鰻重
02
Feb 16
23:03
博客

你不可不知道的鰻魚冷知識 !

話說「土用」,係立春、立夏、立秋、立冬前18日,而係依18日按農曆地支計算中屬丑嘅日子就稱為「土用丑之日」。日本人相信係丑之日(うしのひ、Ushi no Hi)要食「う」(U)字開頭嘅食物會有助於強身健體。而係江戶時代有間鰻魚店嘅鰻魚(うなぎ、Unagi)係夏天滯銷,店主請教一位叫平賀源內嘅學者,教佢利用左依個傳統黎吸引顧客,宣揚「土用丑之日就要食鰻魚!」嘅概念。自此,鰻魚同夏天就扯上關係喇。 至於鰻魚會放係飯面上,其實係因為以前有個叫大久保今助嘅人,佢好中意係睇戲嘅時候叫鰻魚黎食,但係成日外賣送到條鰻魚已經凍左。所以就叫人將鰻魚直接放係熱辣辣嘅飯面送黎,結果就有左今時今日嘅鰻魚飯喇。 係日本做鰻魚嘅店舖通常就只會賣鰻魚相關嘅料理,以下係一啲常見嘅食物:蒲燒 最常見嘅就係將鰻魚去骨,串上竹籤再加上醬汁去燒成嘅鰻魚。係關西就會直接燒,乾身啲但香口啲。而關東就會先蒸再烤,口感軟滑啲。白燒 唔加醬汁就咁燒,可以試到鰻魚本身嘅鮮味。鰻重 將蒲燒鰻魚放係「重箱」(方形盒)中嘅白飯上。通常唔會切開