gym
15
Jul 16
19:16
博客

俾15萬去拉筋?日本做GYM初體驗!

話說近日香港加X健身突然執笠,引來唔少苦主追討會費,小弟喺日本生活咗一段日子,又想試下比人拉下筋做下運動,所以join咗屋企(池袋)附近一間健身室,今次就介紹下比大家知,順便測試下會唔會有教練幫我拉筋   我就去咗呢間健身室:Anytime Fitness,話明Anytime,賣點就係24小時都可以去做gym! 有時夜闌人靜想去舉下鐵,24小時真係好方便!我都係因為呢個賣點先join! 收費計劃 咁講講收費先啦,間健身室得一個plan,就係月費:8424Yen已連稅 (即係港幣$630蚊左右)。入會手續好簡單,只要拎埋passport上去,填返啲基本資料就可以。第一次入會就交2個月會費, 另外仲有條電子key盛惠5140yen(入門口用)。 如果租埋locker就每個月1080yen,其實加加埋埋個價比我喺香港玩嘅係貴啲,不過近屋企又24小時可以玩呢個賣點吸引咗我,所以決定join嚟玩下。   環境及健身器材 老實講環境就唔算好豪華,但一般應該有嘅跑步機、健身器材、健身球同啞鈴等等都好齊全。 我自己就鍾意深夜或返工前去做,唔會好多人,一般都唔駛等機做,反而收工時間就會多啲。
20
Jan 16
01:10
博客

前日本Johnny's Jr.人氣急升!

當人人都 J 緊<<無心法師>>個男主角時,真係「舒咪媽腥」,我就心心眼緊另一個男角喇! 喇!唔係嘈到拆天嘅顧大人呀!而係佢!   白琉璃!其實佢叫MIKE,本名係Pirat Nitipaisalkul。咦?咩文黎架?係泰文黎架! 無錯呀!MIKE出身於泰國,同哥哥GOLF曾經以組合形式成為日本Johnny's事務所旗下嘅Jr.! 紅遍當地、日本、馬來西亞同中國。 MIKE同GOLF曾經飛到日本,同山下智久組成限定組合GYM,為日本女子排球隊唱應援歌打氣!風頭一時無兩!  佢地仲出埋CD <<FEVER & FUTURE>> ,當年呢首歌,幾乎係所有J家飯( Johnny's事務所粉絲) 一定識跳嘅歌。 我都曾經同成班朋友係BBQ時,用手機播歌,拎住燒烤叉都要照跳隻舞。 隻舞點跳?睇PV學啦!個PV好爆笑架,記得睇個時唔好飲水呀!   後黎,MIKE同GOLF都係日本出咗隻CD 『ニッポン アイニイクヨ』(Nippon Ainiikuyo) 同大碟『凛 -Rin-』。   為咗唱日文歌,MIKE佢苦練日文,真係好敬業樂業。 其實係早年,佢地兩兄弟都有