k
15
Apr 16
00:37
新聞

K房大變身!JOYSOUND新推「ROOM K」服務

卡拉OK係日本人發明,日本人都引以為傲,日本真係通街都係K房,有時短短幾百米有成三間連鎖卡拉OK舖。但事實上唱K雖然未至於式微,但生意額都不斷下跌。   要挽救生意,係要搞搞新意思。其中一間連鎖卡拉OK店 JOYSOUND早幾年已經推出一人K房,地方細細開到幾十間K房,啱晒鍾意唱歌又唔敢喺人前唱歌嘅朋友們,   而JOYSOUND今年2月又有新搞作,推出「ROOM K」服務。ROOM K即係喺日頭將K房改變用途,變做會議室。因為K房有梳化坐,有插座,有免費WIFI,有電腦,仲有野飲,部份K房仲有DVD同Blu-ray PLAYER,啱晒一眾地產、保險、股票經紀,又或者無OFFICE嘅自僱人士見客。而且日頭無乜人,閂埋房門私隱度高,加上K房已經有基本隔音,傾機密野都唔錯。   「ROOM K」服務只限平日,早上11點至下午6點,最少2人,最多13人。每次30分鐘起跳,費用就間間舖都唔同,但最低可以1人30分鐘只需96円(未含稅),好過喺CAFE叫野飲。   暫時只有東京都內30間JOYSOUND旗下K房有提供「ROOM K」服務,包括品川、銀座、涉谷、池袋等地。 想預約要點做: Step 1:去「ROOM K」網頁註冊做會員 Step 2:根據日期、時間、人數、設備預約適合嘅空房,最長可以預約3個月後 Step 3:當日去到舖頭同店員講預約咗「ROOM K」 Step 4:退房時俾錢
27
May 16
18:58
博客

【動畫迷福音】於卡啦OK點唱也不會被認為宅的動畫歌曲

身為動畫愛好者既你,同朋友去卡啦OK唱歌時有無試過心思思想點唱動畫主題曲,但又驚引黎身邊友人奇異既目光?最近有位日本人以自身經驗整理了一堆「不會暴露自己為動畫宅的歌曲」,大家又認同嗎?(喂,真宅會去卡啦OK嗎?   少年向作品的主題曲   該文章作者認為這類主題曲大多由出名的樂隊主唱,而且節奏明快不容易冷埸,自然能夠輕鬆的糊混過關啦!加上聽過的人也自然有好多,所以點唱隨時會炒熱氣氛,令大家產生「這首我有聽過啊!」的共鳴   《鋼之錬金術師》 作品本身人氣十足當然不在話下,當中動畫主題曲更是由L'Arc〜en〜Ciel、ASIAN KUNG-FU GENERATION等著名樂隊所演奏,而且不少歌曲的副歌也有對唱的部分,不暴露身份之餘還可以炒熱氣氛!   ポルノグラフィティ「メリッサ」   在香港也能點,但唱的是「若被傷害夠…」www   L'Arc〜en〜Ciel「READY STEADY GO」     《鋼之錬金術師》的主題曲幾乎每首都是神曲,而且名氣什高,沒有不點的理由吧,但令筆者最為錯愕的是他竟然沒有以yui的again作例子,這首基本是紅得不
12
Jun 16
22:02
博客

【劇毒注意】一人卡啦OK的恥力大挑戰

大家有無聽過「ヒトカラ」呢?其實就係「一人カラオケ」(一人卡啦OK)咁解,係帶大家正式入K房前,等我地聽下日本人點睇「ヒトカラ」?   【日本街訪】聽說日本人流行一個人去包廂唱卡拉OK ?   原來時下日本年青人似乎都唔太會去唱一人K,覺得會有一定勇氣先會咁做,又或者咁樣做係一件好悲傷既事…   不過筆者出污泥而不染,同呢班可惡既現充唔同,依然決定鼓起勇氣繼續自己一人之旅!既然有一隻字專係形容呢類活動,相信筆者就算一個人去到都唔會比人當專極大毒瘤掛?   雖然日本確實係有專for一個人唱既k房,但係由於今次唱一人k係筆者既「第一次」,加上地點比較方便,所以最後都係選擇深入現充們既虎穴,走到呢間ジャンカラ 心斎橋店獻上自己既初體驗   上到去店員隨即會好好笑容咁歡迎你,望望佢個樣,睇黎都無咩特別既反應(咁都正常既!雖然片中講到一般人唔會自己走去唱k,但其實年中應該都有唔少人得閒無事自己走上去消耗下,而係我租房既時侯已經分別有幾個人獨自租房/退房)   如果讀者們唔識講日文都唔緊要,因為上到去手指指去你想唱幾耐,同埋填返張表寫返啲基本資料(名、電話等等)就可以…價錢方面,晏就去