24小時
22
Nov 16
00:44
博客

【半夜三更去邊好?】「磯丸」有得食24小時壽司放題!

大家有冇聽過「磯丸水產」?係咪覺得好似好熟口熟面呢?磯丸水產係一個以海鮮料理為主嘅連鎖居酒屋,目前喺全日本已經有成100間分店,所以曾經喺日本見過一啲都唔出奇,啲野食都幾好味㗎,未試過的話都可以一試。     不過今次想介紹嘅並唔係呢間居酒屋,而係集團旗下新開嘅姊妹店「磯丸壽司」。呢間壽司店喺上年11月先開,主打海鮮壽司,同磯丸水產一樣都係24小時營業,仲有得食放題,係一眾深夜餓狼半夜三更嘅好去處!如果大家到日本之後或者離開日本之前都咁啱係凌晨,不妨過嚟食返餐超豐盛壽司放題先~     放題有兩種價錢選擇,平啲嗰種可以食到80道料理,貴啲嗰種可以食到100場種料理,當中包括中拖羅、海鰻、海膽等等高級食材,全部都好新鮮,以呢個價錢半夜三更都可以食到咁高質嘅壽司,都幾驚喜!   店內係一貫磯丸風格,裝修到成個漁港市場食堂咁,食都食得有feel啲!   Menu都幾豐富,壽司仲可以一件一件咁叫,想食幾多叫幾多,啱哂想試多幾件唔同款式嘅人。
08
Oct 16
01:57
博客

【深夜去邊好】那夜凌晨Cafe 5大選

而家廉航越出越多,不過大部分時間都唔多靚,凌晨到日本已經唔係新鮮事,咁早去到咩都未開有咩好做呢?今次就推介以下幾間位於東京嘅靚Cafe俾大家,等大家唔使四圍盪,飲杯野慢慢抖夠先再行~   1. Cafe Miyama(營業至早上6時)   呢間Cafe位於渋谷中央街嘅正中間位置,一推門走入店內就已經感覺到店內寧靜嘅氣氛,同店外完全唔同,唔講真係唔知自己身處渋谷!店內有手機及電腦充電器材提供,咁就坐幾耐都唔怕手機冇電啦~       【Cafe Miyama 渋谷センター街店】 地址:東京都渋谷区宇田川町25-3 プリンスビル2階 電話:03-3463-0452 營業時間:08:00~翌日06:00 官網:pkg.navitime.co.jp/renoir/   ================================ 2. Sakura Cafe(24小時營業)   呢間Cafe位於Sakura Hotel入面,由神保町站行過去只需要2分鐘。喺呢度大家可以品嚐到各國不同嘅地道美食,而早上5點起更有早餐放題,真係可以食飽飽差足電再出發~