makeup
07
Oct 16
02:10
博客

美戰迷準備跌錢!《美少女戰士》新品預告

老老豆豆,咁多動漫入面,我估《美少女戰士》嘅忠粉係最窮嘅。因為crossover產品實在多到買唔晒,而且出極都仲有,真係唔榨乾我地都唔罷休...而家就同大家預告一下未來3個月會出嘅產品,等大家可以儲定彈藥!先講講最近已經上架嘅オトナ女子美日 x ITS'DEMO合作推出嘅限定戰士色眼影,5種色tone包括月亮、水星、火星、金星同木星(2,500円)。復刻玩具都還可以忍手唔買,但化妝品.....咁實用,無道理唔買!     值得購入係因為,顏色「好易入口」,並不是什麼騎呢色,而係平日出街番工都可以用到嘅顏色。阿兔嘅粉紅色調主要行溫柔路線、水野亞美賣藍調知性美、火野麗繼續熱情如火,木野真琴玩有性格,愛野美奈子嘅金星tone一樣無得輸。個人最鍾意火野麗嘅酒紅配色,可以化番個時下好hit嘅桃花妝。第二就係金星了,最basic的earth tone,當然亦最實用。     另外,就連包裝都有兩個款可以揀,分別係ITS’DEMO x オトナ女子美日同埋店內賣嘅限定款包裝。不過個人覺得印番唔同主角上去會比較貼題。      
04
Jan 17
00:05
博客

【以後去旅行冇佢唔得!?】 「最新自拍神器」試玩報告!

去旅行玩又點少得自拍!不過揸機嗰個永遠都好慘,因為最近鏡頭,塊面永遠都係最大,而姊妹群就永遠縮到無雷公咁遠,務求唔使用美圖秀秀都有細粒面效果(一係就大家個頭已經遮哂個景......),所以每次自拍,小編都喺度諗,如果有部廣角啲、最好就有埋美顏功能嘅超易用相機咁就好啦!   原來諗吓諗吓就會成真!就喺小編出發去關西做採訪之前,突然收到公司通知話Casio會Sponsor我地最新「分體自拍相機」,開心到飛上天!部相機個名好似好勁,心急到即刻上網做吓Reseach睇吓呢部機咩來頭先!     咦!?個樣好特別喎!一睇EX-FR100個Design就知專為自拍而設,仲有美顏模式,就算素顏都拍出嫩白膚色,更加可以同時做到長腿、瘦面效果,最正就係鏡頭同機身可以拆開,想影任何奇怪角度一啲難度都冇!   唔講咁多,即刻同大家睇吓部機好唔好用啦!     部機都幾細部,帶喺身都唔係好阻地方,所以我決定隨時帶住喺身,試吓影多啲唔同種類嘅相測試吓部機嘅實力!(唔好問我有冇開箱文!由於過度興奮,盒相機一到手喺唔記得影相嘅情況下已經俾我急不及待咁拆開哂......I'm SORRY~)   靜物: