚟做手信一流啊!     喺活動期間,星期六同日更加會有肌肉男侍應喺展望台Cafe「Cafe Quu Quu Quu」駐場為你送上熱辣辣美食,大部份都係低脂高蛋白料理,喺落單嗰陣侍應會畀個握力計你,如果你嘅手握力超過60KG,料理就可以有9折優惠,所以出盡全力揸落去就啱㗎啦!(留意返,肌肉男侍應眼看手勿動!)  
08
Jun 16
01:28
博客

【重新開幕】池袋「Sky Circus」・遊玩觀景無難度

話說上次玩完台場嘅VR發覺意猶未盡,知道池袋都有得玩VR,梗係即刻去試下啦!     經過一年翻新重新開幕嘅Sunshine City展望台「Sky Circus」除咗可以俾大家係離地251米嘅地方欣賞東京全景之外,佢仲加入咗好多唔同嘅玩樂元素。   佢總共分咗7個區域,每個區域都各具特色,其中最搶眼嘅就係近期大熱嘅VR裝置啦!即刻同大家介紹下。       1)Sky Circus Tent   一入場嘅時侯,職員會帶領你去到一個小劇院嘅地方,企係度欣賞一段4D動畫。係短時間之內感受天晴到落雨再到暴風雨嘅變化。不過由於呢度唔可以拍照,所以大家到時可以親身體驗下啦!       2)天空251   一離開劇院就會見到呢個充滿「波波雲」嘅地方。     其實你已經正式進入展望台嘅範圍,有好多唔同嘅觀景位
28
May 16
19:06
博客

【期間限定】池袋Sunshine City「沖繩物產展」

歡樂嘅時光過得特別快,又係時侯講byebye。差唔多嚟咗日本一個月,極速增肥嘅我仲未走得住,點解?因為池袋Sunshine City邀請我地嚟呢個期間限定嘅「沖繩物產展」。     講起沖繩,你可能會諗起苦瓜、啤酒、海葡萄、或者一個一個性感嘅比堅尼女郎。但沖繩嘅特產又點止咁少,即刻帶大家睇下現場先。     今次嘅「沖繩物產展」位於池袋Sunshine City4樓嘅展場入面,一入到去,規模比想像中大。現場有超過四十多個店家參展。 除咗食物之外,仲有唔同類型嘅產品好似飾物,甚至護膚品都有。     護膚品有沖繩代表海藻深層清潔面膜同埋月桃葉精華。海藻面膜經姐姐介紹話可以清潔毛孔加強保濕,細細一盒大約可以用兩至三次。  
07
Mar 16
20:13
博客

池袋猛鬼酒店賽後報告!外加少年Jump樂園分享!

早兩日見到 新東方不敗 親身遊歷池袋猛鬼酒店(詳情可以睇 呢度 同 呢度 ),仲講到前身係甲級戰犯既「巢鴨刑務所」,而酒店就起到好似一個墓碑壓住啲鬼...   睇完真係當堂嚇一跳,呢間王子酒店我住過,我真係住過! 原來小編上年去東京就係住緊佢講緊嘅呢間「猛鬼酒店」,咁我回憶返上年嘅賽後報告俾大家啦。   新東方不敗就話如果住14樓以下會影啲撞鬼,小編上年就住10樓... (張相上網搵的,當於當時冇影相,但個格局係一樣) 首先講下間房先,房size就細細地,放埋喼就冇咩位行,不過一般應有嘅設施都有齊,係殘咗啲囉! 不過最大問題係個冷氣,唔知點解扭到最大都係好熱,搞到成間房好焗促下...   咁講返重點,有冇
19
Mar 16
01:23
博客

[不敗日記]為咗食雪糕可以去到幾盡!?就係撞鬼都唔怕!

上次去池袋猛鬼酒店影張到此一遊,有無人記得?     俾人話我無膽入去酒店入面!(怒) 搞搞震無幫襯~我唔入去住~唔食野~咁入去拍片嘈住哂咩? 唔可以咁做架~會留下壞印象俾日本人架~唔得架~   由於上次第一次拍片,低B仔拍片無聲,琴日我就拍多次喇~ 睇咗好多網友留言俾我,分享佢地d撞鬼經歷~     嘛…為咗食雪糕可以去到幾盡!? 就係猛鬼呀~撞鬼都唔怕!問你死未?哈哈~ 反正,可能d鬼見到我食雪糕個樣,俾我嚇到走夾唔頭XDDD   大家係咪有睇開我寫嘅[不敗日記]架? 之前咪同大家講果個好似周國賢嘅男仔既~ 其實~我都有問佢出唔出黎一齊去食雪糕架~~ 不過呢~佢話有野做~行唔開~唉~~ 唯有我自己一個去食啦~   呢個GODIVA 90周年限定雪糕,係加上d脆脆同埋唔知咩嘅梅醬~     有原味~   朱古力味~