難食
03
Oct 16
22:49
博客

【日本之最】最驚嚇拉麵店 - ラーメン彦龍

去日本,當然就係為咗美食而去,但如果咁啱撞正間係以難食聞名,難食到不得之了嘅餐廳,你又會點呢? 東京就有一間拉麵店難食到上電視,於「ダウンタウンのごっつええ感じ」等節目中被喻為最難食拉麵店,拉麵一上枱,望住食材嘅配搭,真係覺得老闆好有創意!   老闆話佢唔係好擅長包餃子,都唔係吖,都仲睇得出係隻餃子啊。   嘩!咩事!老闆你係咪唔記得睇火先搞成咁咋! 定呢種係特殊嘅烹調方法??   呢碗真係經典中嘅經典,集齊哂日本人最唔夠膽食嘅雞腳啊、內臟啊咁,仲唔係有心挑戰日本人嘅極限!   啲咁特別嘅料理就係出自呢位原憲彦先生之手。   因為賣相出眾,經電視介紹之後人氣急升,有好多人都慕名去一嚐呢碗咁獨特嘅拉麵。不過食評都唔係一面倒嘅,有食客表示拉麵其實都唔係真係難食得咁緊要,其他拉麵嘅賣相都算中規中矩咁話喎。