音樂
26
Apr 16
00:01
博客

[不敗日記]音樂發燒友必去尋寶嘅日本CD舖

相信好多人都有追開我每晚23時59分嘅[那些年,我們一起聽過的日文歌]。 好多時,大家都話好鍾意邊個邊個歌手,好鍾意邊首歌…… 但係,如果真係咁鍾意果位歌手或果首歌,又有幾多人有買CD呢!?   對於我嚟講,聽歌、支持,我有一份執著。 由CD播出嚟嘅音質同MP3聽嘅音質,真係差天共地,無法相比。 所以,鍾意嘅歌手或Band隊一出CD,我都會衝去CD鋪買碟~ 之後呢,即刻拆開包裝,拎隻CD出嚟,放入CD WALKMAN入面,帶上耳機開始煲歌。 呢一種感覺,真係好正,好享受。   相信有d人好介意人地開過聽過隻CD,點都堅持買全新CD。 亦有d人唔介意中古品,因為有d珍藏CD真係無可能有全新。 當然,除咗JPOP,都有唔少人同我一樣,鍾意聽Visual Band啦。 但係,你地知唔知可以係邊到買CD呢? 以下落嚟,就為大家續一介紹!!!   想買全新CD︰   TOWER RECORD http://tower.jp/   TSUTAYA http://tsutaya.tsite.jp/   呢兩間CD鋪喺日本都算得上數一數二嘅大型連鎖店,最新感覺就同HMV差唔多。  
29
Jan 16
20:05
博客

從代代木到紅白:WaT 10年一路走來

由Wentz瑛士同小池徹平組成嘅男子唱作組合「WaT」成軍十年,係去年12月嘅演唱會上突然宣佈會係今年2月正式解散。佢地組成到紅起都受到好大關注,一齊睇下佢地依十年嘅重點回顧啦~ 2002年 二人開始定期在代代木公園附近演唱。 2003年 因演唱太受歡迎,聚集嘅人數太多而停止了在街上演唱嘅活動。 2004年 發行首張單曲「卒業TIME」,以獨立樂隊型式出道。 2005年 係多間唱片公司爭奪下,選擇左環球唱片正式出道。首張單曲「僕のキモチ」打入ORICON細碟榜第二位。首次參加NHK紅白歌唱大賽 ,打破左日本由出道到參賽需時最短嘅紀錄。 2006年 發行第一張專輯「卒業TIME〜僕らのはじまり〜」。 同年獲得以下獎項: 『第43回 2005年度 金箭賞』 新人獎 『第20回 2005年度 日本金唱片大賞』年度新人獎 『第39回 BEST HIT歌謠祭』 最優秀新人獎 『第39回 日本有線大賞』 特別獎 『第48回 日本唱片大賞』新人獎 2007年 二人各自推出單曲:小池徹平「君に贈る歌」;瑛士「Awaking Emotion 8/5」。
18
Jan 17
19:27
新聞

《你的名字。》落實進軍北美市場 RADWIMPS特製英文版主題曲!

2016年大熱嘅動畫電影、新海誠監督嘅作品《你的名字。》已經落實將會於4月7日起進軍美國,於北美上映!為此,樂隊RADWIMPS仲將電影主題曲「前前前世」及另外三首插入曲以日本歌詞為原意重新寫過英文歌詞㖭呀!收錄英文版新歌「Zenzenzense(English ver.)」嘅新碟「Your name.(deluxe edition/Original Motion Picture Soundtrack)」仲會喺美國推出,真係成為RADWIMPS喺美國出道嘅第一步!   日文版原曲:   新海誠監督非常感激地表示,對RADWIMPS嚟講,歌詞同旋律係不可缺一嘅。所以佢衷心感謝RADWIMPS為外國觀眾特意製作英文版歌曲歌詞。佢話因為主題曲係同劇情緊緊相連,亦反映主主角們嘅心情同心境,所以希望外國觀眾可以透過英文版OST更加能夠體會到套電影嘅樂趣!   英文配音預告:   呢套電影其中一個成功嘅原因就係樂隊RADWIMPS特意為電影創作嘅配樂,今次仲進出美國簡直令日本嘅電影迷同樂迷都非常興奮。日本嘅電影院方面亦都會特意上映使用咗英文歌配樂嘅英文字幕版《你的名字。》兩個禮拜。而四首英文版歌曲將會收錄成CD「君の名は。English edition」,並於2月22日起開始喺日本發售。   英文CD封面:
20
May 16
02:28
博客

【最想佢做我愛人!】之男女歌手篇 (又係時候FF喇)

日本音樂情報雜誌《CD&DLでーた》訪問咗日本10-39歲嘅男女讀者,調查佢哋最想同邊個歌手拍拖! 睇番個結果果然係好豪華呀~ 快啲睇下你嘅男女神有冇上榜啦!   男性部門結果發佈: 第10位:ATSUSHI (EXILE) 第9位:稲葉浩志(B'z) 第8位:岩田剛典(EXILE/三代目 J Soul Brothers) 第7位:相葉雅紀(嵐) 第6位:大野智(嵐) 第5位:桜井和寿(Mr.Children) 第4位:二宮和也(嵐) 第3位:櫻井翔(嵐) 第2位:星野源 第1位:福山雅治 永遠嘅男神福山雅治估唔到結咗婚都仲係咁受歡迎呀!雖然公佈婚訊嘅時候好似流失咗大量中女粉絲,但睇嚟年輕嘅一代覺得佢結咗婚之後更加man,仲得到最多3字頭受訪者嘅
05
Jan 17
22:19
新聞

出道10年人氣樂隊 生物股長宣佈暫停活動!

今年出道10週年,一直受JPOP樂迷愛戴嘅兩男一女樂隊生物股長今日喺官方網站發布「放牧宣言」,向粉絲及大眾表白將會暫時停止活動!不過唔使驚,佢哋指今次絕對唔係解散,仲向粉絲發誓會再同大家見面。   佢哋嘅網頁已經癱瘓咗,喺度大概翻譯咗佢哋俾大家嘅公告:     「生物股長 放牧宣言」   10年來,我哋三個人好努力咁渡過呢段時間, 而家我哋想分別試下感受自由嘅生活。   想試下做自己鍾意做嘅事, 試下展開啲新嘅開始, 試下慢慢停下來發呆, 試下去一直想去嘅地方踏上旅程。   為咗可以更加擴闊我哋嘅未來。 為咗可以令我哋三個嘅故事可以繼續發展得更加長遠、更加開心。   以上係生物股長嘅放牧宣言。   首先喺度同大家講聲「一直以來,非常感謝。」 然後係「往後也請多多指教。」   生物股長喺我哋三個人會返嚟嘅地方。 下次見嘅時候大家笑住見面吧! 係咁,我哋行先啦! 放牧!   生物股長 水野良樹・吉岡聖恵・山下穂尊
17
Dec 16
01:50
新聞

【每日一FF】如果我女朋友係小松菜奈...

呢幾日日本YouTube出現咗條話題MV,就係日本樂隊never young beach搵嚟最近上位中嘅「厭世面」女神小松菜奈,以第一身男友視線再配iPhone打直拍片玩法拍嘅。雖然首歌得兩分幾鐘,但個MV有足足7分幾鐘,入面有晒小松菜奈勁GFable嘅一面,我真係未見過佢笑得咁開懷同埋咁傻...連身為女仔嘅我都差啲以為佢真係我女朋友,絕對係FF好物。     唔識日文嘅話,齋聽呢首歌會以為係一首好甜蜜嘅歌啦~但其實正正相反,呢首歌係叫「お別れの歌」,即係分手之歌。WHAT?冇錯,唔好睇個MV拍得咁甜蜜、現實感滿滿,其實係講緊個男仔係已經同女朋友分咗手,之後睇番之前拍低嘅片段回想返兩人嘅回憶...哇成件事真係突然勁沈重勁sad,但首歌嘅意思就係想帶出分手唔一定要悲觀,反而可以係一個新希望。   小松係MV入面真係有勁多素顏、勁自然同調皮嘅一面,同平時chok厭世臉個feel非常唔同。   今次嘅MV導演係幫開明星影攝影師硬照嘅攝影師奥山由之。唔需要大排場嘅背景、甚至高級相機攝影機、亦唔需要女神級主角小松著上名牌潮服,片中滿滿嘅寫實感反而更能引起大家嘅共鳴,成為話題。本身我真係對小松冇乜特別嘅好感(純粹覺得佢氣質係真係幾特別),但我都必須承認呢個MV令我對佢刮目相看。唔知,佢真人係咪真係咁傻咁可愛呢?  
18
Nov 16
10:18
博客

第58屆日本唱片大獎 各賞結果揭曉!

由日本作曲家協會主辦、TBS協辦嘅第58屆日本唱片大獎結果正式公佈!最優秀大獎將會於12月30日頒獎儀式上從10首優秀作品上選出其中一首。最優秀新人亦會從4位優秀新人中選出。   被傳收買獎項嘅三代目J Soul Brothers今年未能入圍,失去奪獎及獲得三連霸機會。   如果今年AKB48成功奪走大獎,將會喺自2012年「真夏のSounds good !」以嚟第三次奪得獎項。   如果係演歌王子冰川奪得,就會係冰川自10年前第二次獲得呢個榮譽。   AKB48 第一次獲得呢個獎係2011年 「Flying Get 」(一隊我熟悉嘅AKB T_T 那動人時光...)     其他得獎者都係初次得到優秀獎項。一齊睇下部分名單啦!   優秀作品賞 「あなたの好きなところ」西野カナ