akira
25
Jan 16
23:01
博客

日本超人氣「型男」 AKIRA!

上次就介紹左偽娘俾大家,今次就介紹下日本既「型男」俾大家啦! 就係雜誌<<KERA>>既御用Model,AKIRA!係眾多女扮男裝既藝人當中既男神! 佢係視覺系搖滾樂隊DISACODE既主音,同時亦有演出舞台劇,認真多才多藝。 做得<<KERA>>既御用Model當然顏值有返咁上下啦!唔信!?有圖有真相! 打扮以視覺系為主,黑、白、紅色,以及格仔。 見到呢張相,好有衝動拉開AKIRA隻手,強吻佢!!! 真係就快俾AKIRA電死!點解可以型仔成咁架!? 最近,AKIRA去左泰國曼谷,為一個COSPLAY活動當表演嘉賓。 真係估唔到AKIRA係泰國都超有人氣,大受歡迎! 雖然平時見佢咁有型有款啦,但係,佢都有女性化既時侯架。
16
Jan 16
01:12
博客

JUMP又有新書?《マンガ講座 ジャンプ流!》

《少年JUMP》嘅大名就係人聽得多啦,喺入面連載過嘅漫畫更加係陪住唔少人大,作品名唔駛我講大家都噏得出。 咁啱今年集英社就新鮮推出《マンガ講座 ジャンプ流!》,創刊號就由《龍珠》嘅鳥山明老師打頭陣,漫畫講座?封面仲寫住「秘傳GUIDE」、「創作的奧義」,好似好犀利咁喎! 呢本野名副就真係一本簡易版漫畫講座,係俾想做漫畫家嘅朋友嘅參考書。而當然即使你只係FANS都有呢本書都有佢嘅出藏價值。 《マンガ講座 ジャンプ流!》總共有一本書,仲附送一張DVD 而相信成SET野最值錢就係就係呢3張紙: 彩色插圖複製原畫(左)、臨摹用名場面複製原稿(中)、簽名複製畫(右) 呢本書其實得薄薄幾頁,頭兩頁係訪問。訪問內容無乜太特別,都係講吓成為漫畫家嘅經歷,時間分配,漫畫家守則之類,相信過往唔少訪問都會提過。 而後面就係由漫畫編輯分析下佢嘅漫畫特色,介紹令畫面更加有張力嘅畫畫小TIPS,最後就係介紹下畫漫畫工具,完全係一本指南書指向嘅小冊子。但對想做漫晝家嘅朋友,呢本野又簡化得滯,到喉唔到肺。不如去睇《爆熳》好過,起碼夠熱血先。 而對FANS嚟講可能張DVD先係戲肉。 DVD內容分為4大PART: 1. 就係將由草稿到上色完成全過程 2. 18分鐘嘅鳥山明老師嘅訪問聲帶 3. 邊畫邊講