鳥取中部
29
Nov 16
02:10
新聞

【唔識揸車都可以「暢遊鳥取中部」!】包車每人只需¥2000!

唔識揸車的話,要遊鳥取中部,包車周遊係最好嘅玩法!唔好以為包車實貴,今次介紹呢個「的士周遊方案」一個人就只係需要¥2,000就可以玩足4個鐘,唔識揸車一樣可以玩轉鳥取!     呢個Plan專為外國觀光客而設,目前有7組路線可以選擇,最正係事前已經可以定哂想去咩地方玩,點對點有專車接載,事前完全唔使喪Check車程班次,對於路痴嚟講真係輕鬆到震!   A. 青山剛昌故鄉館.二十世紀梨紀念館線路 B.  PURPLE TOWN.三朝線路 C. 東鄉線路 D. 關金.倉吉白壁土藏群線路 E.  琴浦.APT線路 F.  青山剛昌故鄉館.DAISO JAPAN線路 G. 中國庭院燕趙園.海風之丘泊線路   雖然話得7組線路可以揀,但每組線路入面平均仲有6種景點組合可以揀,加加埋埋有成41個選擇,想去咩景點大家就真係要去返官網慢慢揀啦~   外國人個人觀光客專用「的士周遊方案」 費用:大人 ¥2,000、小童 ¥1,000 注意事項:需於最少一日前於網上預約;每組最多包車4小時,每車最多容納4人;收費設施門票需另行購買 預約網址:tottori-iyashitabi.com