麥當勞
15
Jun 16
22:55
新聞

日本麥當勞終於有免費Wi-Fi!下星期東京都實施

依家去日本通常大家都會做足準備,買定上網卡、或租定Wi-Fi蛋,但總會有原因係上唔到網。東京、大阪等大城市嘅車站、便利店、部份餐廳都有免費Wi-Fi覆蓋,對於要臨時要查地圖,揾資料都算方便。   不過要企係街到用Wi-Fi,不如坐喺到嘆住冷氣用。 香港麥當勞推行咗唔知幾多年嘅免費Wi-Fi,日本麥當勞終於有啦!日本麥當勞會於6月20日喺東京都內約20間舖推出,7月尾會推廣至全日本約1500間舖。   見到呢個LOGO就代表呢間舖有Wi-Fi。   大家都熟悉點用免費Wi-Fi。同香港差唔多,擇選咗麥當勞Wi-Fi之後,同意使用規條,最後用E-mail,Yahoo! JAPAN、Google+、Facebook、Twitter LOGIN就用得啦! 暫時只有日文同英文介面,外國人用都好方便。   Wi-Fi名:00_MCD-FREE-WIFI 語言:日文、英文 (及後會推出中文、韓文等共5種語言)
01
Jun 16
18:06
博客

【日本美食】日本麥當勞早餐必試「鬆餅漢堡包」

去日本仲食麥當勞!?唔係呀麻?係呀,我真係推介你黎到日本食一次麥當勞,不過係早餐時段,因為日本麥當勞喺早餐時段有一個香港食唔到嘅漢堡-叫做鬆餅漢堡,係非常好味道!   ▼日本麥當勞同香港一樣總有一間在左近   ▼日本麥當勞早餐MENU: http://www.mcdonalds.co.jp/menu/morning/index.html   ▼鬆餅漢堡一共有3款口味,包括煙肉蛋鬆餅漢堡(單價290YEN);豬柳蛋鬆餅漢堡(單價290YEN)及豬柳鬆餅漢堡(單價130YEN)   ▼除左單點之外,亦可加以下價錢叫SET,會有一杯飲品及以下食物!   ▼我就叫左一個煙肉蛋鬆餅漢堡嘅SET,食過日本嘅沙津都知日本嘅沙津係好味同新鮮過香港勁多倍,所以識揀一定揀配沙津嘅SET!   ▼打開個包就見到上面中印住麥當勞嘅logo
18
Nov 16
22:06
新聞

【等咗15年!】傳說中嘅雙重燒肉牛肉堡返嚟啦!

今年係麥當勞登陸日本第45年,繼之前介紹過嘅「芝士吉列漢堡」,今次呢個雙重燒肉牛肉堡「かるびマック」更加吸睛!有啲人可能已經覺得佢有啲熟口熟面,無錯!佢就係15年前曾經名震一時嘅漢堡包,雙重牛肉嘅豐富口感令人對佢愛不釋手!     呢個包最大嘅特色就係「Beef on Beef」嘅紅合,喺勁Juicy嘅漢堡牛扒上面放住嘅係以微辣特製醬汁熬煮嘅牛肋骨肉,加埋自加製嘅甜酸汁完美嘅配搭,牛肉嘅肉味極為突出,大大啖啖落去啲汁唧哂出嚟,漢堡扒同牛肋骨肉嘅雙重口感非常豐富,唔怪得15年後嘅今日依然有咁多日本人對佢念念不忘!     呢個包單買¥390,買餐連薯條同可樂就¥690,如果單純想試吓個包有幾特別,單買就得啦,反正薯條同可樂同香港嗰啲都差唔多~   未試過嘅年輕一代真係要試吓!   雙重牛肉堡「かるびマック」 發售地點:日本各大麥當勞 發售日期:2016年11月22日~ 售價:¥390
09
Aug 16
19:14
新聞

日本麥當勞推出香蕉撻口味麥旋風~

麥當勞嘅人氣甜品「麥旋風」於2016年8月10日(週三)開始 喺全國嘅店鋪推出期間限定「香蕉撻」新口味。   新口味「麥旋風香蕉撻」係可以同時食到濃厚雪糕同“香蕉撻”兩個口味嘅新作。 用天然嘅香蕉甜醬同壓碎嘅碎餅MIX喺雪糕入面, 將香蕉香同碎餅嘅口感去做出“香蕉撻”口味。   ------------------------------ 發售日:2016年8月10日(週三)~10月上旬 價錢:290円 發售店鋪:日本全國麥當勞  
15
Nov 16
01:12
新聞

【日本麥當勞冬季限定】黑白朱古力雙殺

期間限定係香港人嘅致命字眼,一見到限定就會唔理三七二十一買咗返去先算!梗係啦,唔買返香港後悔點算,到時真係喊都無謂。     今期冬季日本麥當勞又再次推出兩款非常誘人嘅期間限定朱古力批,一黑一白,外皮超脆,朱古力迷真係無理由唔試!     黑色朱古力批今年特別在於入面嘅朱古力量係比之前多出20%,爆漿效果更加誇張,細細啖咁咬一啖,入面嘅朱古力醬已經好唔安份咁爆哂出嚟,好香濃口感好rich!     而白色呢一個就係用咗白朱古力去整,有淡淡嘅雲哩拿味,加埋一粒粒果仁嘅口感,成個批感覺好creamy,又唔會太甜,都幾好食。   呢兩個批過多2日就有得試,不過因為供應期唔長,要試就要快啲試啦!唉.......食完返到香港一定會超掛住,如果香港都有得食就好啦。   三角朱古力批「三角チョコパイ」 發售地點:日本各大麥當勞 發售日期:黑色朱古力批 2016年11月16日~2017年2月中旬 白色朱古力批 2016年11月16日~12月中旬 售價:¥120        
09
Dec 16
19:15
新聞

激正改良版「熱辣辣爆醬漢堡」,超濃郁味道食到停唔到口!

大家有冇食過日本麥當勞嘅白汁可樂餅漢堡「グラコロ」?呢個漢堡原來已經推出咗成23年,係每年冬天都會出現嘅期間限定款式,年年都熱賣,今年竟然話會搞搞新意思,upgrade吓個包喎!     呢個漢堡最大特色就係中間夾住件超厚身嘅爆醬可樂餅,一咬開舊可樂餅,入面嘅白汁、大蝦同通粉就會湧出嚟,冬天凍冰冰食返件都咪話唔爽!   而今次嘅革新,麥記就選擇喺醬汁同個包落手,有蛋黃味極為香濃嘅雞蛋醬汁同有少少辣、越食越惹味嘅辣汁兩種可以揀,各有睇落都好似好好味,好想兩種都試哂佢添!至於個包,今次就落重咗cream同牛油去整,所以一食就會食得出個包比以前更香同更軟綿。     如果大家想試更濃郁嘅味道,可以叫呢個加咗塊芝士嘅「超デミチーズグラコロ」,芝士同可樂餅嘅味道本身就好夾,一大啖咬落去,所有味道好似渾然天成咁完全無違和感,難怪23年嚟都係大受歡迎之作!   超グラコロ 發售地點:日本全線麥當勞 發售日期:12月14日~ 售價:¥340   超デミチーズグラコロ 發售地點:日本全線麥當勞 發售日期:12月14日~ 售價:¥370   官網:
26
Dec 16
23:39
新聞

日本推第一屆麥當勞總選權!

雖然成日投訴老麥加價,亦都知食得多對健康唔好,但食老麥就好似一個情意結咁,真係會時不時就想去食。唔知大家去老麥又最鍾意食咩餐或咩包呢?日本麥當勞就準備搞第一屆麥當勞總選,等各位食客一齊投票揀最中意食嘅包喎!   入圍畀大家投票嘅有12個包咁多,一齊睇下: (左上起至右)巨無霸、芝士漢堡、蛋芝士漢堡、煙肉生菜漢堡、足三兩 (左下起至右)照燒雞堡、麥香雞包、BBQ豬肉漢堡、芝士雞堡、魚柳bell、麥香蝦堡   官方網站就賣晒關子話如果你最中意嘅包成為第一名,有機會發生一啲事咁話喎。個投票就2017年1月6日先開始,唔知日本人嘅口味同香港人似唔似呢?比著你你又會all in邊個包?     資料來源:日本麥當勞官網
03
Feb 17
14:06
新聞

「麥當勞總選拳」結果出爐! 邊個先係真正最強王者?

唔講都唔知原來「第一回麥當勞總選拳」原來已經圓滿結束咗,呢個投票活動總共有12種包分成2隊進行投票,每款包都各自有各自嘅宣言,承諾如果當選咗會為大眾市民帶嚟咩回饋,成件事超級認真!到底12個包各自有咩宣言?一齊睇睇!   (左起)BIG MAC:「變成MEGA MAC,但價格不變!」;Double Cheese Burger:「由Double Cheese變做Triple Cheese,但價格不變!」;Egg Cheese Burger:「加多塊煙肉變成Bacon Egg Cheese Buger,但價格不變!」   (左起)Bacon Lettuce Burger:「加多塊煙肉,但價格不變!」;Quarter Pounder with Cheese :「份量加倍,但價格不變!」;Double Quarter Pounder with Cheese:「如果真係當選,份量乘三!」   (左起)TERI YAKI McBURGER:「為咗大家,我嘅照燒肉份量會加倍,但價格不變!」;CHICKEN Filet-O:「加多塊Bacon同芝士,變成超豐富嘅 Filet-O,但價格不變!」;Barbecue Port Burger:「 份量加倍,但價格不變!」   (左起)Chicken Cheese Burger:「加多塊芝士變成Cheese Chicken Cheese Burger!」; Filet-O-Fish:「畀多塊魚柳你,但價格不變!」;EBI Filet-O:「變成史上第一個Double蝦寶嘅 EBI Filet-O,但價格不變!」   每個包為咗要勝出都無所不用其極,如果你都有份投
22
Jan 16
20:26
博客

期間限定:香港「真。日本味」甜品

想食地道日本野唔洗下下都去日本嘅。今次就等小編為大家介紹近期5款期間限定嘅甜品選擇。麥當勞最新紫薯雪糕平平地食日本味!麥當勞今次用上日本紫薯糖漿製作全新口味。小編就對「蛋白脆糖紫薯扭紋麥旋風」最有興趣。由2016年1月21日起,早上十一時後,係全線香港麥當勞甜品站供應。同期開心樂園餐仲有小丸子玩具換。食完個餐,食杯雪糕,玩埋玩具,一次可以滿足你三個願望呀! 麥當勞分店搜尋器:http://www.mcdonalds.com.hk/ch/restaurant-locator.htmlTokyo Milk Cheese Factory依間蛋糕店係香港都係開左一個月左右,由2016年1月18日起,係希慎期間限定店,每日下晝一點開始賣草莓牛奶卷同牛奶芝士餅。每人每款只可以買一個,依兩日都好快就買完,快啲去排隊啦!Tokyo Milk Cheese Factory 希慎