食堂
09
Dec 16
00:10
博客

我要聖地巡遊! 點解我搵唔到深夜食堂嘅? (重有電影紀念筷子送啊!)

  日本暢銷漫畫『深夜食堂』,由漫畫家安倍夜郎創作,2006年10月開始在漫畫雜誌『Big Comic Original增刊號』中初次登場,2007年8月於『Big Comic Original』連載,並於同年底開始推出漫畫,至今已推出13冊,總發行量高達230萬本,被稱為日本國民嘅「食之漫畫」。原作曾獲第55屆小學館出版社漫畫獎及第39屆日本漫畫家協會獎大獎。     改編自日本暢銷漫畫嘅《深夜食堂》,無論係劇集或者係電影,相信唔少朋友都已經睇過吧。隨住電影外銷同Netflix播映劇集版,令呢套作品在日本國外嘅人氣有爆炸性嘅發展。   近年日本掀起咗一陣聖地巡禮嘅熱潮,唔少人搵返電影入面嘅場景去朝聖,特別係最近嘅《你嘅名字。》吸引咗唔少人去高山一帶旅行。 當然,於海內、外都大受歡迎嘅『深夜食堂』亦唔例外,特別係因為設定上間舖係坐落於新宿街頭,咁易去冇理由唔去㗎。   不過奇怪嘅事發生啦,點解行晒成個新宿都冇嘅!??????冇理由喎!   即刻開返套戲出嚟睇……  
04
Nov 16
01:50
博客

【無人餐廳?】全自助自販機食堂

一間餐廳冇職員都營運得到?原來真係得!呢間位於群馬縣嘅「自販機食堂」入面真係一個員工都冇,要食野咩,就自己喺販賣機度㩒野食,雖然冇人招呼初初入去硬係有啲唔習慣,但諗深一層,冇職員成日企喺後面望你食完未,好似又真係自在好多。     日本80年代左右喺保齢球場等等嘅娛樂場所都好流行呢啲售賣食物嘅自動販賣機,不過隨住Family Mart、7-11等等便利店嘅出現,時時刻刻都可以買到野食,食物自販機就越嚟越少人用,仲越嚟越少見到添。   所以如果想感受吓以前日本用食物自販機買野食嘅懷舊感覺,可以嚟呢度走返轉,入面有3部食物自販機,麵類、三文治類同漢堡包類都食得到,味道唔差㗎!         漢堡包機上面貼咗張使用方法,因為係老爺機嘅關係,請大家都遵守返啲規則,例如只可以用¥100(千祈唔好用¥50,如果唔係部機就會停咗唔識郁)、要一個一個慢慢咁入落部機度,總之就係要對佢溫柔啲。入完錢,未揀要咩食部機就會自動找錢先,老闆話係正常嘅,千祈唔好又將個